قلتُ لكِ سابق ( أنتي أميرة ) لكن للأسف كاذب .. (أنتي حقيرة )

[الريم اللعوب]

قلتُ لكِ سابق ( أنتي أميرة ) لكن للأسف كاذب .. (أنتي حقيرة )​

يا غبّية ​

ماهوَ ذنبي إن كنتِ غبيّة ..!؟​

ماهوَ ذنبي إنكِ جداً عاطفيه ..!؟​

إن فتحتي لي أبوابَ الغرام .!​

إن صدقّتي ماقلته مِنْ كلام ​

إن كنتُ فارسَ أحلامكِ في المنام ..!​

من هنا نبدأ تفاصيل القضّية ..​

...​

أنا رَجل .. وأنت ِ أمرأة .. وبيننا إنجذاب ..​

ولا يسيئُ منّا الأدب .. غير من أمِن َالعقاب ..​

فإن معي تكلّمتي ​

وإبتسمتي وضحكتي ​

وبابٌ للشيطانِ فتحتي ​

سأجُبرك على فتح عشرين باب ​

...​

لا أعرفك .. ولم اسمع صوتك .. ولم أراك​

وأوهمٌتكْ بإني احبك ْ..وأعشقكْ وأهواكْ ..​

وأني بكِ هائم ومفتون ​

وإنّ حُبكِ اصابني بالجنون​

وإنّ إجمل لحظاتي عندما اكون معاك ..​

...​

ملكتك ..​

حتى أصبحتِ كثيرة التفكير ​

أقنعتك ..​

بإني في هواكِ أسير ​

إلى أن وصلت ْإلى مُرادي وانتهيتْ​

ورحلتُ عن عالمكِ المحدو د وإختفيت ​

وتركتُ رسالة بها إعتراف خطير ​

...​

قلتُ لكِ سابق ( أنتي أميرة )​

لكن للأسف كاذب .. (أنتي حقيرة )​

خنتِ نفسك ..!!​

خنتِ أهلك ..!!​

وأصبحتِ بعد عزّك كسيره ​

..​

ياغبيّة ..​

يا أجمل ضحّية ..​

تدرين ماهو اساسَ القضيّة ..!​

لو قطعتي حبلَ الحبُ بدري ​

قبل الشيطان في الدم يسري ..​

كان في لحظتها أسميتك ​

الفتاة الذكيّه ​

الموضوع على لسان أحد الذئاب البشرية
هي قصة من نسج خيال الكاتب لكنها
حدثت كثيرا للاسف بنفس الطريقة او بإخرى !!​

البداية :​

كنت اشاهد أحد القنوات الغنائية ( الشات تحديداً )​

لقيت ثلاثة شباب ( يستهبلون على بنت ) .. بسبب ميولها الرياضي​

فأرسلت على القناة ( وأترييق على الشباب ) ..

​

وبأنها موب رجولة إن الواحد يفرد عضلاته على بنت !!​

يعني عشانها لحالها .. وضعيفه ..!!​

...​

وصار بيننا مشادة بالحكي ...​

فأرسلت رقمي ( بطريقه مشفرّه ) .. ​

وقلت لهم ..​

اللي في راس امّه خير .. يتصل ويقابلني ..​

( طبعا أنا كل هدفي إني اكسب إعجاب البنت )

​

ولا أرسلت رقمي عشان نتهاوش ..​

بالعكس .. ​

أرسلته عشان تشوفه البنت وتاخذه وتحفظه عندها ..

​

......​

(بعد ثلاثة أيام )​

جتني رسالة على الجوال .. :​

السلام عليكم ( انا فلانه )​

ياليت تضيفني عندك على المسن ..​

وياليت ماتتصل على الجوال هذا ابد ..​

....​

أضفتها ..​

وجلست أكلّمها شوي ..​

ثم جلست تشكرني على مداخلتي وعلى شجاعتي ..​

وإستاذنت وقالت برب أنا مشغوله ..​

...​

جلست اسبوعين ماكلمّتني ولا كلمّتها ..​

لكنّها متصّله ..بس ما نسولف ..​

يوم من الأيام مسكت معي غلط ..​

ودخلت عليها ( محادثه ) ..​

وسألتها .. ليه ماتسولف .. هل هي مشغوله ..؟​

قالت :​

إنها ماتعودّت تسولف مع رجال ..​

لكّنها اضافتني لأني كبرت بعينها بعد اللي صار ذاك اليوم ..​

وبدأت السوالف بيننا .. وطاحت الميانه وكسرت البنت الخوف ​

فإن معي تكلمتي
وإبتسمتي وضحكتي ​

وباب للشيطان فتحتي ​

سأجبرك على فتح عشرين باب
....
طبعاً ( انا كــ/ ولد )​

كلمّت اكثر من عشرين بنت .. ​

والعشرين كلهم يقولون نفس الكلام ( إنه أول مرّه يكلمون ولد )​

وعشان كذا ماصدّقتها ..​

وأرسلت لها اغنيه ( ) < ملف تجسس ​

والغبّيه فتحته ..​

فدخلت على جهازها .. وشفت صورها ..​

وأخذت أكثر من صوره ( لها ) ..​

...​

لكن الصوره مالها أي قيمه ..​

إذا ماعرفت اسمها ووين ساكنه ..!!؟​

..​

عشان كذا ..​

ارسلت رقمها ( لواحد في الإتصالات ) ..​

عشان يعلمّني بأسمها ...​

لكن الرقم كان ( بأسم هندي ) ...​

فما عندي خيار .. إلا اني اخذه من البنت نفسها ( بطريقتيالخاصه )​

فشرعت بقول أجمل الكلام لها ..​

وبأنها مختلفه عن بقّية البنات ..​

وإني بديت أحبّها .. لأسلوبها ولطريقة كلامها والخ ​

لا أعرفك .. ولم اسمع صوتك .. ولم أراك ​

وأوهمتك بإني احبك ..وأعشقك وأهواك ..
وأني بكِ هائم ومفتون
وإن حبكِ اصابني بالجنون ​

وأن إجمل لحظاتي عندما اكون معاك .. ​

.....​

بعد فترة ..​

تعلّقت بي ..​

أقدر اقول اني سحرتها .. وملكتها ..​

فطلبت منها الزواج .. فوافقت ..​

أخذت اسم ابوها .. واسم جدها .. واسم ابو جدها والعائلة ​

بحجّة إني راح اسأل عنهم ...​

وعشان اذا جيت أخطبك وسألني ابوك​

أكون عارف عنكم كل شي ​

...​

ارسلت اسم ابوها الى صديقي في الإتصالات ..​

وعطاني رقمه .. ورقم اثنين من عياله ( اللي هم اخوانها )​

...​

فاتصّلت على جوالها ..​

ماردّت علي << لأنها رافضه السوالف على الجوال ​

فأرسلت لها .. ​

ضروووووووري ( اسمعيني ولا تتكلمين )​

..​

اتصلت مره ثانيه .. وردّت علي ​

وسكتت .. ولا تكلّمت ​

...​

قلت لها ..​

رقم ابوك كذا وكذا وكذا وكذا​

ورقم اخوك فلان كذا وكذا وكذا وكذا ​

ورقم اخوك الثاني كذا وكذا وكذا وكذا ..​

ورقمك انت ( مايحتاج اقولك من وين جبته ) !!!​

وعندي لك اكثر من صوره بالجهاز ​

وانتي لابسه الفستان القصير باللون الأبيض ..​

وصدقيني لو ماتسّوين اللي ابيه انا ..​

راح اتصل على ابوك ..​

وعلى اخوانك ..​

وراح اقولهم اسمك ورقمك وارسلهم صورك ..​

عشان يتفاهمون معك صح ( ويمكن يذبحونك )​

تدرون وش صار ..؟ < الكلام موجّه لكم يا الأعضاء​

ملكتك ..​

حتى أصبحتِ كثيرة التفكير
أقنعتك ..
بإني في هواكِ أسير ​

إلى أن وصلت إلى مرادي وانتهيت​

ورحلتُ عن عالمك المحدود وإختفيت​

...​

بعد ما انتهيت ..​

التفت لي وقالت :​

انت قلت اني غير البنات كلّهم ..​

انت قلت انك تحبّني موت .. وإنك راح تتزوجني ..​

فكان جوابي لها ..​

قلت لك سابق ( أنتي أميرة )​

لكن للأسف كاذب .. أنتي حقيرة
خنتِ نفسك ..!!
خنتِ أهلك ..!!​

وأصبحتِ بعد عزّك كسيره ​

إنتهت القصة​

أهم النقاط ​

* إلى متى والبنات ينخدعن بإسم الحب ؟
* محادثة الرجل والمرأه من خلال الماسنجر ( هل يعتبر صحيحام خطأ ) ؟
* هل تعتقدون ان الفتاة التي في القصة غبية ؟​

ملاحظة ​

يمكن البعض يقول ( إن القضية هذي مستهلكه ) وتكلّم الناس عنها كثير ​

لكن صدقوني ...!!​

كل يوم يطلع جيل من البنات ( يكونون ضحية الحب )​

اتمنى من كل واحد ييقرا الموضوع يجاوب على الاسئله ويعلق.

 

[●¦ دَمعْــٍہ وفْــآ ¦●]

السلام عليكم ورحمة الله وبركاته

من اول ما شفت الموضوع عاهدت نفسي ارد عليه باقرب فرصة ممكنه والحمد لله يارب الي وفقني اليوم و جيت افي بوعدي الي كان بين نفسي ونفسي..!

بداية مثل هالقصص منتشرة بشكل كبير وخصوصا بمجتمعنا العربي ..! والخليجي بشكل ومثل ماقلتي رغم ان فكرة الموضوع مستهلكة وتمت مناقشتها بعدة اماكن في الانترنت كثرة القصص الي على هالاطار الي تشكل بالنهاية عبرة او حتى نصيحة لفتيات غير ممكن يكونون ضحية مثل بقية البنات الي انتشرت قصصهم على الانترنت ومو بس النت على الشاشة حتى بعض القنوات وبعض البرامج الي تناقش هالمشكلة والي مازالت بعد تناقش هالمشكلة وحتى على الاذاعة وهذا ان دل على شي يدل على ان التوعية منتشرة بمجتمعنا ولكن هل من مستفيد لا رغم زيادة هالقصص وزيادة الضحك واللعب الا ان في كل يوم يكون ضحية جديدة ..!

الغلط في من عيل اكيد العيب بالاشخاص نفسهم ..!

بالنسبة للأسئلة ..!

الى متى والبنات ينخدعون بأسم الحب..؟

سؤال جوابه مو محدد بالنسبة لي لمتى هالشي اعتقد الى ان يرجع الزمن ويرجع الحب الحقيقي مو الحب الي في الزمن هذا لان ومع الاسف الي يصير مو حب مجرد اوهام بالحب واعتقاد بالحب حتى ان البعض صار يقول احب و احب ومن النت وهو لا حب ولاشي وممكن تكون عدة مشاعر مختلطة والانسان يوهم نفسه ويقعد يقول حبيت وحبيت وهو مو حاب اساسا مجرد اعجاب تعلق في الطرف الاخر وفي شي ابي اقوله مو بس البنات الحين الي ينخدعون بالحب وخلونا نكون عادلين حتى الشباب صاروا ينخدعون بالحب من قبل البنات يعني المسالة اضحك علي وبضحك عليك وعادي تيك ايزي ياعزيزي الحياه كلها ايزي لاتعرفني ولا اعرفك وحبني وبحبك :bigsmile:..!

للأسف اشخاص شوهوا صورة الحب ومازالو ..!

وما انكر طبعا ان في ناس يعني بنات على نياتهم احياناً تكون هذي المرة الاولى لهم والتجربة الاولى لهم عادي ينخدعون بسهولة وطبعا الفضل كله يكون على الذيب الي يعرف شلون يختار الفريسة المناسبة ..! :sly:

اتمنى ما اكون خرجت عن نطاق السؤال الرئيسي بس الى متى الين الله يهدي الجميع ان شاء الله :msn-wink:..

السؤال الثاني ..:

محادثة المرأه والرجل خلال المسنجر..!

البعض يعتبره اكبر غلط طبعا بسبب الامور الي تصير لنا بسبب المسنجر والاستخدام الخاطىء لكل وسائل نافعه بشكل ضار الكل صار عنده خوف بس بالنسبة لي شخصيا ما اشوف خطأ اذا كانت المراه مضطره يعني لزوم من لوازم العمل او الشغل او الدراسة احياناً تحتم علينا التحدث مع الطرف الاخر بالمسنجر لكن الصح يكون بحدود وحطوا مليون خط تحت بحدود وعمره الاسد ما يقدر يصيد فريسة اسرع منه..! بمعنى اخر البنت الثقيلة زين والرزينه بكل ما تعنيه الكلمة من معنى والعاقلة عمره شاب مايقدر يطولها يبقى هو تحت وهي فوق..!

انه اشوفه عادي لاني طالبة جامعية واحيانا يكون بيني وبين زملائي الشباب بعض العمل او اللوازم المشتركة اتعامل معاهم بخصوص الدراسة لا اكثر ولا اقل..!

السؤال الثالث ..:

الفتاة الي في القصة غبية ..!!

امممم ممكن تكون غبية وممكن تكون على نياتها مثل مايقولون بس محد يروح للنار ويحرق نفسه وبعدين يقول آي يعورني..! :ma-des20(4):

يعني هي من الاساس غلطانه حد قالها روحي للذيب خليه ياكلج اكيد لا المغروض من البداية ما تاخذ الرقم ولا شكر ولا من يحزنون جزاه الله خير هالكلمة تقولها بينها وبين نفسها والله يتقبلها ولا يحتاج هالنص حركات طبعا معظم البنات يصيدهم هالشي تكون طالعه مجمع واحد يتحرش وواحد يدافع ويقول له كيت وكيت وتروح ومشكور ومشكورة وحاضرين ورقمي وتاخذه وتفكر وتروح وتدز مسج يتلوه مسج ..! والنهاية شنو ..! معروفة

انه ما بقعد وبدافع عن البنت في بنات هذي اهدافهم في الحياة وبدل ما ينصادون يصيدون بس الله يستر على عباده اجمعين


في النهاية انتي قلتي كل يوم يطلع جيل بنات يكونون ضحية الحب مثل ماقلت في بداية كلامي التوعية منتشرة والقصص بكل المنتديات عن البنات والشباب وهالمشاكل وبكل برامج التلفزيون وخصوصا البرامج الشبابيه وحتى ببعض المسلسلات العربية والخليجية حتى يعني القضية منتشرة وحلولها موجودة وكلنا نشوف التلفزيون وكلنا نقعد على النت وكلنا نعرف الحركات المعتادة وبعد ينضحك علينا معناتها في شي غلط احنا لو نبي نضحك نضحك على احد بكل سهولة ولو حبينا احد يضحك علينا ونضحك عليه بعد نلاقي مو معقولة الي يصير هذا كله غلط المشكلة الحين مو مشكلة البنات الي ينضحك عليهم المشكلة المنشترة ان البنات يكلمون شباب اضحك علي واضحك عليك والمسألة جداً عادية ..!

ما نقول غير لاحول ولا قوة الا بالله العلي العظيم والله سبحانه يهدي من يشاء بأذن الله والله يستر على عباده ..

الي يحزن كل الي يصير تحت مسمى واطار الحب .!. للأسف ولا شخص من هالاشخاص اكيد عرف الحب .

بالنهاية محد ضربهم على ايديهم

شكرا على الموضوع

كل الود
روائية

 

[بقايا جروح]

الريم اللعوب .~

احييك على الموضوع الجميل والذي حمل قصه مؤثره موسفه
لا اود ان اتعمق كثيراً في الموضوع .. ولا اود ان اظلم اي من الطرفين
واشكر الاخت روائيه على التعليق والرد وعجبتني بعض النقاط التي ذكرتها .
لذالك لا اود ان اضيف كثيراً في الموضوع .
وساجيب على النقاط ولاساله بختصار .

أهم النقاط ​

* إلى متى والبنات ينخدعن بإسم الحب ؟
ليسى كل البنات ينخدعن بإسم الحب ..
الا من لم تختار الطريق السليم للحب او من يستحق الحب .
الكثير قد يقول انه لا يوجد الحب في هذا الزمن ؟!
بل ان الحب موجود ولن يتغير الحب ابداً .
يضل الحب بالقلب وكل قلبٍ يحمل مشاعر واحسيس سوا في الزمن الماضي او الحاضر .
ولكن هناك من هم تغيرو وشوهو إسم الحب بضعف إيمانهم
فضعيف الايمان .. يقتل ضعيف المشاعر والاحاسيس .
والكلام ينطبق على الشاب والفتاه لنكن عادلين .

* محادثة الرجل والمرأه من خلال الماسنجر ( هل يعتبر صحيحام خطأ ) ؟
لا اعتبر ان المسن طريقاً سهلاً لإسطياد فرسيه .
ولا اضن ان المسن خاصاً للعلاقات فقط .
بل هناك طلاب وطالبات يتواصلون باحترام وتقدير فيما بينهم وبشكل محدود
لقضاء عملهم بصوره سليمه دون استغلال العواطف فيم بينهم .

* هل تعتقدون ان الفتاة التي في القصة غبية ؟
ليسى هناك شخصاً لا يتمنى الحب .
وقد لا اقول غبيه لان الحب مشروع للجميع فتاة ام شاب
ولكن لم تحسن اختيار القلب او الطريق المناسب والسليم للحب .

​

ملاحظة ​

يمكن البعض يقول ( إن القضية هذي مستهلكه ) وتكلّم الناس عنها كثير ​

لكن صدقوني ...!!​

كل يوم يطلع جيل من البنات ( يكونون ضحية الحب )
وبقدر ما يطلع جيلا من البنات ضحايا الحب
فهناك شباب اصبحو ضحايا للحب
ولكن بعدد اقل من البنات .

/

اعتذر ان كنت متعاطفا مع الشباب لكوني شاب كم تعاطفت مع الفتيات
ولكني احببت العدل واتمنى اوفيت بردي هنا وان قصرت فأعذريني عزيزتي
لكي مني كل الود والاحترام
بقـــآيا.
​

 

[الريم اللعوب]

روائيه حديثه
بقايا جروح
خاص الشكر لمداخلاتكم ونقاشكم الرائع
أستغرب قلة الردور على الموضوع ؟