بسم الله نبتدي
بسم الله
اتفضل ياوليد
قبل لا أبدأ الأسئلة أحب أشكر اللي متزاعل أنا وياها عشان كدا ما أبغى أذكر إسمها على تنبيه جيد قالته بطريقة غير مباشرة
<<<<< مابك شئ وبعض الأحيان تطلعي بفايدة ههههههههههههههههههههههههه
هههههههههه
الله يعينك ياللي متزاعل معاكي وليد :bigsmile:
ياريت تفتحي ملف وورد وكل شوي تحسي إنك كتبتي كلام كثير فتنسخي الكلام في ملف الوورد وتحفظيه لإني ما راح أقبل بعذر (أنا كتبت رد طويل بس ما إترسل وماكنت ناسخه الرد)
:deal: :deal:
\
دحين ده الكلام لمين لي واللي متزاعل معاها
حدد كلامك :bigsmile:
/
\
السؤال الأول
إش سبب إختيارك لإسم رهـــف؟ هل هو إسم لوحده عزيزة غاليه عليكي أو شخصية في مسلسل عجبتك أو إسم تحبيه وتتمني تسمي بنتك على هذا الإسم؟؟!
لانه بابا كان يبغى يسميني هالاسم رهف
بس اخويا الكبير سماني على اسم حبيبته 
>>تفكره دايما بماضيه 
وما اعرف اذا كنت حسمي بنتي رهــف ولا لا الله اعلم
السؤال الثاني
كم يشغل منتدى شموخ الإبداع من حيز في حياة رهــــف؟
50% من حياتي ,,
احاول بجد ادور على أي فرصة عشان ادخل واشارك هذا لو كنت مشغولة بالمرة
واحاول اثبت اني موجودة وانه مهما انشغلت حيفضل المنتدى ببالي
بالمناسبة
احب اعتذر عن تقصيري الشديد في المنتدى
احس اني خجلانة من كل شخص هنا سواء الادارة او الاعضاء او المشرفين
بجد ااااااااسفة لكن الله يعلم قد ايش مشغولة تواجدي اصلا ع النت قلييييييل
وانا بحاول قدر المستطاع اني اكون معاكم
بس ان شاء الله هي فترة وتعدي وربي ييسر اموري وامور الجميع
السؤال الثالث
حياة المنتدى وحياة رهف الخاصة كيف تفصلين بينهم؟ وإش رأيك باللي يتأثروا بعالم النت ويكون للنت بشكل عام والمنتدى بشكل خاص التأثير السلبي على حياة الشخص؟ أشرحي إجابتك بمزيد من التفصيل والإستشهاد بالأدلة المنطقية ههههههههههههههههههههههههه
سيبيكي من آخر نقطة من السؤال وجاوبي على السؤال بأكثر قدر من التفصيل اللي تقدري عليه لإني بصراحة أؤمن بأسلوبك وممكن توصلي الفكرة بأسلوب أفضل وواضح ومختصر وأبغى ناس كثيرة في المنتدى هذا بالذات تقرأ كلامك
شوف الهدف من دخولنا المنتدى بيختلف من شخص لاخر عشان لا احد يقول عني مثالية او متصنعة او او
غرضي من المنتدى حاجتين استفيد واتثقف والشي الثاني اقضي وقت فراغي بدل الشات والكلام الفاضي اللي فيه اعذروني
على فكرة انا كنت احب الشات واحب اسولف فيه لكن الحمد لله سحبت نفسي شوية شوية مو عشان مواقف حصلت لي بس حسيت انه بجد مضيعة للوقت شفت المنتدى افضل وافيد بالنسبة لي
طبيعي بس اخلص من المنتدى اقفله واقفل كل شي معاه
والمسنجر نفس الوضع
النت مجرد وسيلة نستفيد ونتثقف وممكن نتعرف ليش لا بس بحدود النت طبعا ,, كمان عشان محد يفهمني غلط انه نكون واضحين انه علاقات النت دايما لو بغينا نطورها لخارج النت حتفشل
لانه كل واحد جاي من بيئة معينة من تفكير تاني من ثقافة اخرى
لا تقولوا نجحت علاقات كتير ووو الاغلب بتفشل والاغلب بتصير فيها مشاكل ومصايب
احنا ده كله في غنى عنه احنا مو عارفين غرض كل واحد مادخلنا في قلوبهم ممكن البعض يبغى يكون صداقة وبس البعض هدفه اخر ياخذ اللي يبغاه ويتسلى والكلام منطبق ع الجنسين في الاثنين
السؤال الرابع
ورقة بها 5 أسطر وطلب منك تكتبي فيها رسالة فهل حتبدأي الكتابة من السطر الأول أو الثاني وهل حتكتبي إلى السطر الأخير وإش لون القلم اللي حتستخدميه؟ طبعاً الورقة لونها أبيض عشان لاتقولي على حسب اللون
ههههههه
اول شي لو رسالة
حكتب اسم المرسول على حسب ممكن عزيزتي او عزيزي ههههه وبعدها الاسم
واكمل باقي السطور الاربعة واكتب باللون الازرق السائل لانه الناشف يعفرت خطي >ايشبه من عدالته خطك
السؤال الخامس
إن جاكي رد الرسالة اللي أرسلتيها أقل من حجم رسالتك وكان الكلام أقل فهل هذا يدفعك إنك تردي برد أطول أو إنك تختصري وإش تفهمي من الرد القصير هذا المبهم؟
انت لاتفكر في موضوع انه الرد قصير او طويل
والله احيان تجد ردود قصيرة لكن توصلك الرسالة اكتر من الكلام الطويل واللي يطلع في النهاية بدون نتيجة
وبعدين كمان فيه ناس مزاجية يعني نعمة لو ردوا وطبعا هذولي انا ما تعامل معاهم لاني اانا منهم هههههه
لا بجد ارد اكيد رد مختصر واحاول انه افهم الرد واحتمال كبير اني خلاص ما ارد عليهم
يعني على حسب الرد يدفعك ترد وتكمل ولا خلاص تفهم المغزى من الكلام وتوقف عن الرد
السؤال السادس
هل تحبي العيش في بيت واسع كبير أم تحبي البيت الصغير الملموم؟ وهل أنت مع إضافة المساحات أم مع إستغلالها وخلق مساحات من المساحات الموجودة؟
احب البيت الصغير بجد يشعرني بالدف وبالامان اكتر من البيت الواسع اللي ابوابه كتير وادوراه كتيرة
لما اجلس لوحدي بالبيت اجلس في غرفتي واقفل علي احس بامان اكتر
واتمنى بيتي في المستقبل يكون صغير مايتعدى 4 غرف
لو فيه مساحة فاضية ومحسستني انه مسويه فراغ معطي شكل مو حلو احب اني استغلها ممكن بطاولة صغيرة ممكن بانتيكة او مزهرية كمان لازم نراعي انه فيه اشياء تحتاج على طول انها تتنظف يعني يبغالها شغل فنختار البسيط والحديث والمهم انه بتملى لو جزء من المساحة الفاضية وشي يكون حلوو ومرتب مو بس الواحد يملي فراغات وتنز حم الغرفة وتصير كلها عفش بصراحة كدة خلقي يضيق واحس الدنيا مكركبة
السؤال السابع
كم حجم وجود التخاطر الروحي في حياة رهـــف؟ وهل تؤمني به وتعتمدي عليه في بعض الأحيان؟ وهل تتوقعي إنك تقدري تعبري عن مشاعرك عن طريق التخاطر الروحي؟
صايرة اؤمن بالتخاطر الروحي
اعتمد عليه كتير لما ابغى اوصل شغلة لناس بعيدين عني بالمكان مو بالروح
اقدر اعبر عن مشاعري وبقوة عن طريق التخاطر الروحي
واقدر اوصل اللي ابغاه لغيري برضه بالتخاطر
ترى الشغلة تحتاج قوة احساس ومن الطرفييييين
مو شرط يكون حب عشان لا ننفهم غلط لكن حتى لو كره او زعل او عتاب او اي رسالة لشخص
فتقدر توصله بالتخاطر الروحي
السؤال الثامن
إش وقع وتأثير الكلمة على نفسية رهــــف وهل يكون وقعها بحسب مكانة الشخص؟ بعض الأحيان الناس يكونوا شديدين التأثر بأغلب الكلمات فكيف الواحد يقدر يخبي مشاعره أو على الأقل قدام الشخص ويبين نفسه في موقف قوة ولو للحظات عشان يعرف يتصرف؟ وهل تتوقعي الحساسية المفرطة صفة جيدة وكيف الواحد يتخلص منها ؟
اكيد اتاثر بها كتير
والله حتى احيان ناس ما اعرفهم بس كلامهم ياثر فيني
بس احاول اني ما ابين انه الشي ده بياثر علي واحاول اخفي بس ترى انا مفضوحة وما اعرف اخبي شي يعني لو زعلت لو فرحت يبان على طول ..
لازم نعود حالنا انه مانتحسس من كل شي وهذا كنت اعاني منه من اول ,, حتى انقلب الموضوع شك
يعني لو احد بيتكلم على احد اقول اكيد يقصدوني وازعل وممكن ابكي
وللان حساسة لكن اخف شوية و احاول اني اظن ظن حسن في غيري
السؤال التاسع
هل المنتدى بالنسبة لرهــــف فترة نقاهة أم فترة فائدة أم الإثنين معاً وفي الأغلب ماذا يكون في ذهن رهـــف وقت تسجيل دخولها للمنتدى؟
اكيد الاثنين معاً
واول ما اسجل دخول اكيد افكر اني ارد ع المواضيع وخاصة اللي تشدني والمواضيع الل بقسمي
واحيان اجلس اخذ وقت طووووووويل بس عشان ارد على موضوع معين
زي اسالتك هذه وربي اخذت حبيتين بنادول > هين بس حردها لك ياوليد :h32:
السؤال العاشر
يغلب عليكي طابع الجدية في المنتدى مع إنه بعض الأحيان تكون لكي طلعات خفيفة بس مدري ليش أحسك ماتسمحي لقلمك يأخذ راحته في الشطحات وتحطي تعليق بسيط جداً جداً وضحكة صغيرة جداً جداً فلماذا وليت ولعل وجاوبي على السؤال مع التعليل ورسم الرسمة مع البيانات
زي هذه الضحكة ههههه
هههههههههه
قالك رسم بياني ولك عين تطلب كمان ماكفاك كل الاسئلة دي
بصراحة فيه ناس ممكن تفهمني غلط لو زودت في شطحاتي
واحس انه الشي لما يزيد عن حده الطبيعي يفقد قيمته
انا اتعودت اكون كدة احط حدود لكل شي ما اصير جامدة مرررة لدرجة اني ما انطاق او يقولوا عني مريضة نفسيا ولا ازودها واصير سخيفة واستخف دمي وانفهم غلط
ترى ما اقصد احد بكلامي هو جواب لا اكثر :bigsmile:
السؤال الحادي عشر
هل تختلف شخصية رهــــف في المنتدى عن الشخصية التي خارج المنتدى كثيراً؟ وماهي درجة الإختلاف وهل هو متعمد أم إختلاف عادي بسبب إختلاف الناس في المنتدى وخارجه؟
ما تختلف كتير عن برة المنتدى
والله انا اتعامل ترى بعفوية وبنيتي بس مع بعض التحفظات في علاقتي بالجميع في المنتدى
اكيد الاختلاف عادي بسبب انه هنا غير منتدى ومو مهم اني اكو ن زي ماانا بالضبط لانه مااظن انه غيري يهتم بهذا الشي وحتى لو يهتموا فيه اشياء انا احب اكون متحفظة فيها لاسباب خاصة
احب انه الكل ينظر لي باحترام ماتعرف ممكن من كلمة غير مقصودة او موقف افقد احترام الاخرين لي او نظرتهم الطيبة عني خاصة انه الناس هنا تتناقل الكلام بسرعة والاشاعت ما اكترها
السؤال الثاني عشر
تواجدك في المنتدى في أقسام معينه عن الأخرى هل تعتبريه تقصير أم أن لكل شخص مجالاته اللي يحبها؟ بالنسبة لي أنا قسم الماسنجر ما أدري وش فيه لإني أنا ماقد يوم فكرت أغير النك نيم حق الماسنجر ولا أسوي فيه شئ جديد ونفس الشئ للجوال ومالي في رسايل الجوال وكلها وينك متى حتجي وفين حتروح وجيب بيبسي معاك من البقالة وإنت طالع وأصلاً جوالي مايكتب رسايل عربية وخدمة رسايل الوسائط مش مفعله ولا فعلتها أصلاً فعشان كدا ما أدخل الأقسام هذي فهل هذا يعتبر تقصير؟ علل إجابتك مع ذكر بعض الشواهد والأدلة والبراهين وعلبة طحين هههههههههه
هههههه
مو تقصير بمعنى تقصير قد ماهو فيه اولويات
يعني مثلا انا مشرفة كم قسم لما ادخل المنتدى لازم اول امر على المواضيع اللي بتزل في اقسامي
ولازم ارد واقيم الموضوع ولو انه مو دايما اقيم
اجي بعدها للمواضيع اللي في المسنجر والجوال حتى لو ماكنت اميل لها بس امر عليها لانه ممكن يعجبني توبيك وممكن احطه ليش لا
فيه اقسام مادخلها لاني ما احس انها من ميولي
زي الانمي وممكن الالعاب مع انه اتمنى الاقي وقت العب بس اقو ل فيه شي اهم ارد اول ع الناس اللي كتبت شي مفيد ونزلت مواضيع ممكن بقلمها
السؤال الثالث عشر
رهــــف صاحبة أمنيات كبيرة أم أمنيات صغيرة وبسيطة؟ وماهي أكبر الأماني التي تحققت والتي تتمني تحقيقها؟ ذكر أمنيتين واحدة تحققت وواحدة تتمني تحقيقها
امنياتي كبيرة جداً وذكرتها
اللي اتحققت مافي شي مهم او اثر فيني كتير قد تخرجي من الجامعة بتقدير حلو وبمرتبة شرف
وامنية تانية اني اتوظفت وهذه كانت امنية لاني مليت وحسيت بخنقة واني انسانة مالي قيمة وكنت حمرض لو ما اتوظفت واشتغلت
اللي ما تحقق هو قبولي في الماستر سبب لي يأس وخاصة انه في الاول كنت من ضمن المقبولات والمصيبة اني فرحت رفرحت اهلي بالخبر لكن للاسف عندنا شعب مايمشي الا بواسطة ومناصب
وكله خيرة الحمد لله على كل حال
السؤال الرابع عشر
إش الفرق بين الرومانسية والكلاسيكية وإلى أي صنف تحبي أن تكون وهل تجدين نفسك في حيث ماتتمنى أن تكوني؟ وهل تفضلين الرومانسيين أم الكلاسيكين؟ وهل الرومانسي والكلاسيكي مثل أطراف المغناطيس في حال التشابه التنافر وفي الإختلاف التجاذب؟
الرومنسي شخص حالم دايما ,, خياله وااااااسع
تلاقي حتى وهو صاحي يحلم ,, حتى وغيره مو داري عنه يفكر فيه ويعيش معاه بخياله وكانه واقع ,, يتاثر باي شي ,, يحب بسرعة ويتعب بسرعة من الحب ,, تتحكم العواطف فيه دايما ,,
الكلاسيكي اعرف اثاث كلاسيكي وموسيقى كلاسيكية وادب كلاسيكي وش دخله في الناس >تمزح
الكلاسيكي شخص واقعي كل شي عنده بحدود ,,
يفكر كتير ويفهم الشخص اللي امامه ,, عملي جدا
وما تتحكم فيه العواطف
ما اعرف اذا فيه ناس كدة بصراحة مامروا علي :bigsmile:
احب اني اكون رومنسية لاني بجد نفسي اعرف اقول كلام حلو بس دايما اخرب الموضوع لاني ما اعرف اوصف ولا اتغزل ,,دبشة >>:no:
الرومنسي والكلاسيكي شخصيتان الاثنين في خطين مختلفين
لانه لكل واحد اتجاهه ونظرته وطريقته
افضل الكلاسيكيين اكتر لانهم واقعيين اكتر
السؤال الخامس عشر
لا تجاوبي على السؤال هذا إلا لمن تكوني رايقه وممكن تفرديه برد ثاني إذا تعبتي من الإجابة على الأسئلة اللي قبلها
بحسب خبرتك في علم النفس فكيف ترين وليد اللحظة؟ وبحسب ماترينه فما هي النصائح اللي توجهيها له؟ خذي راحتك في الإجابة وأكتبي لين يتعب القلم وممنوع الإختصار لإني أحب التفاصيل المملة وهذا الكلام لكل الأسئلة يعني إن جاوبتي بإختصار على سؤال معين فأحسن لك ترجعي وتعيدي الجواب
:4:
\
/
\
حلوة اعيد الجوااب بالله مو مكفيك كل هذا :blink:
طيب شوف انا حقول بحسب خبرتي في التعامل معاك طبعا من خلال المنتدى
اول شي انت شخصيتك قريبة من شخصيتي عشان كدة دايما نتناقر وانت اللي تناقرني طبعا :schmoll:
انت شخص عنودي تحب العناد وتصر على كلامك
شخص عقلاني ,, مو بسهولة تاخذ قرار وماتاخذه الا لو مقتنع
مرح , مع اني احسك جاد اكتر ,, لكن نفس شخصيتك مرحة ,, بس وقت الجد جد
مزاجي بس تحاول ده الشي مايأثر على ردودك او تحاول مهما كنت زعلان او متضايق تبين انه انت عادي
ماتأثر فيك الكلمة
ماتحب تطلع كتير ,, تحب يعني جلسة البيت والهدوء والروقان
انت شخص تنسى بسرعة وخاصة اللي تزعل منهم يعني ماتشيل في قلبك
تحب مواضيع علم النفس وشكلك تجرب دايما موضوع التخاطر الروحي كتيييير
شخصيتك قوية وصريح جداً وماهمك اذا حيزعل اللي قدامك ولا لا من الصراحة
وبـــــــس
أتمنى تكون أسئلتي خفيفة عليكي وبصراحة ما مخمخت على الأسئلة وكانت أسئلة وليدة اللحظة ودوبني كتبتها كلها وكنت أتمنى ألقى وقت أكثر من كدا
:72:
على فكرة الفترة حقتك المفروض تنتهي بعد ساعة ونص من الآن بس طالما ماجاوبتي على الأسئلة فالفترة حتطول عليكي وممكن الأسئلة تزيد عليكي هههههههههههههههههههههههههههههههههه ألحقي على عمرك
هي خفيفة بعقل
دي اخف من الموية
لا صدعتني ولا رفعت ضغطي ولا شيبتني >>تفكر تخلي الشيبة اللي طلعت تغيير بمناسبة العيد
يدي وجعتني وانا اكتب
من الان انا ماخذه يومين اجازة من المنتدى بسبب اسئلة وليد ياتحاكموه يا تزيدوني 10 مشاركات تعويض للوقت والجهد والرقبة اللي تعبت :schmoll:
شكراً ياوليد والحمد لله مافي مجال تسالني تاني :9:
الله يعطيك العافية بس
ولو صار لك شي طيب طبعا تعرف من دعواتي الطيبة
في النهاية سررت بمرورك واسالتك وتقديرك لتواجدي هنا
تسلم ياوليـــد
وبصراحة على قد ماتعبت على قد ماانبسطت من اسالتك
ان شاء الله تكون اجاباتي كافية ووافية واكتشفت شخصية رهــف
تحياتي لــ ك :40a02cc016:
( أنتي من زمـآن ) تشتآقين لها ؟ 
