احم احم
بسم الله ،،،
آكلة تعلمتها وانا هنا في ماليزيا ههههههههه زي البرياني
1- ناخذ رز على حسب الكمية اللي نبغاها ،، انا بتكلم على عدد 4 أشخاص
ناخذ 3 كاسات رز طبعا نصفي الرز اول شي ،،، بعدين نحطه في الموية لمدة معينة اللي مدري هي كم ههههه المهم بعدين ناخذ الرز ونسلقه الرز لحاله كأنه رز أبيض بس مانخليه إستواء كامل نص إستواء بس ،،
2- اربع حبات بيض أسلقها " بيض مسلوق "
3-بعدين نجي للكشنة اللي حنسويها ،،،، نقطع بصل قطع صغيرة امم 3 حبات متوسطة الحجم طبعا نقطه وطماطم اربع حبات نقطعها وبرضو ثوم على حسب الكيمة لانه الثوم حق نكها لا غير لووول وفلفل أخضر وبطاطس 3 حبات كبيرة ونقشرها ونغسلها ونقطعها قطع متوسطة " ودجاج نجيبه ونغسله تمام ونقطعه قطع زي مانبغى وننزل الجلد حقه اما اللي يبغى الجلد براجته "
4- نجيب القدر اللي ناوين نسوي في الاكلة ،، ونحط زيت ونحط وراه البصل ع طووول ونجلس نحركه لين مايحمر البصل نحط الطماطم والثوم طبعا الثوم يكون احسن لو مهروس ونحط الفلفل الاخضر ونحركه شوي بعدين نحط البهارات المشكلة هههههه إشتريتها من السعودية بهارات مهران هههههه المهم إذا ماعندك مشكل عادي حط " قرفة و فلفل أسود و هيل " طبعا البهارات تكون مطحونة لا تجلس تحط كل شي زي ماهو خليك طباااخ ماهر زي لووول وحبة ماجي عشان النكهة والطعم يكون اوكي ونحط ملح وطبعا الشي هذا اللي عمري ماعرف احطه زي الناس اسألو كرووومي الحمدلله مايزيد بس دائما ناقص اخاف ازوده يطلع الاكل مو قد كدا وعلى قولة واحد إثنين اذا زادو في الاكل ماينقصو الماء والملح ههههه
طيب نرجع نكمل نحط الملح ونحط صلصة او مجعون طماطم زي مابنقول ونحركه تمام ميه ميه المهم بعدين نحط البطاطس حقنا والدجاج برضو ونحرك كل شي من جديد ونزود مويه شوي يعني حق اكثر من الربع بشوي بحث انو الكشنة تكون ثقيلة واذا حفت زود صلصة ،، بعدين اممم ايوه نجيب البيض المسلوق ونحطه مع الكشنة اللي سوينها ونخليه حق 10 دقايق لين نشوف الدجاج بدأ يتغير و البطاطس لانه الدجاج غير اللحم يبدا يستوي بسرعة ،،، بعد كذا نرجع للرز اللي قلنا نص إستواء شكلكم حرقتووه هههههه المهم ننزله من القدر اللي سوينها فيه ونحطه فوق الكشنة بس من نغير مانحركه نحطه ونفرده على انحاء القدر ونحط موية لين مايتغطى الاكل كله بشوية يعني حق سانتي متر يتغطى بس اهم شي ونجيب الون الاصفر تقريبا إسمه زعفران اذا ماني غلطان ،، المهم تحط شوي في كاسة مع موية وتجي تكبه في القدر طبعا في أجزاء مختلفة مو كثير وليه سوينا كذا عشان الرز يكون لونه أصفر وابيض وأحمر من الكشنة اللي تحت
بس ونقفل القدر زين وأهم شي انو يكون غطاء القدر تمام عشان ماينزل البخار منه بس ونخليه من 30 الى 35 دقيقة على نار هادئة ولا تفك القدر الا بعد هذي المدة المهم ،، اذا فكينا القدر جيب ملعقة وشوف الرز إستوا ولا لسى اذا شفته تمام خلاص جيب الصحن الكبير اللي راح تاكل في انت والاربعة اشخاص للي معاك وابدا غرف الرز كله وأفرده على الصحن الكبير كله وبعد كذا ابدا بغرف الدجاج والبيض والكشنة الثقيل حقتك
وافرش جريدة ههههههههه وحطه وجيب عصير مويه اللي تبغاه ولا تنسى قارورة الشطة بالله ههههههه
ولا تجلس على طووول تذكر انك طابخ لاربعة اشخاص رووح ناديهم من غرفهم هههههههههه<<<< أسألو كرومي كيف كانت الطبخة ذاك اليوم
وبالهناء والعافية على قلووووبكم معليش طولت عليكم
هههههههههههههه وجاء دور الوناسة
الطبخة الجاي لوفاي طبعا من غير كلام بس بشرط ،، انو مايكون ملطوش ياوفاي وكيف حنعرف انو ملطوش او لا ،، من طريقة الكتابة هههههههههههه شوفي طريقة كتابتي تدل انو انا اللي جالس اكتب
مو تجي تقولي " نضع البصل ونحركه جيداً حتى نرا تغير لون البصل ههههههههههه بلغتك انتي لووووول
،،شامخ،،
