مكالمة بين الأمير محمد بن نايف والانتحاري الذي حاول الاعتداء عليه

[هَـ-ђāŵĩ-ـَاوِي]

"العربية" تبثّ الشريط الصوتي كاملاً

مكالمة بين الأمير محمد بن نايف والانتحاري الذي حاول الاعتداء عليه


صدر الثلاثاء 1-9-2009 بيان من وزارة الداخلية السعودية حول حادث الاعتداء الذي تعرّض له مساعد وزير الداخلية الأمير محمد بن نايف بن عبدالعزيز مساء يوم الخميس الماضي، فيما تم الكشف عن شريط صوتي لمكالمة هاتفية بين الأمبر محمد بن نايف والانتحاري.

وفي ما يلي نص المكالمة التي جرت بين الأمير محمد والانتحاري عبدالله عسيري:


نص المكالمة


الأمير محمد بن نايف: السلام عليكم الاخ عبدالله

المنتحر: نعم نعم

الأمير محمد بن نايف: كيف الحال.. القوة؟

المنتحر: الحمد لله كيف حالكم؟

الأمير محمد بن نايف: بخير كل عام وأنتم بخير

المنتحر: وأنت بخير ان شاء الله

الأمير محمد بن نايف: كيف صحتك؟

المنتحر: مبروك رمضان

الأمير محمد بن نايف: الله يبارك فيك عسى ما تعبتوا

المنتحر: الحمدلله

الأمير محمد بن نايف: وشلون اخوك ابراهيم عساه طيب

المنتحر: طيب الحال

الامير محمد بن نايف: ابشرك ترى الوالد والوالدة كلهم طيبين ولله الحمد امورهم
زينه وكل شي زين

المنتحر: اللهم لك الحمد، ونسأل الله عز وجل ان يتمم

الأمير محمد بن نايف: اللهم آمين اللهم آمين

المنتحر : عسى الله بيسر الامور

الأمير محمد بن نايف: ابد الأمور متيسرة ما دام الانسان يحط الله بين عيونه اموره متيسرة

المنتحر: ان شاء الله

الأمير محمد بن نايف: في ذهنك شي ودّك تسألني اياه

المنتحر: والله علي أني اقابلك

الأمير محمد بن نايف: انا وأنا اخوك في جدة وأنت بعيد شوي محلك

المنتحر: انا ودي اقابلك حتى اعطيك الموضوع كامل لك متى ما تيسرت عرفت

الأمير محمد بن نايف: هو أهم شيء الان عندنا اول شي ابسأل سؤال تجاوبني
عليه جواب لأطمئن

المنتحر: أبشر

الأمير محمد بن نايف: طمني عن زوجة سعيد وعن الصغار عسى ما جاهم شي

المنتحر: لا ابد طيبين مرة اللهم لك الحمد

الأمير محمد بن نايف: هذولا وأنا اخوك لهم اهل فلابد تراعونهم قبل كل شي
انتبه عليهم تراهم عندي اهم منكم اقولها لك بصراحة

المنتحر: بيض الله وجهكم

الأمير محمد بن نايف: الحين وقلك حطها في وجهي ابيك تطمني عنهم قبل كل شي

المنتحر: اعجبنا وضوحكم معنا عرفت حتى الشباب مستغربين من تعاملكم

الأمير محمد بن نايف: ليه انتم عيالنا ليش مستغربين هالتعامل

المنتحر: بيض الله وجهكم

الأمير محمد بن نايف: هذا واجب احرصوا ترى الاشرار يبون يستغلونكم في كل أمر حطوا الله بس بين عيونكم وتعالوا لديرتكم

المنتحر: وهذا رمضان بإذن الله رمضان خير

الامير محمد بن نايف: آمين آمين ان شاء الله دائم

المنتحر: والله ان شاء الله نسأل الله ان يكفينا الشر ورمضان هذا رمضان خير

الامير محمد بن نايف: آمين

المنتحر: ومتفائلين ان رمضان هذا يعني بيكون نقلة

الأمير محمد بن نايف: بحول الله اول نقلة وأنا اخوك تقر عين اهلك فيك هذا اول شي.. ثانياً انا والله ماني كاذب عليك ودي المرأة هذي وعيالها يجون سالمين غانمين لأن النساء عندنا اولوية في كل شي

المنتحر: صدقت والله

الامير محمد بن نايف: والله اقولك والله يخيروني هالحين بينكم كلكم والاهم كان لا انتم اقعدوا وخلوها تجي

المنتحر: صحيح والله لو تشوف كيف بنته الصغيرة وكيف يوسف يعني نسأل الله ان يتممها على خير

الامير محمد بن نايف: إن شاء الله يجون وتقر عين أهلهم فيهم والمرأة تجي عند والدها وأسرتها.. فالهمام ما عندك هالحين الا الهمام تعلم اخوانك اللي بيجون قبل ما يستغلونهم الاشرار بدون أدنى شك

المنتحر: بإذن الله حنا نحيكم في الله وان الامور بإذن الله تتم وتتيسر

الأمير محمد بن نايف: أبشرك الامور زينة.. وأنا يهمني أهم شي تقر عين والدتك فيك ووالدك هذولا بعد ما لهم ذنب.. والدك والدتك يتجلدون قدام الناس مايبون يشعرون أحد أنهم متأثرين ولكن من جوه تعرف قلب الوالد.

المنتحر: انت كلمتهم

الأمير محمد بن نايف: والله دائم اسأل عنهم ونكلمهم باتصال ولا لي فضل فيها

المنتحر: انا كان ودي أدق عليهم

الامير محمد بن نايف: دق عليهم بس اذا ما كان ما يأثر عليكم انهم يحكون عند احد

المنتحر: هذي شي والشي الثاني ودي اكلم انا واخوي ابراهيم مرة وحدة

الامير محمد بن نايف: احسن تدري وراه

المنتحر: لان لو كلمت لحالي يمكن يخافون من شي

الامير محمد بن نايف: الوالد لا ممكن يكون متفهم لكن والدتك لو تكلمها واخوك ما كلمها يتهقى فيه شي

المنتحر: والله ودي اقابلك اشرح لك الوضع كامل

الأمير محمد بن نايف: ابد حياك الله لك مني اذا جيت اقعد انا وإياك وكل منا يعطي اللي عنده رفيقه لكن اهم شي الجماعة لا يبطون ما ادري وش الاوضاع عندهم

المنتحر: الجماعة قالوا الشيخ سعيد عجل تقابل انت مع الامير وتكلم بعض الشباب متخوف شوي

الامير محمد بن نايف: وش متخوفين منه

المنتحر: مدري بعضهم متخوف

الامير محمد بن نايف: معليش محقين لكن انتم ما سألتوا عن محمد تراه طيب وبخير وفي بيته

المنتحر: جانا الخبر والحمد لله بعد الخبر ارتحت كثير وقالوا تكلم الامير بنفسه ويكلم الشباب وبإذن الله يعطيهم وجه

الأمير محمد بن نايف: ترى الا هالجين لو فيه حق خاص ابعلمك امورنا كلنا تتبع الشريعة وقد نكون مقصرين في بعض الامور ولكن عن غير قصد وما فيه احد كامل خلني اكون معك صادق.. لكن لو الانسان قاتل له كان فيه حق خاص ما اقدر اوعدك فيه لين اهل الحق يتنازلون.

المنتحر: بيض الله وجهك

الامير محمد بن نايف: ولكن الحمدلله اللي اعرفه الان انكم ما عندكم حقوق خاصة على احد

المنتحر: فإذا قدرت بأسرع وقت ترسل طائرة او اي شي بحيث اكلم انا الشباب من عندك.. لأنه اذا كلمتهم من عندك بإذن الله عز وجل خلاص بيطمنون

الامير محمد بن نايف: خلاص اللي ودك.. انت اللي تقيم هذا الوضع اذا كان الوضع ينتظر الي يوم تجيك الطياره وبتجي الله يحييك

المنتحر: بيض الله وجهك..

الامير محمد بن نايف: واذا كان لا ما ينتظر لا والله الهمام على اخوانك وخلهم يجون

المنتحر: اجل خلني اكلم ثامر وأرد عليك

الامير محمد بن نايف: كلم وشوف وشاور وأنا اخوك بس اهم شي لا تكلم الوالده اللين يصير ابراهيم عندك

المنتحر: أبشر.. وتكفى انك تسامحنا لانها والله انها يعني ما كانت..

الامير محمد بن نايف: لا تنخاني يا رجال اني اسامحك انت ولدنا وأبرك ساعة نبي نكسبك وتعودون لا احد يستغلكم هذا اللي نبيه

المنتحر: بإذن الله

للاستماع إلى التسجيل الصوتي اضغط هنا ​

فلم مجسم لخطة الإغتيال ونبذه عن الإرهابي​

[youtube]http://www.youtube.com/watch?v=MeBiVexO9Q4[/youtube]​

للمزيد عن الخبر

محاولة إغتيال مساعد وزير الداخليه السعودي

الارهابي بعد ما فجر نفسة

almaistru
هــ hawiــاوي​

 

[~غـٍفـوةَ ح ـٌلُــَم}~]

حسبي الله عليهم ,, يعني يوهمه انه بيسلم نفسه وهو يبي يفجر فيه ,,
بجد ما قصر معآهـ الامير ,,, بس نآس ما تستآهل ,,

حب الوطن ~}
تسلم يدينك يالغالي ,,
ماشاء الله عليك اخبارك مميزهـ,,
بالنسبه للمقطع ترى لآزم ينحفظ عشان اللي بيسمعه..
مودتي

 

[ميوي]

شسالفته ذا :>

 

[@ رسيم القاف @]

يعطيك ربي الف ع ـــآفيهـ .. م ـــجهود تشكر عليهـ وأخبآر هأمه جدًا

وإن لله وإن إليه رآجعون .. الله لا يحله .. ولا يبيحة .. والله حسيبه وحسيب اللي وراهـ ..

قسم بالله لو جآبها عاني .. وظأهر .. وبآطن ,,, نآوي على التفجير ... لـ اقول ربي يرحمهـ ويخفف عليهـ ..

لكن ... خ ـــيـآنهـ بالشكل هذا ,,, وضعف نفسي يصل لأبعد درجآت الحقآرهـ .. وربي شينهـ ..

ولا يستآهل الطيب والكرم من ولأة الأمر .. مثل الكلاب تعض اليد اللي تمتد لها بالخير ..

\
/
\

ميوي ... أفاا ... هههههههه شكلك نآيمهـ بالعسل ..

وبعدين إنتي في منطقه تهتم بالقنوآت الفضائية الفارسيهـ ..

وأخبآر زي هذي تهم بلاد فآرس وأول من يتكلم عنها وينشرها ..

فتحي عيونك لاحد يفجرك .. وشوفي ألأخبــآر .. ..


\
/
\

 

[فاتنة القلوب]

ياااربي رحمتك
صار الزمن يخوف بسبب هالأرهابين حسبي الله عليهمـ
مدري شنو المغروس في عقلهم بالضبط
حبهم للأنتحار .... لو فهمهم الخاطئ لأمور الدين

اذا حابين يحاربوا ويجاهدوا يروحوا لأعداء الله الأسرائلين المحتلين في فلسطين

الله يهدي الجميع ان شاءالله

والله الحافظ لعباده المؤمنين الصالحين


مشكور خيوو حب الوطن

 

[عواطف]

خلوهـ يحترق في نار جهنم الخائن ..!!

يعطيك العافيه حب الوطن وألف سلامة عليك ياأميرنا ماتشوف شر ..!!

شكراً ..

 

[وَفْايَ اكْبرَ خَطْايَ|~]

الله يهبله قنبله << قد انه تفجر ههههه

يعطيك العافيه

 

[ميوي]

Re: رد: مكالمة بين الأمير محمد بن نايف والانتحاري الذي حاول الاعتداء عليه

Quote:
Originally Posted by @ رسيم القاف @



ميوي ... أفاا ... هههههههه شكلك نآيمهـ بالعسل ..

وبعدين إنتي في منطقه تهتم بالقنوآت الفضائية الفارسيهـ ..

وأخبآر زي هذي تهم بلاد فآرس وأول من يتكلم عنها وينشرها ..

فتحي عيونك لاحد يفجرك .. وشوفي ألأخبــآر .. ..


\
/
\




هههههههههههه

ايه مسافره شهر العسل وياك <<~ لزقه خخخخخخخ

ايه يمكن انا بمنطقة تهتم بالاخبار بس انا ؟ ماهتم خخخخخخ

وشسمه ذاك شكلي انا الي بجي افجرك بووكرآآ

ف خووذ حذرك

نياهاهاها <~ بيجيها بلوك

 

[™ Ǎţ3Ьήê•Ĝļάķ ~]

حسبي الله عليه وربي قاسي قلبهـ

الله يحمينا ويحميهم أجمعين يعطيك العافيه حب الوطن على موضوعك

 

[هَـ-ђāŵĩ-ـَاوِي]

الله يعافيك غربة مشاعر

مشكور خيتو على مرورك و تعليقك

أضا نشكر ميوي على مداخلتها الثانية

دمت بكل الوود

almaistru
هــ hawiــاوي

 

[رهــــــف]

حسبنا الله ونعم الوكيل
اللهم رد كيد أعداء الأسلام إلي نحورهم
وزلزل الأرض من تحت أقدامهم

الله المستعان
مشكور حب الوطن ع التقرير
تحياتي لك
رهــــف

 

[مخــــاوي اللــــيل]

والله الامير محمد بن نايف ما قصر معاه
بيض الله وجهك
بس والله ما يستاهل الارهابي بعد كل هذا ويفجر نفسه
والحمد لله على سلامة مساعد وزير الداخلية الامير محمد بن نايف


حب الوطن

اخباركـ دائمهـ طازا
يعطيك الف عافية
ما ننحرم منكـ يا الغلا
الف شكــر لكـ
تحيااتي العطرهـ​

 

[هَـ-ђāŵĩ-ـَاوِي]

الله يعافيكم رهــف & مخاوي

شاكر مروركم وتعليقاتكم

دمتم بكل الوود

almaistru
هـــ hawiــاوي