( بقآيآ جرووح) ضيف ثاني أمسيات شموخ الإبداع

[rồ7 5ƠRдFϊa]

​

مــدخل..{
انا والليل والعبرة وجرح وخاطر ٍمكسور
ونفس من هجير البعد والحرمان مقهورة
وقلب ظامي لشوفك ولايروى ظماه بحور
وعين تحتري لحظة غياب الطيف وحظوره
​

السلام عليكم ورحمة الله وبركاته ...



مساكم\ صباحكم طيب

مساكم \ صباحكم عطر

مساكم\ صباحكم زهر

من جديد والغلا دايم يزيد نجدد اللقاء اعضاء الشموخ في امسيه شاعريه جديده ...

ضيفنا متميز في وجوده....و ردوده ...وطلته ...
ضيفنا...متميز في احاسيسه ...وكلماته ..وقلمه ...
ضيفنا ..شاعر ..عاندته الحرووف والقوافي...

ولكن جروحه أرغمته على المقاومه...

ضيفنا بقايا لكبرياء حطمه.....فأصبح بعد ذلك
بقايا جروووح

أهلا بك أخي العزيز في هذه الامسيه الشاعريه ...التي تتشرف بتواجدك فيها...

أترككم معه أحبتي سبعة أيام بلياليها ...لترتشفوا منه أعذب الكلمات ...


ستنتهي هذه الامسيه مساء يوم الجمعه القادم بإذن الله ..


حتى ذلك الحين أترككم في حفظ الله وامانته ...


الـــكـــ ح ـــلآآآويه

​

مــخرج..}
ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور
والا يا جملة أيام الجفا والصد مشكورة ​

 

[بقايا جروح]

اهلاً كحول ..~

سعيد باستضافتك لي ..
وهذا شرف كبير اكون بهذه الامسيه الغاليه ..
واتمنى ان اوفق بإجاباتي على اسألت الاعضاء
مشكوره يالغاليه على مقدمتك وكلامك الذوق

/

بإنتظـار الاعضـاء

 

[أعذب خفوق]

بقايا جروح عندليب شموخ الابداع / /
طبت وطاب يومـك

عضو سيطر على القلوب بسمو أخلاقه وروعة حضوره

ان تكلم الجم الأفواهـ وان صمت تحدث صمته عن حكمته

هو فخر للشباب في عالم الثقافة

مهما سطر قلمي من اطراء ؛؛؛؛ يظل قاصرا

لن أكلف عليك كثيرا بالأسألة فأمامك أسالة العشاق تتسابق لنيل جزالة الفاظك بايجازك وحكمتك المعهودة </b></i>​

1- ماهي علاقتك بالشعر ؟!!

2- من هو شاعرك المفضل ؟!!

3- اعضاء في منتدى شموخ الابداع تثق في ذائقتهم الشعرية ؟!!

4- بيت شعر يحضركْ دائما ؟!!

5- قصيده تعجبك تعدها من اروع القصائـد ؟!!

6- هل لك محاولات في كتابه الشعر ؟!!

7- لك مساحه بلآ حدود وحرية بلا قيود امتعنا بقصيدة على ذوقك تعشقها ؟!!

8-واخيرا بيت شعر تهديه لمنتدى شموخ الابداع واعضاءه وادراته؟؟



و شكراً لكـ ،،</b></i>

 

[بقايا جروح]

آهلاً عذووبه ..~

نورتي استضافتي وتسلمي على الكلام الذوق يالذوق
سعيد بتواجدالغالي واطرائك الذي اخجلني .
شكراً لك من الاعماق وماعليك زود ولاهنتي يالغلا .



الى الاسألة ..




1- ماهي علاقتك بالشعر ؟!!
علاقتي بالشعر...
هوا الصديق الذي اثق فيه ان كتبت به ما بداخل القلب .

2- من هو شاعرك المفضل ؟!!
شعرا كثر استمتع بقصائدهم ومنهم الشاعر الكبير حامد زيد ـ...

3- اعضاء في منتدى شموخ الابداع تثق في ذائقتهم الشعرية ؟!!
كثير من الاعضاء استمتع بذائقاتهم الشاعريه في مدوناتهم او في هذا القسم .
واتمنى من الجميع المواصله في عزوف ذائقاتهم لنستمتع معاً .

4- بيت شعر يحضركْ دائما ؟!!
هذا البيت يطربني كثيراً
ياصاحبي في خاطري آسألك شي
شي معكــر كـل صــافي حيـــاتي
إن كنت مدري بغـــلاتي وأنا حي
وش مكسبي كانك حزنت بوفـاتي


5- قصيده تعجبك تعدها من اروع القصائـد ؟!!
كثير من القصائد التي تعجبني ...
ومنها قصيدة الشاعرر الكبير حامد زيد بعنوان / غرام احباب )

6- هل لك محاولات في كتابه الشعر ؟!!
لي بعض المحاولات في القسم الخاص بقصائد الاعضاء ..
والمدونه هي مدرستي الاولى لتطوير كتابات قلمي ..
ومن اجل هذا لا اضع بها شي من ذائقتي كي اطور قلمي اولاً
حتى وإن كانت كتاباتي بسيطه .

7- لك مساحه بلآ حدود وحرية بلا قيود امتعنا بقصيدة على ذوقك تعشقها ؟!!
كثير من القصائد ما اعشقها وهذيه قصيده اعجبتني لشاعر .
جارلله السهلي . اصعب سؤال ..
( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
ان الحيـاه فبـعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)
يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القـاف ) سـال
ويا كبرها ساكـت ولكـن داخـل اوراقـي بكيـت !!
عمر الحكي مـا كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك مـا عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!
صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعـاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسـوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد فـي غيابـك كل أبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت
​

8-واخيرا بيت شعر تهديه لمنتدى شموخ الابداع واعضاءه وادراته؟؟

هذا بيت بسيط من قلمي آهديه للجميع ...

عسى الله لا يفرقنـا ونبقى لشمـوخ شمـوخ
نساند روحنا الحلوه من الدمعه بكل بسمه

و شكراً لكـ ،،

الشكر لك يالغاليه على تواجدك واسالتك الذوق
سلمتي ودمتي لنا بهذا الود والحضور العطر ...
​

 

[~غـٍفـوةَ ح ـٌلُــَم}~]

آلكحلَآويه ..!
آشكرك على آحيآء وآستمرآر مثل هذهـ آلَآمسيآت آلشعريه ..
وآللي من خلَآلهآ نتعَرَف على ذآئقَة آعضَآئنآ فآلشعّر ..
وخصوصَآ هآلمرهـ ضيَف مختلف لِآنه شَآعر ..!
مهمآ قلت وتكلمت مآ رآح آقدر آوصفه بآلكَلَآم ..
آتمَنَى له آلتَوفيِق ..
..

 

[~غـٍفـوةَ ح ـٌلُــَم}~]

.,

عودَتِي بآلَآسئله :

1- متى كَتبت آول قصيدهـ ..؟ويآليت تكتبهآ لنآ ..؟
2- مآهِي آقرَب قصيَدَهـ لِقلبكْ من قصآئدُك ..؟
3- مَتَى يكتب بَقَآيآ جَـروح ..؟

آتمنى مآكون آطلت عليك فالآسئله ..!
ودي ووردي ..

..

 

[بقايا جروح]

اهلاً غفوة حلم .~

سعيد بوجودك يالغالي وتسلم على الكلام الذوق
لا مختلف سوى حضورك العطر هنا نورت استضافتي


إِلى آلَآسئله :

1- متى كَتبت آول قصيدهـ ..؟ويآليت تكتبهآ لنآ ..؟
بسؤالك يجبرني ارجع لاوراقي القديمه هههههه
بصراحه من فتره طويله تقريبا قبل 6 سنين كتبت كم قصيده في بداياتي ...
ومنها قصيده ارثا للملك فهد الله يرحمه ..
تلقيت بعدها كم شكر كانت دافع لانطلاقتي في الكتابه لشعر ..

اعلنت دمعـي عقب الحبس بالعين .. والحين لجل الفهد ماقدرة احبس دموعي
يالله ياخـالقٍ كل البشـر من طين .. ترحم من خلقتـه بهالدنيـا شُجوعي
هذا قدر مكتوب من رب العـالمين .. ومن مات بقدر ربه ماله بحياته طموعي
بعض البشر لاماتت ما بكاها حزين .. والفهد مـات وكل الامـم له فزوعي
يبقى الفهد بفعايل ع ذكر المسلمين .. وكم بين خير يده على من له سنـوعي
ذاق الوطن وغيـر الوطـن تسعين .. بخير مد الفهـد مـا طفتهـا القنوعي
عشنا على يده مليك اربع وعشرين .. وما شفنا غير المحبه من خفوقه طلوعي
كم يالفهـد ببلاده مستكثر الديـن .. وكتاب ربي الطاهر على قلبه طبوعي
لو اعدد جمايله وابتديهـا من الحين .. ما تكفي الليالي واناساهر على دموعي
وكم للأخوه تربت مابين سيفيـن .. فهد وعبدالله محـدٍ عن الثـاني قطوعي
واليوم القـدر فرق ما بين الاثنين .. ومحـدٍ بقـدر ربـه يقـدر يزوعـي
عبدالله مسك آرض الوطن باليدين .. ونبايعه بالملـك حكـم الشـروعي .
وفهد الذي رحل بعصـر لآثنيـن .. رحل لله ومالـه لها الدنيـا رجـوعي
ادعو له الرحمه ياناس وقولو اميـن .. ياليت جنت الفـردوس دآره تنـوعي
في امـان اللـه ياخـادم البيتيـن .. جعل قبرك من الورد والطيب مزروعي

2- مآهِي آقرَب قصيَدَهـ لِقلبكْ من قصآئدُك ..؟
تقريبا هذي القصيده .. الي كتبتها من احساس يلامسني .
···^v`¯×) ( امـــوت وما عرفة اخــــون ) (ׯ`v^··· ‏


3- مَتَى يكتب بَقَآيآ جَـروح ..؟
عندما تعجز السان ان تتكلم فالقلم ينوب عن ذالك .

آتمنى مآكون آطلت عليك فالآسئله ..!
ودي ووردي ..

مشكور على حضورك يالغالي ما اطلت علي وتسلم على الاساله الحلوه
تشرفت بوجودك ولاهنت كلك ذوق .
سامحني لو قصرت ولك ودي وعطري .
​

 

[rồ7 5ƠRдFϊa]

مسآآء الخير أخي بقايا جرووح ...

إعذرني ..لا يكون تاخرت بس...هههههه

أشوه لقيت لي مكان بالصف الأول ....


تفضل طال عمرك "

هذي مجموعة اسئله قدمتها لهاوي الجنووب ..وهسا دورك ..




ماعاد لك بين النواظر مقامي ...
.........خف اشتياقي داعي الوقت صحاه...

لمن تهديه؟؟؟

بيت تحب تردده عالطالعه والنازله ...وتحبه؟؟؟

بيت تحب تقوله للشخص اللي تحبه دائما؟؟؟

بيت كل ما مسكت القلم تكتبه؟؟

من يطربك من الشعراء ؟؟؟

من افضل شاعر للحكمه لديك واذكر بيتين ؟؟؟

ماذا تقول بأبيات شعريه لـ:

اعدائك!

من خانك!

لـ الليل!

لــ أصحابك بالمنتدى..

رسيم القاف!

ولمن تود بهذا المنتدى الغالي!!

 

[بقايا جروح]

اهلاً كحول .~

منوره باسالتك وتطمني مكانك محجوز هههههه

إِلى آلَآسئله :


ماعاد لك بين النواظر مقامي ...
.........خف اشتياقي داعي الوقت صحاه...

لمن تهديه؟؟؟
البيت حلو بس شوي قاسي ما في احد يستاهله هههههه

بيت تحب تردده عالطالعه والنازله ...وتحبه؟؟؟
بصراحه كثير ما اردد شي من كتاباتي لاني اكون حافظها اكثر .
بيت تحب تقوله للشخص اللي تحبه دائما؟؟؟
قلبي على جمـر المحبـه ينـاديك
ياللي غلاك وسط روحي و ذاتي

بيت كل ما مسكت القلم تكتبه؟؟
هو كل بيت اكتشفه جديد ويعجبني آكتبه .

من يطربك من الشعراء ؟؟؟
كثير ما يطربوني باشعارهم ومنهم حامد زيد وكثير شعراء .
من افضل شاعر للحكمه لديك واذكر بيتين ؟؟؟
طبعا كثير من الشعرا ومنهم حامد زيد الي له قصائد فيها من الحكمه
والاخص قصيدة الريم اللعوب .

ماذا تقول بأبيات شعريه لـ:

اعدائك!
إن شاءلله ما يكون لي اعداء

وان كان فيه اتمنى يعترفولي اطلب السماح منهم في بيت من قصيده.

من خانك!
عسى يارب ما يكون احد خايني او احد بيخوني ولا اخون احد ان شاءلله .

لـ الليل!
ياليل ماذكر في حياتي تمنيت ... مثل ابتســامه تنتشل قلب منصـاب
مليت ورب البيت ياليل مليت ... من الجروح اللي تجيني بلا اسباب

لــ أصحابك بالمنتدى..
لو خذآك الحزن لدروب العتيم
لاتمل الصبر وتخاف الظــروف
إبتسـمـ مادامـ لـك رب كريــم .
واحتسب مادام لك رب يشوف .!

رسيم القاف!
ونعم اخوي رسيم يستاهل احلى الكلام وهوا واحد من الاصحاب واعضاء المنتدى واهديه نفس الابيات .

ولمن تود بهذا المنتدى الغالي!!
نفس الابيات اهديها لكل اعضاء المنتدى الغالي .



~


سامحيني على الاجابات المتواضعه .

ومشكور على اسالتك الحلوه والذوق وتسلمي ولاهنتي يالغلا ..

 

[هاوي الجنوب]

السلام عليكم ورحمة الله وبركاته

يعافيك ربي خيتو كحيل على الموضوع واختيار الضيف..اختيار موفق كالعاده

نعود للأخ بقايا...منور الأمسيه يالغالي...فرصه سعيده نقضيها معاك...

وهذي اسألتي.. احم احم

كم كان عمرك عند كتابة اول قصيده ؟

ماهي القصيده ولمن؟

سؤال خارج نطاق الأمسيه>>تقدر تقول فاصل فكاهي عشان تنبسط هههههههههه

ماذا تقول في معلم القواعد من ابيات شعريه؟؟ ولو بيت واحد ؟


الخواطر, ما تعني لك؟


وما كنت ممن يدخل العشق قلبه........... و لكن من يبصر جفونك يعشق .

تكلم عن هذا البيت ووجهة نظرك فيه......,, <<<تورط هههههههههه

ما اطول عليك يالغالي

تمنياتي لك بالتوفيق

 

[الريم اللعوب]

هلابك بقايا جروح منور الأمسيه الشعريه مع كحلاويه

جيت بأسئلتي ولقيت الأجابات سبقوني الأعضاء

ماشاء الله عليك شاعر رائع ومميز

أتمنى لك كل التوفيق


الريم ~​

 

[ماقتلته هو مات فيني ..!]

هلا" بقايا جروح "

منور بهالامسية الراقيه بحضورك وكلامك

سعت بتواجدي ولي رجعة ان شاءالله


" متابعة بصمت "

 

[بقايا جروح]

وعليكم السلام ورحمة الله وبركاته

اهلا حبيبي هاوي .~

النور بحضورك وتعطيرك وسعيد بتواجدك في استضافتي للامسيه الثانيه

إِلى آلَآسئله : احم احم



كم كان عمرك عند كتابة اول قصيده ؟
تقريبا وانا في الـ17 او الـ18 هيا اول بداياتي في ممارست الكتابه لشعر .
واتمنى استفدت ووصلت الى حد مقبول ..


ماهي القصيده ولمن؟

هيا مجموعة قصايد اول او خربشات بلاصح هههههه
ممكن البدايه تكون صعبه في الكتابه ومع لايام يتحسن الحال بالتدريك ..
رديت على السؤال هذا تقريبا في رد سابق . واعذرني حبيبي


سؤال خارج نطاق الأمسيه>>تقدر تقول فاصل فكاهي عشان تنبسط هههههههههه
هههههههههههه ربي يخليك هاي الفكاهي هوا الفاصل ههههههههههه
تسلم حبيبي اكيد لوجودك نبتسم وانا سعيد فيك يالغالي .


ماذا تقول في معلم القواعد من ابيات شعريه؟؟ ولو بيت واحد ؟
هذاك اول يوم انني صغير تقواني
والحين تبطي تمد يدك وانا ساكت



هذا يكفيه ياهاوي ههههههه .


الخواطر, ما تعني لك؟
الخواطر هي نزف لما في الخاطر ..

وما كنت ممن يدخل العشق قلبه ....... و لكن من يبصر جفونك يعشق .

تكلم عن هذا البيت ووجهة نظرك فيه......,, <<<تورط هههههههههه
بيت جميل وله معنى راقي ..
ويعني بان القلب لم يكن بوده العشق ولكنه راء الجفون فعشق .



ما اطول عليك يالغالي
تمنياتي لك بالتوفيق


ربي يسلم يالغالي والله اني سعيد بوجودك واسالك الحلوه والذوق

ما طولت وحياك اي وقت منورني ..

 

[بقايا جروح]

اهلاً ريووومه .~

منورتني بوجودك الذوق
تسلم يالغلى حياك الله اي وقت
وسعيد بمشاركتك هنا والف مشكوره
نروتي وعسى ربي يوفقك
مودتي العطره
بقـايا

 

[بقايا جروح]

اهلاً دمووعه .~

نورتي بوجودك وانا الاسعد يالغاليه
تسلم على متابعتك والف مشكره
المكان مكانك وحياك اي وقت
مودتي العطره
بقـايا

 

[rồ7 5ƠRдFϊa]

نهآية الأمسيه

عندما تصفو الليالي يحدث الكدر..

فتبكي السماء مطرا..

ويبكي ورق الشجر ندى...

وتبكي الزهور شهدا..

هنآ احبتي ...

نودع أجمل الليالي الشعريه التي قضيناها مع شاعر يشار له بالبنان..

اتمنى ان أكون وفقت في هذه الامسيه ..وكذلك اتمنى ان تنال هذه الامسيه على استحسانكم ..

شكرا لكل من مر ..وكل من كتب..

والشكر موصول لضيفي بقايا جرووح على سعة صدره ..وتواجده بالقرب دوما..


سأعود لكم لاحقا في أمسيه جديده مع ضيف جديد ..بإذن الله

حتى ذلك الحين أستودعكم الله الذي لاتضيع ودائعه ..


كــ ح ـــيل..

​