اكبر قهرلاجيت تعشق لك انسان

[خيال رسام]

أكبر قهر لاجيـت تعشقلـك انسـان
واللي تحبه ساهـي ٍ مـا درى بـك



وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك



وأكبر قهر تبني من سنيـن بنيـان
وتشوف بنٌيـك مـا تعـدى ترابـك



وأكبر قهر تسقي من الورد بستـان
وتموت بين يديـك زهـرة شبابـك




وأكبر قهر تارد على البير ضميـان
وتشوف بعض الطين حايس شرابـك



وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك



وأكبر قهر ترهي على حصان خسران
يوم السبق لا طحت كل ٍ حكـى بـك



وأكبر قهر لاصرت ضايع وعطشـان
ونفس الطريق اللي يوديـك جابـك



وأكبر قهر صاحبك لا جـاك خـوٌان
لابحت له بالسـر راح ووشـى بـك



وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك




ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك



إن كنت فيما قلـت تحتـاج برهـان
ناظر وتلقى فـي قصيـدي جوابـك



وإن كنت فيما قلت مخطي وغلطـان
أترك خطانا وأنـت عطنـا صوابـك

 

[@ رسيم القاف @]

إن كنت فيما قلـت تحتـاج برهـان
ناظر وتلقى فـي قصيـدي جوابـك



وإن كنت فيما قلت مخطي وغلطـان
أترك خطانا وأنـت عطنـا صوابـك


صح لسانكـ ولسان شاعرها يـ الرسام ,,
قصيدة .. ما يختلف إثنين على روعتها ,.,
يعطيك ربي الف عااافية ويجزاك خير ..
تقبل مروري وإعجابي بالنص ,,
لا تعبت يا غالي

 

[~غـٍفـوةَ ح ـٌلُــَم}~]

خيآل رسآم

تسلم يدينك يالغالي ..قصيدهـ رووعه..
يعافيك ربي يالغالي..

مودتي

 

[الريم اللعوب]

قصيده بمنتهى الروووووووعه
تسلم يمناك يالغلا

 

[خيال رسام]

تسلم يا حضرة المدير على المرور الرائع

كلك ذووووووووووووق


ولا يهون نائب المدير

 

[خيال رسام]

يسلم البك

ياخطااااااي اغليتك