قصيدة هزت شباب وبنات السعودية

[سيدة البحر]

[align=center]



يا بنت أرجوك أنا مأقدر كفاني ماضي الغلطات

أخاف الله يعذبني وأنا خواف يابنيه

واخاف ابساعه اللذه يجينا هادم اللذات

ويأخذ من حشى جوفي بقايا روحي الحيه

أنا ليّه ثمان اسنين وأنا مدمن على الشهوات

ديار الفسق حاستها مواطي تحت رجليه

عيوني من كبر همي تخلط الدم والعبرات

مِسيل الدمع من عيني حفر بالخد ماريه

صحيح إنك جميله بس تبنا من هوى الزينات

تركنا الحب غصب وطوع للعين الشقاويه

يابنت أنتي على بالك أبأخذ من بنات الشات؟

أجل مجنون أنا يابنت أشيل العقل بيديّه ؟

ترى أكبر شيء يربطني مِعك جوال ابو شاشات

وهاتف ينقل أشواقي على نبرات سلكيه

وترى كل العلوم اللي عطيتك بالهوى كذبات

وحتى دمعتي يوم الفراق الصعب كذبيه

هذاك اليوم ماهلت عيوني لجلك الدمعات

لأن الدمع ماينثر بقصه حب وهميه

أنا أضحك مِعك واضحك منك ..عليك أكثّر الضحكات

كأني بالهوى جني.. يعبي راس جنيه

وأنا ماني بخكري يلبس القمصان.. والشرتات

ويفرح قلبه المسكين إذا حب الدوينّيه

أنا من لابةٍ أروت ضمايا سيوفها الغزوات

خلايا جسمنا عاشت على دم القبيليه

ودهنتي شعرك الاسود بألوانٍ من الصبغات

وعيت تقبل الصبغه ملامحك الخليجيه

وحشرتي ردفك المسكين بالبنطال ..والجنزات

خلاقينٍ تصنّعها مزاجات اليهوديه

عشاني ميتٍ في ثغرك الأحمر أبو لمعات

تحسبيني أبرضخ لك لأن إشفاك ورديه؟

ورب الكون مأرضى فيك لو إنك شيخة الحلوات

وإذا صمل عليّ العلم أكب ارض السعوديه

يابنت الناس عزك في سوادٍ يستر العورات

وعزي في شماغ أحمر.. وثوب أبيض.. وطاقيه

سعوديين نفخر في عبايات السعوديات

نغض الطرف إجلالً إذا شفنا السعوديه

وخليجيين نفخر في عبايات الخليجيات

نغض الطرف إجلالً إذا شفنا الخليجيه[/align]
[align=center]


لكم اعذب التحايــــا [/align]

 

[بقايا جروح]

[align=center]عزيزتي
سيـــدة البحـــر


تسلم يدك يالغلا على القصيده الحلوة والمعاني الرائعه

بصراحه قصيده مره روعه وحملت كثير من الصور والمعاني الي بجد تهز الشخص

مشاعر قويه واحساس رائع رسم احلى الكلمات واروعها ليعبر بها اجمل السطور

اهنيك يالغلا على ذوقك واحساسك المرهف الي سعدت باختيارهـ

وهني نفسي هنا على تواجدي بين سطورك العطره

الف شكرا لك يالغلا والله يعطيك الف عافيه

تقبلي تواضعي ولاعدمنا جديد احساسك


لكي خالص الود


بقايااا[/align]

 

[رقة الندى]

اختي سيدة البحرر تسلمين حبيبتي
قصيده رووعه من جد صورت حاال شبابناا هاادي الاياام
الله يعطيكي العاافيه ياارب



​

 

[سيدة البحر]

[align=center]

بقايا جروح


تواجدك هو الذي زين متصفحي


فلك كل الود والاحترااام [/align]

 

[سيدة البحر]

[align=center]


جنا


تسلمين يالغلا على تعطيرك لمتصفحي


لك كل الود [/align]