يايمه منتهي جيتك وطالب منك الغفران

[همس الورد]

​

يايمه منتهي جيتك وطالب منك الغفران



يا يمه منتهي جيتك وطالب منك الغفران
أقبل قاعة أقدامك وأغسلها بدمعاتي

يا يمه كل ما فيني ينادي لك أنا ندمان
طلبتك قولي سامحتك وردي لوجهي بسماتي

أنا أدري قلبك الطيب كسرته بصدمة النكران
غلطت وغلطتي هذي تعير كل غلطاتي

تشوف الشيب يا يمه ترى ما جاء وأنا فرحان
ورب إللي رفع ذاتك ونزل لردى ذاتي

فقدت الراحة من بعدك فقدت الطيبة والتحنان
بدونك راحتي غاية بيدينك هذي راحاتي

أنا بعدك ولا حاجه أنا بعدك ترى عميان
أشوف ولا أشوف إللي يوريني مساراتي

أنا وسيد الشقاء والهم من بعدك غدينا إخوان
يجيب هموم هالعالم ويرميها بمتاهاتي

صدقتي يوم قلتي لي تدين اليوم بس تندان
رميتك في بداياتي ورموني في نهاياتي

أنا من شالك بأيده ورماك بأسفل البركان
نخيتيني وطلبتيني ولا حصلتي نخواتي

مثل ما هنتي بعيوني عليهم قلبي يمه هان
رموني وضعفهم فزعه وأنا الدمعات فزعاتي

يا يمه لا تظنيني أنا من فعلهم زعلان
سواتٍ فيك سويته وسووا فيني سواتي

يا يمـه يالله ضميني ودفيني بين الأحضان
أنا أدري فيك مشتاقة وهمك بس ملاقاتي

يا يمه حيل ضميني أبي أرتاح أنا تعبان
تعبت أهرب من ذنوبي أبي أجا خر مسافاتي

أبسمع منك أي كلمه لصوتك مسمعي ولهان
أبسمع يمه بصوتك أبذكر فيها نشواتي

أشوفك ساكتة يمه غفيتي ولا أنا غلطان
غفيتي يا بعد عمري تعبتي من مواساتي

يا يمه طالبك قومي إذا لي بعيونك شان
أشوف الموت بعيونك عساها تخيب هقواتي

تعالوا يا بشر شوفو أنا محتار أنا تلفان
أنا أمي ما أدري وش فيها أنا مدري أنا أحاتي

شنو أمي أنا ماتت لاوالله ترى غلطان
أنا أمي ما تخليني على حزني ووناتي

أنا أمي قلبها طيب ولا يمكن تبكي إنسان
أنا أمي ما تبكيني ولا تتمنى آهاتي

يا يمه صح ما متي وصح الموت تو ما حان
إذا متي أنا بعدك أبقضي وين ساعاتي

يا يمه قومي وقولي الموت لا ما كان
أنا جيتك وأنا ناوي أبدل فيك جناتي

تركتيني ومتي و ليه تركتيني وأنا غرقان
ولا مسموح يا وليدي ولا تلعنك لعناتي

أنا الجاني وأنا المجني وأنا المخطي وأنا الندمان
وأنا بيدي رميتك إيه وبعثرته ملفاتي

وجيت من الهناء مفلس وقلبي من الضناء خسران
تركتيني على ناري أعدد فيك زلاتي

ولا نيب مرضيٍ ربي ولاني تابع الشيطان
أنا بعدك ترى مابين نهاياتي وبداياتي

يا يمه منتهي جيتك وكلي مرتجي غفران
وشفت الناس تلعني وتحذرني من الاتي



اللهم ارحم امهات المسلمين واحفظ الأحياء منهم
تحميل الأنشودة

http://www.albdoo.info/uploader/uplo...1237652759.mp3​

 

[~غـٍفـوةَ ح ـٌلُــَم}~]

.​

هَمَس آلَوَرد ..!
تسَلَم يدينِك .. ويسلَم ذوقِك الرَآقِي ..
آنشَوده قمة فَآلروَعَه .. آنتقَآء مٌميَز ..
رَبِي يعَآفيِك ..
وٌدي​

​

.​

 

[ماقتلته هو مات فيني ..!]

انشودة رووعه

سلمت يمناك يالغلا

كل الود ~

 

[همس الورد]

[SIZE=+0]

يعطيكم ربي العافية
اسعدني وجودكم نورتوني بهالطلة

[/SIZE]

 

[بقايا جروح]

همس الورد
تسسلم يدينك علانشوده الحلوه
إختيار ذوق وراقي ويكفي إنها عن الام
مشكوره ويعطيك ربي الف عافيه
اكل الود
بقـايا

 

[همس الورد]

[SIZE=+0]

[SIZE=+0]

يعطيك ربي العافية
اسعدني وجودك نورت بهالطلة

[/SIZE][/SIZE]​

 

[وَفْايَ اكْبرَ خَطْايَ|~]

سمعتها قبل .. محزنه بجد الله يحفظ لنا امهاتنا

شكرا لك

 

[همس الورد]

[SIZE=+0]

[SIZE=+0]

[SIZE=+0]

يعطيك ربي العافية
اسعدني وجودك نورتي بهالطلة

[/SIZE][/SIZE]​

[/SIZE]​

 

[رقة الندى]

الله يحفظلنا أمهاتنا ياارب

ويرحم الأمواات منهم

تسلميين همووسه عالانشوده الرووعه

 

[همس الورد]

يشرفنى تواجد حروفك الجميله هنااا

ويسعدنى حضورك الراقي دوماااا

لك اعذب تحيااتي
​

 

[@ رسيم القاف @]

همس الورد

تسلم إيدك على روعة جديدك

أنشووودة رووعهـ

والله يجزآك خير

شكراً لك