مـِــرآة

[●¦ دَمعْــٍہ وفْــآ ¦●]

انتظروا ..

حبايبي الضيـف ++هـ

لنيوو ..

 

[شوق الصحاري]

اقتباس:
المشاركة الأصلية كتبت بواسطة دمعة وفا
مشكورة شوق لانج واخيراً تكرمتي وتشرفتي وعقبتي ورديتي علينه

ههههههههه

بصراحة المرآة الي وصفوج كلهآ نايس نآيس

وحلوهــ

فديتج يالغلا مشكورة وما قصرتي

والحين طبعاً انتظروا ضيف == هـ

معآنآ




ههههههههههههههههههههههههههههههههههههه


دموووعة وخري بس ما بقووم عن المرآآة إلا لما أشووف اللي قالو بنرد ما ردوو

و بسوي إعلااان من جديد أبي أشوووف حاالي بالمرآة اكثر


يلا الرااجل و لا الست فيكم اللي هيئومني << مناكي بس غرور


بدل دمعة أقووول يلا وينكم يا دببة نبي نعطي شووق المميزة وقت إضافي ههههههههههههه

ههههههههههه


ما عليييكم تخبلت ^^


ودي


شوووووق

 

[●¦ دَمعْــٍہ وفْــآ ¦●]

هههههههههههه

<<< تضحك على الي فوقهآ


================

ضيف مرآهـ

اليـومـ


شآمـــــخ

 

[،،شامخ،،]

<<< شاف إسمهـــ


يلا منتظركم تكتبون وش تشوفون بالمرآة



،،شامخ،،

 

[●¦ دَمعْــٍہ وفْــآ ¦●]

مساء الخيررر

حيآك الله شآمخ في مرآهــ

وان شاء الله تنوصف وصف مزبووووت ..

خبرك مرآتي ما بتخربطشي خالصـ اسال يستاهل

ههههههه

======

الى الكل

الحين آنه مسوية لكم اعلان طول عرض بتوقيعي وباللون الأحمر

ولا احد هني

<<<< بتعصب ..

======
يالله كمآن بيبي هههههههه

شآمـخ

بربوونه صغيروونه لـي

 

[@ رسيم القاف @]

السلام عليكم ...


شامخ .. وما أدراك ما شامخ ..

هو شخص بدين .. يواجه مشاكل مع الكيبورد ..

إذ أنه يصطدم بالكرشه في حال المتابعه الدقيقه للموضوع ..

وأيضاً ... بدانتهـ .. لم تأتي من فراااغ ...

شـــآمخ ... أضخم قلب ..

عفواً ... أطيب قلب ..

شخصيه ... عفويه ... مؤقتاً ..

تنفجر .. بطيبه تفوق الوصف عند التأثر بخبر معين من أخبآر الأعضاء ..

شـآمخ .... والد حنون .... مع إحترامي لفارق السن بيني وبينه .. << أنا أكبر ..

شـــأمخ ... فيهـ سمار .. أو قمحي حبتين ... يحب يركب دباب مقنع بلون أحمر ..

كأني شفته في صووورهـ .. عطاني قديييييمهـ جداً ..

<< يفكر ينزلها أو يخليها .. ويستر على سرقات المسن ..

شـــآمخ .. يلبس نظآرهـ تليق على خدودهـ الحلوين .. عفواً عنونه ..

شـــآمخ .. عرفته في النت ... والمسن ... لا أكثر ..

بس ..مرآتي .. عرفتني عليه أكثر ..

هذا اللي طلع معاي ..

مع بعض التحفظات ..

هههههههههههههه



شكراً لكم .

 

[اميرة ببسمتي]

اهلا بشامخ


شامخ شخص طويل ونحيييييييييف من اسمه شامخ يعني شي مرتفع وعالي ... شعر راسه كثير وكثيف ولونه اسود


شامخ متعاون مع اصدقاءه قليل الكلام ولكنه يحب ان يساعد غيره..........

وشكرلكم

 

[●¦ دَمعْــٍہ وفْــآ ¦●]

وعليكم السلام والرحمــة

حيالله رسيم القآف

الي نشوفه هني بالسنة حسنة نورتنآ ..

مع الوصف وغيرو وغيروو الموهم

عآد عقاباً لك يالمدير ما اخليك بمرآهـ

الي طلع معآك مع بعض التحفظآت ..

تكفى ارجع واترك التحفظات على جنب وكمل ههههههههه

نورتنآ على كل الاحوال ياالعريس ...


==========

شآمخ

بآك ..

شامخ طبعاً .. اخ بالنسبة لي :046:وصديق وانسان احترمه .. اقدره ..واغليه.. واعزهـ والله يخليه للجميع يارب ..


المهم ..

شآمخ انسان واقعي لكن مايمنعه هالشي يعيش جو على كيف كيفه بعض الاحيان

الحياة اهي الي تسير شامخ مو شامخ يسيرهآ الواقع والظروف تحكم عليه مو يحكم عليه

انسان دايماً يشكر ربه على كل مصيبه بلاء فرحه ..

احترمك والله

يالدب


شآمخ يحب يساعد الغير

انسان مريح يعني مافي كلفة بينه وبين الشخص ..

قد المسئولية

اكيد نادراً ما يعصب .. ولو عصب ياحبي للتعصيبه ههههه

..

شآمخ بعد دب ههههههه

<<< بتتكفخ لا لا

لا مو دب .. شامخ مع ربعه حاجه تانيه خالص

هياصة ورقص وفرح وهز وبلاوي

,<<<< بتتكفخين يالدبة

شخصيته جداً جداً مرحة مع المقربين له

انسان اجتماعي نوعاً ما يعني ما تلاقيه بسرعه ياخذ ويعطي مع الشخص

اول ما يعرفه ..

يمكن بعد فترة تلاقيه ..ياخذ ع الشخص

يمتلك قلب حنون انسان حساس جداً يعني ممكن يتأثر لو تتكلم له عن شخص او قصة شخص .. تلاقيه يتأثر حد الجنون ..

شامخ خفيف دم يعني الاستهبال وياه حلوو هههه

امممم

صح !!

شامخ خجول شوووي يعني ممكن تلاقيه يصير طمآطه عادي

وشامخ طباخ درجة اولى يحب البيض خخخخخ اخاف يفقس لنا بيوم من الايام

لا بجد شامخ طباخ احسن مني يعني الغربة يمكن عودته على الاهتمام بنفسه احسه منظم مو فوضوي ..



صبوور وله باااااااال طويل في التعامل مع الغيررر ولو ارتاح لشخص يفضفض له على غفلة هههههههههه

تلاقيه يقول ويقول ..

امممممم بعد شنوو

ستايلهـ

يعني جينز تي شيرت قميص ما احسه من النوع الي واو لازم يهتم بشكله ولا خلاص ما يطلع

ولا انه ما يهتم ابد معتدل

وسط



ولي عودة

تعبت

 

[بقايا جروح]

السلام عليكم

مساء الورد الشامخ بلون شامخ

يسعدني ان اكون من الحضرين لهذه الصفحه اللتي تصتضيف الاخ الغالي شامخ

واشكرك دمعة وفا على الاستضافه لهذه الشخصيه الراقيه

شامخ

شخص عرفته من اول يوم وضعت قطرات حبري على صفحات الشموخ
لا اجد له بصمتا هنا الا وتسعد القلب ..
يحب الفرفشه فكل موضوع شيق ويمتعنا بروحه العاليه والانيسه
اختفا عنا في فتره من الفترات وترك هنا فراغا كبيراً يذكرنا به
ولكن في الايام الاخيره اصبح يطل علينا بنوره وابداع قلمه
ليسرج من جديد ويعيد تلك الحظات الجميله اللتي كنا نقضيها معا .
عندما تعرفت على شخصه الكريم عرفت انه شخصاً مخلصا ووفياً@ لاصدقائه
يسئال عن اخيه اذا غاب ويقف مع من اردا مساعدته
كريماً في طيبت قلبه واخلاقه العاليه ..
شخصاً يتشرف به كل صديق لحرصه على بقا الصداقه الى المدى .
قد يزعله بعض لاشياء سريعاً ..
ولكنه بادنى الشي البسيط قلبه سالي ويبتسم دائماً .
شخص احسه حريص على كل شي ويعطي الاهتمام لكل شي .
قد تعلم في غربته الاشياء الكثير من الصعوبات في الحياه .
واصبح شخصاً يعي كيف يتعامل مع الجميع ..
شخصاً لا يعرف كلمت صديق .. بل الصديق عنده اخاً له .
شامخ من لا يكن له اخ فإنه خسر اخاً غالياً بمعنى الكلمه
اتمنى اني استطع ان اكتب الكثير والكثير
ولكن عن هذا الشخص يغمرني الخجل ان اكتب فيه لاني حتماً ساقصر

ارجو ان تتقبلو مروري التواضع هنا
واعتذر لتقصير ما كتبت

كل الود ولاحترام

بقاياا

 

[™ Ǎţ3Ьήê•Ĝļάķ ~]

اولا

نشكر الغاليه دموعه على استضافتها لشامخ

شامخ

احسه انسان هادي كثير ويمكن خجول

ومايحب يزعل احد منه

يعتمد على نفسه والله يوفقه

مواضيعه دائما رائعه وهادفه

واحس انه شخص راقي

هاذي مراءتي واتمنى تكون بمحلها

تقبل مروري

غربة

 

[عواطف]

قد نقف لحظات ولحظات امام كل جمال نتأمله وامام كل ذهب لامعاً وقوي
ولكن عندما يجتاحنا ذلك الجمال بوشاحه الخلاب ونوره الساطع
وسعادته البشوشة دائما في جميع اركانه وجميع حنان احرفه الجذابة والحنونه دائما
اجد انني ضائعه بين ايدي انامله وبين خربشاته السحرية التي تنقلني الى ضفاف السماء الصافية والى اباريق ضوء القمر الصافي
هناك اجد كل مافقدته من روعه وجمال ومن ابداع وتألق
رأيته فاق الوصف والتعبير عندما ترى بؤبؤة عيناي ذلك القنديل المشع خلف اسوار الشموخ
فلم اعد اتمالك نفسي واتمالك قلمي في حضرة اسمه اللامع في دنيا الابداع والتألق
فقد ارتسم اجمل الأضواء واجمل البقاع التي كنّا نسكنها وكنّا نتاملها بحلمنا الخافت
ونقش ارق مانملكه من اضواء خيالية ورومنسية كلاسيكية
فكنت انت الضوء الذي كنت احلم به في حلمي السرمديّ الذي كان عاشق لأسمك
وعائق للمساتك السحرية التي تجلعني في عالم ليس له خارطة في الوجود
وليس له اي نقطة من هذا العالم الفاني..
أنت الرونق الرائع الذي رأيته في عالم منتدى الشموخ ياشامخ..
لذلك من أجلك أنا هنا ..
الحين جينا لشامخ الأصلي // ليه كنتي تتكلمين على التقليد هههههههه ..
طويل ..وسيم // الخدود حمر هههههه بس بالله بشويش على بنات ماليزيا هههه..

أبيضاني ..كوول بوي أكيد

بس أنا متأكد إنك مو راعي ثوب وشماغ ههههه يعني حق جينزات وتي شيرتات // تتخيل شكلك وإنت رايحة للكلية في ماليزيا ولابس ثوب وغتره ههههه..

شخصية قوية يعتمد عليها ..هادي بس عليه خبقات // لازم خوي وليد هههه..
من الأشخاص صراحة الي لاتكلمون ماودك يسكتون وهذا مو مجاملة ..
محبوب من الجميع حتى رسيم يعتبره أستاذ له علشان كذا هو قدوة للكل ..
طموح مايرضى بالقليل // هو إنت الي تتمنى تكون رجل أعمال

..
تعجبني خفة دمه دائماً أصحاب هالشخصية قريبين من الكل ..باله للكل مو لاشخاص محددين
يشمل الكل ..
ويش كمان بعد يايستاهل

..
بث وبقوله أخيراً إنه لي الشرف إني كنت هنا أصف هالشخصية الرائعة ولو
بالقليل لن أوصل ما في قلبي من محبة وأخوة لك ياأستاذي

عجبتها الهرجة ..

أخيراً..عزيزتي دموعه..
والله مهما نثرت لك احرفي العاشقة بإسمك فلن اوفيك حقك
فأنت رمز جميل في هذا الصرح الشامخ
وعنوان ليس له شرح في عالم الخيال والجمال
فاعذرني ان اضع في طيّات هذه الصفحة البيضاء سبائك من الذهب التي تليق بك
والتي تتغنّى بإسمك الجميل ..مشكورة ..

 

[فاتنة القلوب]

دمووعه ماشاء الله على أختيارك ياعسل ياذوق ^_^




انا سعيده لأن سمحت لي الفرصه لوصف شامخ أخي العزيز


شخصيه بالنسبه لي غامضه نوعا ما
كل يوم أكتشف شي جديد بشخصيته ابد ماكنت تخطر على بالي
شخصيه محبوبه ومرحه مع قوه الشخصيه
فهو يوازن شخصيته بحسب الموقف
ردوده تنمى على ثقافه واسعه وسعه اطلاع
مايحب يكون رسمي الا قليل


شامخ

اسم على مسمى شامخ بمواضيعه وروده وتصرفاته
بالصراحه شووي الوصف صعب وانا مافيني احكم بس لمجرد الكتابه بعد
مع ان بالفتره الأخيره طال غيابه بس رجعته للمنتدى فرحتني مثل مافرحت الجميع


مممممممممممممم

ومايحب الجد بكثر مايحب المزح
ويحب يساعد الكل ويسأل عنهم


وبس

 

[،،شامخ،،]

@ رسيم القاف @


<< يضحك على وصف رسيم هههههههههههههههه قال تصطدم كرشته بالكيبورد

حسيت إنك جالس معاية ياابو الشباب هههههههههههههه


أخي رسيم ،،

طيب القلب لقد تلعمتها وإكتسبتها من معرفتي لك ،،
أنا صحيح أتأثر من اي خبر أسمعهـ تقدر تقول أتخيل الموقف مثل ماهو عشان كذا أعيش حزن الشخص وأشاركه بنفس الوقت ماأحب أخلي أحد يحزن لوحــده ،،


وطبعا إنت أكبر مني عشان كذا تعلمت منك الكثير ياأخي ،،


وطبعا صح اللي قلته ... أنا لوني قمحي اللون المعتاد لنا طبعا ... ومن الناحية الدباب ماشاء الله ذاكرتك قوية هالكلام من سنة تقريبا ... وكان لونه أحمر زي ماقلت

ونظري ظعيف عشان كذا البس نظارات وطبعا السبب بالتأكيد النت ،،

وأحسن شيء صار بالنت إني تعرفت على أخ مثلك يالغالي


شاكر لك وصفك الذي كان حقيقة



،،شامخ،،​

 

[،،شامخ،،]

غرام الروح،،​

أهلا فيكي يالغالية ،،​

والله مدري إذا أعتبر أنا طويل ولا لأ طولي 1,74 عاد إنتي قرري هههههههههههه​

أما نحيف ماأتوقع هههههههههههه أنا تقدروا تقولوا عني دب بي والله مو دب دب مرة يعني مازلت برقمين هههههههههههه ​

شعر راسي كان كثير بس حلقته عن قريب ريحة راسي شوية منه ​

ولونه الناس تشوفه أسود بس هو بالأساس مو اسود ابدا ​

وأحب التعاون صح لإني أستانس إذا ساعدت أحد وافرح أكثر إذا إنسان طلب مني اسويله شيء مررررررررررة افرح والله ​

بس كلامي كثير مو قليل على فكرة ههههههههههههه

شاكر لك وصفك ياأخيتي ​

،،شامخ،،​

 

[،،شامخ،،]

دمعة وفا،،


أول أحب أشكرك والله من صميم قلبك لإختيارك لي وسمحتي للأعضاء يوصفوني عشان أعرف مين أنا عندهم ،،


ثانياً ،، والله وإنتي بعد أختي لي وكل أعضاء المنتدى أخواني ... وأحترم صداقتك ولا أود أنا أخسرها ياغالية ... وهم بعد أقدرك ..


امم انا صح إنسان وآآقعي بعض الشيء وأحب اعيش اليوم بيومه والشي اللي يروح وقته خلاص أعتبره راح ولا أحب أفكر فيه تقدري تقولي كل يوم أقول أنا ولد اليوم وبس ..


وطبعا أحب أشكر ربي وأتحمده على كل شيء سواء حزن او فرح لإني مؤمن بالله وباللي يكتبه لي وأي شيء مكتوب على الجبين لازم حتشوفه العين من هذا المنطق أحب أشكر الله لإنه كاتبلي الخير إن شاء الله ،،


وحقيقي أنا ماأحب أحط اي كلافة بيني وبين أي شخص يعني بصراحة لو أحد تعرف علي اليوم حيحس يعرفني من سنين لإني أطيح الميانة في التو واللحظة << عندي مطرقهـ اكسر بيها هههههههه ...


ههههههههههه انا الحمدلله ماأعرف أعصب ابدا مهما تسوي فيني ماأعصب الحمدلله

بس عندي مشكلة إني ماأنسى الشيء اللي يصير معاية وأشيله بقلبي بس ماأخلي أحد يعرف بهذا الشيء ابدا ..


الحمدلله إني إنسان إجتماعي أحب اتداخل مع الكل .. وسبحان الله كأنك بداخلي وتشوفي نفسي أنا مع أصحابي يادمعة وفاء أنسى نفسي تقدري تقولي مجنون أحب أرقص واهيص واسوي كل شيء لإن أصحابي وخصوصا اللي بالغربة هم أحسن ناس وأهم ناس بحياتي ،، بعد أهلي

وزي ماقلت أول في رد رســيم إني أتأثر على طول بااي قصة وإن كانت خيالية ..



ههههههههههههههه لا ماني خجول ابدا << نصاااااااب

والله أنا مع أصحابي ماني خجول بس في بعض الاوقات أحس بالحرج مع الناس بس برضوا اتغلب على خجلي ،،


أما الطبخ هذي سبحان الله هوآية عندي والله أحب أدخل المطبخ وأتفنن في كل شيء اسويه طبعا كل شيء تعلمته بالغربة

مابقيت شيء ماسويته من أكل أحب اتعلم الأكلات الصعبة بالعربي المطبخ بيتي الثاني هههههههه



والحمدلله على نعمة الصبر ،،


ومن ناحية الفضفضة ... أكثر شخص أحب أفضفض له هو صاحبي وتؤم روحي أحمد صديق طفولتي وكانا معانا بالمنتدى فترة " المسافر"



أنا طبعا أحب البس جينزات وكذا على قولهم كجول


مع العلم إني بدأت البس كذا بماليزيا بس
بالسعودية كنت بس البس ثياب لا غير

وأخر شيء افكر فيه مظهري ... يكفي إن الكل يعرفني الشكل مايهم عندي ،،



دمعة منتظرك تكملي وصفك


وشاكر لك وصفك يالغالية ،،




،،شامخ،،​

 

[،،شامخ،،]

بقايا جروح،،


وعليكم السلام والرحمهـ ،،

مساء الخيرات والمسرات يالغالي،،

والله أنا اللي مبسوط يابقاياا بوجودك هنا عشان توصفني
بقاياا تذكر الإبداع هو أنت ياأخي

والفرفشة هذي شغلتي

ماكانو الناس سموني أحمد الفرفوش ههههههههه

انا صح إختفيت فترة عن المنتدى لأسباب أنا نفسي أجهلها بس الحمدلله رجعت لكم وإن شاء الله أكون أحسن من الأول ،،،

ماقويت على فرقاكم ،،

والله محرجني بكلامك يابقايا

أنا أحب اسأل عن الكل لإن الكل بمقام أخواني وأصحابي

وزي ماقلت أنا ماأعرف صديق أنا كل اللي اعرفهم أخوان لي ،،

والغربة تعلم اللي مايبغى يتعلم ،،


بالعكس اللي ماعنده أخ زي بقايوو يكون ماله أخوان يادب


شاكر لك وصفك يالغالي ،،


،،شامخ،،

 

[،،شامخ،،]

غربـــة مشاعــر،،


<< ليش الناس محسبة إني هادي هههههههههه
ترى هرجي كثير ياغربة وكلامي مابيخلص ابدا

بس خلييني في بالك أحسن كدا احسوا احلى إني هادي <<< اقول ورى ماتسري قال هادي قال


أكيد ماأحب ازعل أحد
و أبوي الله يطول بعمره دائما يقلي لا تعتمد على أحد خلي الناس تعتمد عليك ،، وبرضوا نفس الكلام قاله لي وليد اللحظة الله يطول بعمره وحشني الدب

والله إنتي الراقية يادببببة


ومواضيعي هادفة والله هذا من طيب أصلك إنتوا اللي تشجعوا الإنسان وتحمسوا

شاكر لك وصفك يالغالية ،،

،،شامخ،،

 

[،،شامخ،،]

<< شغل صباحك سكر لكاظم


يستاهل البرد من ضيع دفاه،،


سيدتي ،، إني عاجز أن أبدا في الكتابة لقد توقفت عن الرد لبرهه من الزمن كيف أفكر كيف أبدأ في الرد ،،

سيدتي يستاهل البرد .. لم أعرف معنى الخجل الا بعد ماقرأت ماسطرته لي أناملك هنا في المرآهـ ..

لم أكن أعرف من أنا ياسيدتي بالنسبة لك الا بعد ماقرأت كلمااااتك ،،

ــــــــــــ
والحين نجي عند شامخ ههههههههههههه << يقلد


أشكر تواجدك والله مرة إنبسطت يادبة

الحمدلله زي ماقلنا أول إني شوية طويل 1,74 << إنتي قولي طويل ولا كيف هههههههههه ... وسيم هههههههههههه ماأتوقع طبعا <<<< اوووما وسيم ياأحمد << لا مرة مايجي ههههههههههههههه

والخدود قمحية <<< ههههههههههه

بعدين ايشبهم بنات ماليزيا <<< العيون الناعسة هههههههههههههههه ،، بعدين زي ماقلتي انا ماصرت البس ثياب الا نادر حتى لمن ارجع السعودية احيانا البس حق خالي هههههههههههه يكون ماعندي ثياب لازم افصل
تصدقي فيه مرة رحت الكلية بثوب وغترة <<< أنزلها تشوفيها هههههههههههههه

أحب الناس تعتمد علي بصراحة أفرح من هذا الشيء أعتبره وسام على صدري والله لمن أحد يطلب مني شيء ومااقدر انام الا اذا سويت الشيء اللي مكلف مني اسويه ..


بعدين تصدقي اللي يشوفنا أنا ووليد دائما يستغرب يقول إنتوا كيف أصحاب بالله... السبب لإن وليد شخصية هااادية جدا مايتكلم مع اي احد ولا يحب يحتك مع احد ،، بس سبحان الله اللي يشوف وليد اللحظة مع شامخ مايقول إنوا هذا هو نفس الشخص الهادي سبحان الله ضحك ووناسة مع بعض وجنان بعض الاوقات

<<< شافها تقول من الاشخاص اللي اذا تكلموا ماودك يسكتووون هههههههههههههه قام كثر هرجه

يستاااهل عجبتني حق خبقاااات ههههههههههههههه مصطلح قديم صح


بصراحة والله إنتوا المعلمين وانا الطالب عندكم تعلمت منكم الكثير الحمدلله ،،


وأكيد أنا إنسان طموح ماأشبع انا وطموحي كثيرة بصراحة
وأتمنى أصير رجل أعمال ناجح مثل أبوية الله يطول بعمره <<< مع إني أدرس هندسة كهرباء وإلكترونيات ،،


والله يايستاهل البرد أنا اللي لي الشرف إن إنسانة مثلك وصفتني ووصفك كان قريب جدا من الواقع سيدتي ،،


شاكر لك وصفك يادبة

،،شامخ،،

 

[،،شامخ،،]

فاتنة القلوب،،

أنا الأسعد يافاتنة إنوا إنسانة مثلك وبطيبة قلبك تتشرف وتوصفني والشرف لي إنك تكوني أختي ،،


ههههههههههههه بس ليش غامض ياشيخة انا كتاب مفتوح للكل ماتشوفي كيف الاعضاء كلهم يقولو هرجي كثير وحق وناسة هههههههههههه،،


إيش رايك تقولي ايش هي الاشياء اللي تكتشفيها عني << يبغى يعرف نفسه ههههههههههه

نعمة من الله إني أكون شخص محبوب عند الكل وأكون قوي ،، مع العلم مو دائما أكون قوي في بعض الاحيان أحس إني أظعف من الطفل الصغير ،،

وبالنسبة إني أكون رسمي ... هذي الصفة بصراحة ماأطيقها ابدا ياشيخة ماأحب أكون مقيد نفسي برسمية وكذا مرة مايركب على شخصيتي بصراحة ،،


أتمنى إنك كنتي توصفي أكثر من كذا <<< إحراجات هههههههههه

وانا صح غبت بس الحمدلله اهو رجعت لكم الحمدلله كانت رحلة طويلة ...

وأنا فرحان بتواجدي بينكم يادبة هههههه



والجد هذا شيء حلو بس سبحان الله مو معاية

المزح والوناسة مهنتي هههههههههههههه


شاكر لك وصفك يالغالية ،،


،،شامخ،،

 

[،،شامخ،،]

<<< الحمدلله خلصت رد على كل من وصفني


يلا وين الباقي يعني لازم أسوي كرووت دعوة عشان تجوأ

<< بفجر المنتدى ترى اذا باقي الاعضاء ماوصفوني هههههههههههههههه



منتظركم


بصراحة أتمنى يجي إنسان يقلي ياشامخ او ياأحمد فيك الشيء الفلاني مايعجبني ،،



،،شامخ،،