غلطنا يوم حبينا و سمّينا بعضنا أحباب
و صار حضوره حضوري و غيابه يعني غيابي ~
غلطنا يوم غنّينا على جمر الهوى الكذاب
أغنّي له : "أنا أحبك" يغنّي : " واقف ببابي" ~
سرينا و الغلا قسمه ما بين قلوبنا بحساب
أنا له حبّه الأول و هو لي أول أحبابي ~
حضنا كلّ أمانينا و سمينا الأماني كتاب
نعيشه لحظه بلحظه كتابه نفسه كتابي ~
كأنّ الله خلقنا لبعضنا من حيننا أحباب
أنا قلبه و أهدابه و هو قلبي و أهدابي ~
دخلنا جنّة الدنيا بها ذقنا ما لذّ و طاب
و ظنينا الزمن يسري كذا حالي و منسابِ ~
هنا ضحكنا و غنينا و هنا سرّن لنا ما غاب
يوقظ هاجس الذكرى يصحّي سكّرة غيابي ~
تفوووق أيام عشناها تحاكينا حديث أغراب
كأنّا ما عرفناها و لا كانت لنا تحابي ~
تعاتبنا ليالينا و يا ليت العتاب عتاب !
جروح الأمس صحّتها و زوّد ملحها ما بي ~
همومٍ (ن) شيّبت راسي و بعد العمر تو ما شاب
تساوت عندي الدنيا حلاها بحفنة ترابي
عيون أيامنا تلمح جفانا و تلعن الأسباب
وش اللّي بدّل أشواقي وش اللّي هجّر أحبابي !
من اللّي فرّق قلوب حسبت للحبّ ألف حساب
و صارت عقب فرقاها تحسب أيامها حسابي ~
من اللّي ثقّل الخطوة و خلّى للدروب حجاب
و بعّد سكّة الملقى و قرّب دمعة غيابي ~
طرد حبٍّ (ن) سكن فينا و وصّدّ عقبه الأبواب
دفن أشواقه و كفّن غلاه بنزعة ثيابي !
من اللّي من اللّي من اللّي غاب ثمن غاب
و قال و خطوته تبعد " فمان الله " و قفّى بي !
