يبه آحبك ., ليش ماتتحسسني بحنآنك وتحضني
ليش تخبي مشاعرك ليش تخلي عاطفيتك داخليه طلعها لي ولأخواني
محتآجين لك في هالفتـره لاخليني بروحي وربي تعبت من الي قاعد يصير
بس بنتك صابره ومتحمله يعني معقوله ماتحس بلي بدأخلها ؟؟!
ماتسأل ليش نوف ماتقعد معانا ليش نوف زعلآنه ليش نوف ماتاكل .؟
محتآجه بس تسألني نوف بنتي محتاجه شي؟ ناقصك شي؟
واذا سألني هالسؤال بقول اي ناقصني .. بس ماراح ناقصني فلوس
الفلوس ماتهمني الفلوس تروح وتجي بقول له ابي حنانك ابي حضنك ابي سؤآلك عني
..
آمس يوم كنت رآجعه من البحرين امي كانت تقول لي ابوج يسأل عنج وحشتيه
انا صدقت وبنفس الوقت ماصدقت قلت ابوي يشتاق لي انا؟ معقوله !؟
انتظرته لـين مارجع رحت له وانا طآيره من الفرح وبنفس الوقت كنت مستحيه منه حيل ليش مادري ..
سلمت عليه وبسته على رآسه وسألته
انا / يبه شلونك ؟؟
ابوي / بخير الحمد الله
انا / شتقت لك حيل
ابوي / =)
حسيته فرحآن فيني بس يكآبر صحيح فرحت اني كلمته بس بنفس الوقت تضايقت ان ماجلس يسولف معآي لان عارفه هو بعد وده يتكلم بس مايعرف يعبر عن الي بدآخله
مثل ماقلت مشاعره داخلي مو خآرجي
جلست ساكته ومنزله راسي ع الارض ودي اقول له يبه احبك بس الحيا غالبني ليش مادري
قمت وانا مكسوره الخآطر وبنفس الوقت فرحآنه ..
رحت لأمي وقلت لها ع الي صآر
فامي حست فيني اني فرحآنه وبنفس الوقت خانقتني العبره وضمتني بكل حب وحنان وتمنيت ابوي بمكـآنها
مآدري شقول بس هذا الي كآن بخآطري وحبيت افضفض واطلعه بهالمكآن
واتمنى دعآئكم لي بظهر الغيب بالتوفيق والسعآده والهدآيه
ولاتلوموني اذا شفتوني حزينه لان وربي الي شفته مو شوي بحيآتي هذي
ان شاء الله ربي يعوضني بالخيـر بالايآم الجآيه ..,
وسآمحوني اذا كان في حروف ناقصه ولا بدليآت لان وربي اكتب ودموعي على خدي
آحبكم كلكم
..
