رد: مرآه 2 مع ...
اقتباس:
المشاركة الأصلية كتبت بواسطة وليد اللحظة
رهـــــــــــــــف
هلا وليد منوور
هممممممممممم أترددت كثير وأكثر من مرة أدخل الموضوع وأخرج أحس إن الأفكار تضيع
منورنا ياباشا
وشرف لي تواجدك في الموضوع :blush-anim-cl:
بصراحة رهـــف العضوة اللي ألقى معاها أشياء كثيرة مشتركة من ناحية التفكير والإهتمامات حتى المشاركات ما ألقاها إلا تشارك في المكان اللي يعجبها فتلقى مشاركاتها محصورة في أقسام معينة وهذا نفس الشئ بالنسبة لي فعشان كدا تعجبني مواضيعها اللي تنزلها خصوصاً اللي تكون عن علم نفس مثل التخاطر الروحي وتحليل الشخصية
امم صح كلامك
وحاسة اني مقصرة في بعض الاقسام ولكن بجد احاول قد ما اقدر ارد ع الكل وفي نفس الوقت ما ابغى ارد رد مايوفي كاتبه والموضوع نفسه حقه
اما بالنسبة لمواضبع علم النفس هو لانه تخصصي وكنت حقترح انه يكون فيه قسم لتطور الذات او علم النفس بس بصراحة قلت ااجله شوية لانه يبغاله تفرغ وروقان
يمكن هذا السبب اللي خلاني أقترح على رسيم إن يحطها معانا في موضوع المحكمة لإني أعرف النوعية اللي مثل رهـــف اللي هي مثلي وتلقاهم دائماً ساكتين بس بمجرد ماتعطيهم الفرصة يعملوا بلاوي هههههههههههههههههههههههههههههه فمافي أحد توقع إن رهــــف تكون حابكه الدور وزي مايقولوا الساكت سمه ناكت
ههههههههه
اها يعني انت السبب ياوليد ورطتني في المحكمة :sly:
بس عن جد انا استفدت مرة كتير واحيان ارجع للموضوع واشوف اني كان ممكن اقدم افضل و انتم كمان ساعدتوني كتييير ولولاكم ماكان نجح الموضوع ولا انحبكت القصة
لمن قريت رد يستاهل البرد عن رهــــف فما إستغربت لإنها طلعت مثل ما إتوقعت إنها مستمعة جيدة ،، يمكن ماتحل المشكلة حل جذري بس تحاول قد ماتقدر وبصراحة مو دائماً نلاقي شخص مستمع جيد ،،
شخصية هادئة قريبة من الكل بس مش قريبة من الكل يعني مو من النوع اللي تلاقيه إذا تعرف على واحد اليوم يقله إش تعشى أمس
<<<<<< هذا معناته إنه خلص كل الهروج ومابقي إلا يقله إش تعشى وإش تغدى
ههههههههه
هو فيه وقت ياوليد اسال كمان ايش اتعشيتوا وايش اتغديتوا
يادوب الواحد يتواصل يمكن بصراحة مني من الناس اللي تسال دايما وتتواصل حتى
في حياتي برة المتدى دائما يلوموني اني مقصرة وما اسال بس يعني بجد الدوام والظروف والحياة اكبر عائق للشخص انه مايتواصل باستمرار
يكفي الواحد يعرف انه اللي يهموه بخير
يعني نقول إنها شخصية كتومة وتحب تمشي في حياتها على نمط معين ماتغيره كثير
امم صح بس دايما احاول ااقلم نفسي مع اي وضع حتى لو مجبورة
<<<<<<< أهم شئ بس إن شاء الله ما تكوني عبيطة ههههههههههههههههههه
هههههههه
انت ايش رايك شايفني عبيطة يعني ؟؟ :sly:
\
/
\
أحسك تصدعي بسرعة والبندول تأخذيه مثل المويه ،، تصدعي إذا أحد يتكلم فوق رأسك كثير وتصدعي إذا كان عندك شغل كثير وتصدعي إذا نمتي كثير يعني يدك دائماً على رأسك
هههههههههههههههه
صح عليك حتى لما اجوع اصدع ولما افرح اصدع ولما ازعل اصدع
الله لايبليك وطبعا هو سبب عضوي الضغط وكمان كنت من فترة اعاني من الصداع النصفي لكن الحمد لله مع القران والزمزم خف كتيييير ونادرا لما يجيني لانه ماله علاج بس مجرد مسكنات لتخفيف الالم
مدري بس تذكريني بوحده من قرايبنا كانت تأخذ حبتين بندول من العادي وبعدين طلع بندول إكسترا فصارت تأخذ منه حبتين كمان لدرجة حسيت إن البندول عندها مثل اللبان فما أدري ليش أحسك نفس الشئ
<<<<<<< مجرد إحساس
هههههههه
احساسك صح بس مو اكسترا اخذ العادي واذا الصداع كان من الضغط خلاص حبوب الضغط تكفي
الله لايبلي مسلم
\
/
\
رهــــــف من النوع اللي إذا إشتغلت على الشئ تنجزه بأحسن مايكون يعني إذا حطت شغلة في رأسها تسويها مهما كان وتحب يكون لها جوها الخاص في شغلها
ممممم وزيد عليها انه المزاج يلعب دور كبير >ياحليلي
<<<<<<<< في عندي تشبيه بس ما أذكره أحسن عشان لا أتشوت ههههههههههههههههههههه
هممممم طيب قول عشان لا تتشوت احسن بس اكيد مو مني :4:
مساعده للي حواليها وتلقى كل اللي حولها مبسوط منها
الحمد لله هذا من فضل ربي
\
/
\
نجيب للجانب الثاني من رهـــــــف
الجانب الثاني يعني قصدك السلبي ههههههه
أحسها من النوع اللي يتأخر كثير يعني ممكن تلطع أخوها في السيارة وهي لسى تتجهز ولا عليها في حاجة وهذا الشئ يسموه ( لكاعة ) <<<<<< ماحد بيفهم المصطلح دا غير شامخ
اانا كمان فاهمة المصطلح تمام
بس بالعكس انا اجهز بسرعة لو كنت عارفة اني حطلع قبلها فتلاقيني من بدري مخلصة ومجهزة اغراضي
وما اتاخر الا في حالة مشاور فجاة لانه مو معقول اخرج باي شي وباي طريقة
فاصل إعلاني
مرة كنت منتظر أهلي لإن كان عندهم جهاز وعند الحريم يكون في مايكروفون عشان ننادي عليهم لإن الجوالات ماراح يسمعوها من كثر الإزعاج <<<<< هرج الحريم لحاله إزعاج فما بالك لو كان إزعاج فوق الإزعاج هههههههههههههههههه
ان شاء الله تجيك وحدة غلباوية وتعرف قد ايش هرج الحريم حلوو
المهم يجي واحد معصب وقافله معاه مسك المايك وقال أسمعوا يا عايلة فلان الفلاني ترى لو ماخرجتوا اللحين فشوفوا لكم تاكسي ،، ما أشوف إلا وشوي كم حرمة قاعدين يجروا وراه
هههههههههههههه
بصراحة ندالة
وياريته يكون قد الكلام ويسيبهم ويروح
او احد يجرب يسويها معاياعاد الله يعينه ايش يفكه مني
فما أدري ليش أحسك كدا فيكي برود ومعطيه الدنيا طناااااااااااااااااااااااااش
<<<<<< الحمد لله أخواتي متزوجات وماعندي أحد يقلي وديني وجيبني
صح باردة وما احب بصراحة اضغط نفسي
يعني خلاص الشغلة حتصير سواء دحين ولا بعدين ليش احمل نفسي فوق طاقتها وممكن في النهاية ماتتيسر
على قولهم فللها وربك يحلها
\
/
\
رهــــف من الأعضاء القليلين اللي نشاطهم ثابت من بداية تسجيلهم وهم ماشيين على نمط معين ،، يغيبوا فترات قصيرة ويرجعوا على طول ،، مأخذه المنتدى كفترة تسلية وحاجة ثانوية في حياتها وعجبني جداً جداً جداً ردها في موضوع المحاضرة الأخيرة لرسيم وأتأكدت إن عقليتها عقلية ناضجة وواعية بمعنى الكلمة
شوف معاك انه المنتدى تسلية وادخله وقت فراغي وحاجة ثانوية
لكن المنتديات كثير وتيجيني دعوات هو الاهم انت ترتاح فين ومع مين من الاعضاء
الغياب وارد عند الجميع لاي ظرف بس بجد وللامانه بمجرد تواجدي في النت احاول اني ادخل حتى لو مو مسجلة اشوف المواضيع والردود واخبار الاعضاء
ما اعرف ليش لكن فيه شي يشدني له
\
/
\
لا تكوني بس من مواليد برج العذراء
<<<<<<< ما أؤمن بالأبراج كثير بس بعض الأحيان تمسك معاي وأحب أقرأ عنها
\
لامو العذراء هههههههه
انا من مواليد برج الحمل
يلا اقرا عن برجي وقولي ايجبياتي وسلبياتي ونشوف مدى مصداقيتها
/
\
رهــــف ما أحب أتكهن كثير ومشاركاتك دائماً تكون مقتضبة
<<<< يا عيني على المصطلح
فعشان كدا ما أعرف أوصفك أكثر من كدا لإني ما أشوف أكثر من كدا
بصراحة تعبت الين ماكتبت الكلمةا الله يعطيك العافية
فعشان كدا ياريت تطلقي لقلمك العنان وتكتبي وتردي بردود طويلة مثل ردي هذا اللي حامل هم تنسيقه أنا اللحين هههههههههههههههههههههه ،، بعض الأحيان أتوقع منك إنك تردي برد معتبر وتجي تمري على الموضوع مرور عادي جداً مع إنه بإمكانك تردي برد قوي
صح مو اقولك المزاج والحالة النفسية وكله له اثر في ردودي
واعرف انه هذه سلبية لانه محد مجبور يتحمل اللي انا اكتبه بس الطبه يغلب التطبع
أنا من النوع اللي يحب يشوف كل الردود الجديدة وبعض الأحيان في مواضيع أكون متأكد إن ردود الأعضاء فيها لازم تخلي الواحد يسوي تحديث للصفحة عشان يشوف الردود الجديدة
ماشالله عليك >.لا تقول حسدتني
اانت ترد بكل روقان وتتناقش واحيان تخرج عن الموضوع وتلون في الرد انا لو جلست اسوي زيك معناته حرد على موضوع واحد بس كل يوم
رسيم القاف إذا كان في افضل حالاته فيرد رد معتبر ويكون رد قوي فعشان كدا أحب أتتبع ردوده وفي كم عدد معين من الأعضاء اللي بمجرد مايعملوا رد جديد تلاقيني على طول أروح أشوف الرد
صح كلامك
طبعا ردوده غير وانا اتعلم منه ومنك
اللي أبغى أقوله إن في مواضيع أتوقع إنك لو رديتي عليها حتعطي رونق ثاني للموضوع فلا تبخلي علينا بردودك وآرائك
تسلم ياوليد
واحاول ان شاء الله اني ارد رد يليق بكل موضوع لانه اكيد الكاتب بذل مجهود يستاهل مننا الافضل وزي ما احب اني اشوف ردود مميزة وحلوة في موضوعي فاكيد غيري يحب الشي هذا
\
/
\
أعذريني على الهرج الكثير وشكلك حتأخذي حبة باندول بعد ماتخلصي قراءة ردي هذا
<<<<<<< ههههههههههههههههههههههههههههه
وهي تكفي حبة ههههههه يبغالي اكسترا و3 حبات كمان
والمشكلة ورايا دوام وحروح مواصلة
إن شاء الله بس إني وفقت وسواء كانت توقعاتي صحيحة أو خاطئة فإني إستمتعت بتواجدي في مرآتك وهي فرصة إننا نتعرف عليكي أكثر وأكثر
بجد ياوليد
انت من الاعضاء الي اتشرف دايما بحضورهم في كل موضوع لي
وكنت منتظرة تواجدك هنا ومرآتك لانه انت لك نظرة تانية في غيرك
واكيد هذه ميزة حلوة مو كل واحد تلاقيها عنده
استمعت بكل اللي كتبته هنا
وخليتني انظر بجد في بعض الاشياء يمكن مو سلبية
بس كنت محتاجة انه احد يقولي عنهاعشان اغيرها
وان شاء الله تتغير للافضل
الف شكر لك ودمت في حفظ الله ورعايته
جنائن من الورد لك
رهـــف
\
/
\
عـــــــودة قوية يا دمعة وفا بإختيار عضوة مميزة
إن شاء الله يكون الموضوع ناجح ونلاقي تفاعل فيه من الجميع
:icon31:
:022:
