ما عرفت انطق بكلمه.. شاعر وخانه الكلام !!!

[طبعي حنون]

ضاق صدري و رحت افضفض قاصد ٍنفس الرصيف !
شفت نور الحي زايدو آنا خبري بهظلام
و الغريب انه خفوقي زاد نبضه.. مدري كيف !!​

كني طفل ٍ ..يبكي .. خايف .. ضايع ٍ وسط الزحام
اثْرها كانت وراي .. و الضيا ما كان طيف​

قبل ما اوقف و اسلّم ..قلبي المشتاق قام
ما طرى في بالي الا(يا بَخَت من لك وليف )​

عينها بعيني.. و نظره .. رجعتني كم عام
فجأه شفت اشجار تخضر و هْيَ في عزالخريف​

و هذا هو حال المفارِق يوم يطري له الغرام
يبتسم .. يشبه بشوقه .. للنظر شخصٍ كفيف​

الأمل ضايع .. ولكن .. الأماني موحرام
الثواني تمر و تمضي .. اشهد ان الوقت سيف​

فجأه قالت ( كيف حالك ) قبل ما ارمي السلام !
كنت احسْب اني قوي .. لين اكتشفت احساسي زيف​

ما عرفت انطق بكلمه.. شاعر وخانه الكلام !!!​

كيف اقول اني بخير و باين بقلبي النزيف ؟
و الملامح بان فيها عين ما عادت تنام​

مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )​

و انسحبت بْلا تردد لني انسان ٍ ضعيف
و القوي لا شاف موته .. يوم يضعف ما يلام​

 

[عواطف]

صح لسانكـ طبعي مشكورر قصيدة ولا أروع ..

 

[سيدة البحر]

ماعرفت انطق بكلمة

توفي روعة اختيارك وذائقتك المميزة

مبدع ومتألق في احساسك الرائع


مودتي

 

[~غـٍفـوةَ ح ـٌلُــَم}~]

طبعي حنون

تسلم يدينك يالغالي .,

ويسلم ذووقكـ

قصيدهـ ولا آرووع

بإنتظآر جديدكـ

{ مـــــودتي​

 

[@ رسيم القاف @]

ما عرفت انطق بكلمه.. شاعر وخانه الكلام !!!


طبعي حنون .... صح لسانك ولسان قايلها ..

قصيدة من أجمل القصائد وتستحق التقييم ..

بس البيت اللي إقتبسته أنا ناقص الشطر الثاني

وبالتحديد اللي ينتهي بحروف (( يــف )) القافيه الثانيه .

وإلا .... غير قاااابل لنشر هههههههههههههه

بإنتظار إبداعاتك يا كأبتن ​

 

[طبعي حنون]

سيده البحر ..ويستاهل البرد ..

انرتو متصفحي

اسعدني مروركم وتواجدكم

تحياتي لكم

 

[طبعي حنون]

مشآكس .., رسيم القاف

انرتو متصفحي .
اسعدني حضوركم واطلالتكم البهيه الجميله

لكم كل الاحترام والتقدير ...

 

[صعبة المنال]

كيف اقول اني بخير و باين بقلبي النزيف ؟
و الملامح بان فيها عين ما عادت تنام​

مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )​

يعطيك العافيه طبعي ع الذووق