المستشار
- إنضم
- 12 مايو 2008
- المشاركات
- 10,682
- الموضوع الكاتب
- #1
الشاعر حامد زيد كعادته وتالقه في الشعر .
هذه المره تالق وبعنون اخر والا وهو عنوان القدس
حاولو اخفائها كثيرا من القنوات ولم تعد تعرض بعدماعرضة في القناة الوحيده قناة دبي .
وبعدها لم تتشرف اي قناة بعرضها . وهذا يدل على قوة ماكتب والخوف على تاثيرها لمشاعر الاخرين .
لا اريد ان اطيل عليكم بقرائتها مع انني حاولت ولم استطع ان اسمعكم صوتاً .
اقرئوها ستحسو بجمالها ومعانيها حتى وان لم تكن بصوت الشاعر حامد زيدالذي كان سيضيف لجمالها الكثير .
قصيدة القدس
[poem=font="andalus,6,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
تخيلوا لو يفزع الجار للجار = في مجتمع غاضب وحاقد ومشحون
وتخيلوا لو تلتفت كل الانظار = للمشهد اللي وقفت دونه عيون
وتخيلوا لما رحل الحرب تندار = مابين حكام العروبه وصهيون
اليا متى نستقبل ذنوب بأعذار = واليا متى نستنزف جروح بطعون
نتبع خطأ تيار ونصد تيار = نبعد وعدوان المسلمين يدنون
لوكان بقلوب العرب صبر واصرار = ماكان سووا فيكم اللي يسوون
بهمالكم بدلتم الثار بالعار = بعتم تراب القدس وانتم تشوفون
حنا كذا بمعارض الراي شطار = لين أستوى بالمجد عالي ومطمون
من كثر ما كنا نجامل ونحتار = صرنا نخاف نعارض اللي يقولون
لقدس تصرخ والسما تحصد أعمار = والدم ينزف والارامل يموتون
وارواح تسلب سلب واعصاب تنهار = واطفال تعدم والبشر ما يحسون
خمسين عام نحارب الشرك بأحجار = وبسكوتنا نبني عمارات وحصون
ننسى وكن اللي حصل شي ماصار = نسكت وكن مابيننا شخص مغبون
لين أشربوا من دم الاسلام كفار = وبعروقنا صاروا يروحون ويجون
استضعفوا لين اضعفوا كل الاقطار = ساقوا غضبهم والاوادم يصلون
يستدرجون العزل للسمح الابرار = يستمتعون بقتل الاطفال بالهون
ماكنه الاشعب مخلوق غدار = في قلب لا ساكن ولاهو بمسكون
بالذل ماتلقى على صيته غبار = كبارهم واطين وصغارهم دون
لابارك الله فيهم صغار وكبار = ولاجمع الله شملهم وين يسعون
وماتنطفي شمس الحقيقه ولو جار = فينا زمان الذل والضعف والهون
ودام الفشل والضعف ثلثين الاضرار = لابد ما نضحك ولا بد يبكون
وأنكانت قلوب العرب تنذر انذار = ليش انتجاهلهم واهم يستبدون
الناس قالت حارب النار بالنار = ومالله خلق للادمي عمر مضمون
وان كانت الفزعه من أحرار لأحرار = حنا البروق اللي غدت سحب ومزون
وحنا السكون اللي سبق عصف واعصار = وحنا سباع الكون يا لعنة الكون
وحنا عرب والعرب ماتترك الثار = بافعالنا ماهي بقولة يقولون
نزعل ولكن بالزعل دمنا حار = نفزع اليا شفنا العذارى يصيحون
عقالنا معهم من العلم مقدار = ومجنوننا ينطح ثمانين مجنون
ياشعب يا ثاير وياشعب مغوار = هون من اسباب المعاناه وتهون
أصرخ على كل البشر وأجهر أجهار = وخل اليهود إن مادروا عنك يدرون
وأجمع شتات الوقت تذكار تذكار = وأذكر مواقف كل طاعن ومطعون
حارب بدين الخالق النافع الضار = واستذكر الرحمن وابليس ملعون
واطرد من ارض الله عدوين الاذكار = وان جوك ولا جعلهم مايردون
ورح قلهم حنا على كل مشوار = وذوقوا مرارة نصف ما تستحقون
واذا رضيتم قولوا الوقت دوار = واذا زعلتم سووا اللي تسون [/poem]
تحياتي لكم
بقايااا
