[align=center]السلام عليكم ورحمة الله وبركاته
اشكرك جزيل الشكر اخوي بقايا جروح والشكر موصول لأخوي رسيم القاف
ومايزيدني كلامك وشهادتك لي الا فخر واعتزاز بما اكتبه يالغالي.
ابقدم لكم هالقصيده تلبيه لرغبتك اخوي بقايا جروح في اني اقدم لكم قصيده وانا بدوري راح انتظر
ردودكم عليها واتمنى يشارك الجميع وانا متأكد فيه شعّار بالمنتدى كثيرين ولكن يمنعهم الحيا او الخوف
من كتابة مشاعرهم وشعرهم هنا في المنتدى واقولهم ياليت تمتعونا بقصايدكم وتشاركونا امسيتنا.
القصيــــــــــــــده....
واعتذر لكم اذا كان طابع الحزن يغلب على كامل كلمات القصيده.....
[poem=font="Traditional Arabic,7,red,normal,normal" bkcolor="transparent" bkimage="" border="none,4,white" type=2 line=1 align=center use=ex num="0,black"]
غنّيت انا على لحن الحزن من داخلي طرق=ونفسي تعشق طاروق الحزن من بد الطروق.
ونقشت بخافقي وشم الحزن نقشة الحرق=ولا عدت اميّز شكل الوشم من كثر الحروق.
من تعاستي بس اسرق لحظات الفرح سرق=لحد ٍ يلومني لوصرت من كثر التعاسه سروق.
من كثر الهموم اتوجه للشمال ونيّتي شرق=من ظلام الكدر ماعدت اميّز به وجه الشروق.
من احزاني صار الحزن دمي في كل عرق=ومن قساة الليالي صار الدم همّ ٍ وسط العروق.
لا نزل دمعي على خدي يلمع لمعة البرق=ترتعد نفسي خفا ولاحتى خلت للفرحه بروق.
حتى الصبر في بحور المواجع داخلي غرق=مثل ما غرقت اهداب عيني في دمعي غروق.
ماغير انوح من وجدي واعلم ساجع الورق=تكفون حلّوها تروا ملّيت من حزينات الطروق.[/poem]
وسلاااااااامتكم[/align]
[align=center][align=center]اللــه يسلمك يالغالي .
صح لســـانك . صح لســـانك . صح لســـانك
أبدعة في قصدتك . وأقسم أنها في غايت الروعه .
رسمت كل معالم الحزن والألم
كتبت بوزن راقي وقافيه نادرهـ .
ركبت القافيـــه على الموضوع الذي طرحته بالقصيدهـ
وأشكرك كل الشكر أخوي على التلبيه . وما خاب ضني فيك
من اول قصيدهـ وانا علمت بأنك صاحب تميزفي كتابت القصيد
وأن القصيد يفتخر بقلم الراقي اللذي أعجب به كثيراً بكل أمانه
وها انا ارد عليك بقصيده وأعتذر أخوي على التأخير .
القصيـــــــدهـ
[poem=font="Andalus,6,indigo,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مــأضن ( فلبي بالوفــا شالك ) بيننــا فرق = طاروق الحزن . مـــا خلى لنـــا قلبٍ يروق
حنـا نشكي بالقصيد . وبوجهنـا ملــح الأرق = وغيـرنا ينحت همومه على غصـن محروق
سهــم الحــزن حد . وصــــاب قلبي وخترق = من كثر الحـزن . صــار قلبي كلــه خروق
ســـاكرٍ ليـلي . وكني شـــاربٍ كأس العرق = فــاقدٍ حالي . ولا عـدت اميز للدروب فروق
ياما تعبت مثلك وأنا أشكي همومي عالورق = مالقيت اللي يداوي الجرح ويسـقي العروق
كــان ودي على حلك . وبرقلك بنجمي برق = وأردلك معــروف شـكرك بالقصيـد شـروق
تحمل ياصــاحبي . دام الحزن لبوابنا طرق = وخلــك كريــمٍ بصبرك على جـرح الطروق
الدنيا ما تسوى . والزمن اقسـى من الدرق = ومن إستهـان بدنيته تراه ما يعرف الدروق[/poem]
وســـــلامتكمـ
بعد القصيدهـ أجدد عذري وشكري لأخوي قلبي بالوفا شالك
على التأخير بالقصيدهـ المتواضعه .
ولا أنسى ألاخت رهف ولاخت شموخ
وأقول شكراً كل الشكر من القلب على تواجدكم المشرف للمحاورهـ
ولن ترتقي إللى بوجودكم الدائم
وعسى لا يحرمنا من تواجدكمـ
وأتمنى الجميع ماينسونا ويشرفونا بتواجدهم
لكم مني خالص الود
وتحياتي بقايا جروح[/align]
