عايض القرني يرد على ياسر التويجري

[الـــكاســـر]

[FONT=Lucida Handwriting, Cursive]آللهم اغفر لـ المؤمنين والمؤمنات الأحياء منهم والأموات​

صح لسانك ..
يا شين السرج ع البقر .. باختصار شديد ​

​

رائعة من روائع الدكتور ليعلمه قيمة الشاعر والشعر ومن هو ؟؟؟؟​

​

​

​

​

رد الشيخ د/عايض عبدالله القرني علىالمهايطي ياسر التويجري​

​

هذا جنوب العز​

​

أقول يا من صاب عقله هبالي​

يومك وصفت أهل الجنوب أنت غلطان​

رميت رمية مثل رمي الخطالي​

وأخطيت بالرمية ولا صبت نيشان​

ما تدري أنه عيب شتم الرجالي​

اللي على كسب الطويلات شجعان​

والله ما يقبل كلامك شمالي​

يدري بعادات القبايل والأعيان​

ما أدري على ويش الكبر والتعالي​

ياشاحذ الأموال من كل سلطان​

فقران تشحذ درهمه والريالي​

متسول وتقول يا ناس جوعان​

ليتك سكت وكنت لاهي وسالي​

لكن على نقصك تبي زود نقصان​

جنوبنا في كل شي مثالي​

دار الشرف والجود من سالف أزمان​

وأحنا الجنوبيين عز وجلالي​

ترخص دمانا ما نساوم بالأوطان​

بالعلم والتدريب طلنا المعالي​

فالهندسة والطب والجيش مليان​

والشعر فينا له حضور ومجالي​

عرضة و ردية و طاروق و ألحان​

أبدى من الطايف و أشد الرحالي​

من باحة الأبطال غامد و زهران​

والجو في سبت العلاية صفا لي​

بأهل الشيم بلقرن و خثعم و شمران​

و أحلى المناظر بالنماص الخيالي​

موطن رجال الحجر لابة و شيخان​

وعند أهل بيشة جود من تمر حالي​

أكلب و بلحارث و صبيان شهران​

و ابها تباهت بأهلها والجمالي​

عسير و أصحاب النواميس قحطان ​

و الفزعة اللي كم تشد أنذهالي​

فزعات يام أهل الشهامة بنجران​

و أحسب و لا أنسى لو يطول أنشغالي​

أهل القضا والفقه أشراف جازان​

و اللي نشد عني و عن وصف حالي​

خذ الخبر ما دمت واله و شفقان​

أنا من آل عبيد عمي و خالي​

بلقرن لي عزوة و مرجع و عنوان​

دون الجنوب أفقد جميع أحتمالي​

و أثور من أجله كما ثور بركان​

دام الحمية عندنا ما نبالي​

لو صار في ذا الوقت رجفه و ميلان​

هذا جنوب العز ماضي و تالي​

لو تحقره يا اللاش عالي و لا هان​

و الختم أبي تقرا و تفهم مقالي​

إن كنت للمعنى نبيه وفهمان​

خل المهأيط و الكبر و التعالي​

و أحذر تسب أهل المراجل بنقصان​

​

[/FONT]

 

[سيدة البحر]

اولا .. يعطيك العافيه الكاسر على هالنقل
والامر الثاني الي ودي اتكلم فيه هو مناسبه هالقصيدة وسببها

\\

وجدت القصيدة بكذا موقع وكذا منتدى شعري وبحثت اكثر واكثر عن نص القصيده
الي سب فيها التويجري اهل الجنوب وماوجدت غير كلام منشور ماله اي اساس يعتمد عليه وكثرة اقاويل متنوعه
المهم السبب الحقيقي الي وجدته في هجاء ياسر التويجري لأهل الجنوب كان سببه هجائه لـ أل زلفه
وكان اول من رد على ياسر التويجري هو الشاعر محمد بن حوقان والذي حول قصيدة التويجري إلى سب أهل الجنوب واشعل نار الفتنه

القصيدة التي قالها التويجري كانت رد على عضو مجلس الشورى آل زلفه عندما طالب بقيادة المرأة للسيارة
طبعا التويجري في قصيدته التي زعمو انها سب لأهل الجنوب قال كلمة حق اراد بها باطل ..
هو دافع عن مبدأ كلنا نراه ولكنه ادخل العنصريه فيها ... وايضا كان له لقاء في قناة ابو ظبي مع الشاعره نجاح المساعيد وتجاوز على اهل الجنوب وشعراء الجنوب عندما نفى عنهم الشعر وحصر الشعر في نجد والشمال

وهذي هي قصيدة ياسر التويجري في آل زلفه وكانت واضحه مافيها اي تهجم على اهل الجنوب لكن فيها هجوم على ال زلفه يعني شخصي بين ياسر وال زلفه واعتقد حصلت مسائلة لياسر من قبل الحكومه على حسب ماقرأت ... اتركم مع القصيدة



افتح القرآن يالله او حديث السنه = واعطني اقوى دليل يفند العلماني
كانه مكفر فعطني مقضب المنسنه = والله الوالي لجبع عاتق النصراني
وان غدا عاصي فرحبي للذي وش كنه = عين نبع من صفاها تروي العطشاني
شيخي اللي منته منه ولا أية منه = ضلع قلبي بيض وجهي جدي الروحاني
عزكم يا العوده اللي تكسرون الشنه = وعزنا بالدين حنا شيخنا سلماني
الخوارج حوطونا مثل سور العنه = عذرهم رايين لازم واحد مع ثاني
وآخر الاراء شفته واحتقرته لانه = الدليل اللي يؤكد نزغة الشيطاني
ودهم ان العذارا يركبن الدنه = ويتمشن بالشوارع كان بالامكاني
علموا راع المعارض كان يبغى الجنه = لا يبيع الا الرجال وعلم الحمراني
والله ان البنت والله لو تسوق بفنه = ان تصير بمملكتنا ثورة الشباني
وان تشن الحرب شنه ما وراها شنه = وان يصير الزيت واللي يطلبن مجاني
لا تقيس الدار هاذي مع ربوع فينا = ولا تقارن هالشباب بواحد لبناني
أبك ذولا مجرمين وعالم منجنه = عشقهم لحم الجمال وطبخة الضباني
الهلالي مثل شكلي لو يجن ينخنه = في عطال القير والا قفلة البيباني
في طريق مظلم ما للموبايل رنه = مقطعه ما فيه حوله مرمرة سكاني
وش يسوي يا جماعه ؟!.. الله اعلم انه = يفتح المصحف ويقرا سورة الرحماني!
علم الزلفه يوقف لا نخيب ظنه = فالقصيد اللي بحده خنجر عدناني
ايه شاعر والدلاله كسرة في سنه = لأنعمى ينطح بوجهه نطحة العمياني
الله اكبر يا قرى مكه ويا اهل السنه = عرضكم اصبح نقاش لواحد علماني


واما عن مقولته في برنامج نجاح المساعيد إن صحت هالمقوله فكلامه طبعا مردود عليه
لأن الشعر ماهو حكر على منطقه دون منطقة والإبداع موجود ايضا في اهل الجنوب

في النهاية كانت قصيدة ابن حوقان هي الشرارة الي فتحت النار على ياسر التويجري وهو الذي اقحم اهل الجنوب في القصيدة مع انه كان المقصود بالقصيدة ال زلفه
وهذي قصيدة ابن حوقان
ياسر اسكت واقضب ارضك جعل ابوك الجنه
القصايد فن ماهي هرطقة ورعاني

والتسلق عالكبار اكبر دمار لانه
يفقد الرجال مصداقية الشجعاني

هالقضية من زمان وحبلها يلونه
ما سمعنا منك راي ينور الحيراني

عنصريتك البغيضة واضحة ومصنة
كلمتك مضمونها يغني عن العنواني

اولا كفرت مسلم كل ذنبه انه
جا يقدم راي لازود ولا نقصاني

ذنبه انه مالجنوب وكلمته منسنة
يوم يسمعها الغشيم يقول ذا يعناني

رح ودور غيرها مالك بهذي حنه
منت لاعبها على فرعون يا هاماني

السعوديين اصل وفصل تدري عنه
فيهم النخوة وفعل الطيب والسمحاني

قال عنا مجرمين الله يخيب ضنه
والله انا احفاد ابوبكر وعلي وعثماني

والسعودي ينقتل دون الشرف لكنه
ما يخون الامنين ويفجع الجيراني

والذي مجنون جبنا من يداوي جنه
والمهبل بي نواجههم بعلم ثاني

وانت مثلك لا يمثلنا ولا له منه
ما يفرق بين نصراوي من النصراني

مملكتنا شامخة بالعز يابن هنه
ليتك تعض شحمة يافلان يا ابن فلاني

رح لدراك قبلما موج البحر ياطنه
دري انه في مهب الريح والخسراني

دارنا في ضل شيخ يوم ياقف كنه
من جبال طويق والا هضبة الصماني

دار ابو متعب وهو منا وحنا منه
وش لنا بالجاهل المتغطرس الغلطاني

وانت واشكالك دعاة الانحلال وفنه
شعركم ماجن وظاهر قولكم عصياني

اللي يشوفك تطامر قال ذا وش كنه
مطلقينه من شهار ولا يزال يعاني

لا تغش الناس ثم تحسبها ممتنه
وانت حلو لسان لكنك قليل احساني



ويُقال في احد مواقع الشعر عندما سُئل ياسر التويجري عن عدم رد عن هذا الهجاء
رد قائلا انا انظر إلى القمه

وفي الاخير القصيدة كانت منسوبه للشيخ عائض القرني
لأنه نفى اي علاقة له بهالقصيدة الي فيها رد على ياسر التويجري
والشيخ عائض القرني عنده من العلم والورع مايجعله يترفع عن هذا المستوى الجاهلي

الكاسر .. عساك ع القوة ويعطيك العافيه
واسفه على الإطاله لكن الموضوع يستحق الأكثر


ودي

 

[الـــكاســـر]

مشكورة اختي سيدة البحر عالمعلومات هذي وبصراحة ما ادري هل القصيدة منسوبة او لا وانتي قلتي ان الموضوع يستحق الاكثر ومعك حق

انا اولا ما اسمع قصايد ياسر ولا احب اتابعه لانه وبكل صراحة ما يقول شعروهذا رايي الخصي ولا احمل عليه اي شي وربنا وربه الله


ومعك حق بكلامك انه تطاول على الشخص اللي طرح الموضوع بمجلس الامة

ولكن بالنسبة لقصيدته فمن وجهي نظري انها تحمل الكثير من اول شي الغباا

تقولين ليش اعطيك مثل ابن الذيب مهايطي ويحب يبرز بافكاره بقصايده

لكن الناس حبوه من اسلوبه وناصر الفراعنة باسلوبه وابن شلحاط بخباله وضيدان بجرأته

لكن هو دخل بمواضيع ماله فيها وبطريقة غبية وكنت اتمنى ان ابن حوقان ما نزل اول شي مكانته الاجتماعية وثاني شي الادبية لهذا الشخص وياسر ما قصر اللي يعرف يقرى ما بين السطور بيفهم ايش اقول وابن حوقان رده كافي ووافي


بس اذرو ذا الابيات وتحمدو ربكم على نعمة العقل


الهلالي مثل شكلي لو يجن ينخنه = في عطال القير والا قفلة البيباني
في طريق مظلم ما للموبايل رنه = مقطعه ما فيه حوله مرمرة سكاني
وش يسوي يا جماعه ؟!.. الله اعلم انه = يفتح المصحف ويقرا سورة الرحماني!

هههههههههههههه

الحين بفهم شي واحد اللي منكم عنده معلومة يعلمني تكفون

يقول الهلالي مثلي لو يجن ينخنه !!!!!!!!!!!!!!!

يعني هو هلالي ؟؟؟؟

انا قلت يمكن فخذه الهلالي ولا شي ؟؟؟؟

لكن اعتقد انه يقول اللي يشجع الهلال زيي لو يجن ينخنه

لو كذا مصيبة ههههههههههههههههااي

طيب نفرض مو كذا نفرض انه قال

واللي مثل شكلي لو يجن ينخنه = في عطال القير والا قفلة البيباني
في طريق مظلم ما للموبايل رنه = مقطعه ما فيه حوله مرمرة سكاني
وش يسوي يا جماعه ؟!.. الله اعلم انه = يفتح المصحف ويقرا سورة الرحماني!

مدح نفسه بطريقة تدل الغبا الشعري والنقص الخلقي وحب اظهار الذات وكمل على

كل الشباب السعودي مو الجنوب بس يعني حتى ربعه الخبل سبهم بذا البيت !!!!


أبك ذولا مجرمين وعالم منجنه = عشقهم لحم الجمال وطبخة الضباني
لا تقولون لا هذي قصيدة زي الفكاهية طيب شوفو المفردات اللي فيه نبدا كلمة كلمة
اول شي افتح القران والقران ما في مزح

دليل يفند العلماني
كانه مكفر
النصراني
ولا ابي اطول عليكم بالجانب ذا

نروح لشاعريته

واحب ابدا ببيت للشاعر سعد بن جدلان

ياللي تقول الشعر همزة وكسره

اقول فكرك مقدي وانت ما اقديت

اسرح نهارك وان ضوى ليلك اسره

وتعود من بحر الشعر مثل ما جيت

الذ من ذاق الشعر سهله وعسره

عسره على الابداع سهله ليا وحيت

يضرب بها هوج الدواوين جسره

ما هو لامن جاب بيت سقط بيت

الخوارج حوطونا مثل سور العنه = عذرهم رايين لازم واحد مع ثاني

هذا البيت فيه اكثر من كسروغيره كثير


والله ان البنت والله لو تسوق بفنه = ان تصير بمملكتنا ثورة الشباني
وان تشن الحرب شنه ما وراها شنه = وان يصير الزيت واللي يطلبن مجاني


امحق استرسال والله ما عنك افكار يا ياسر ولا عنك سالفة ذا رايي الشخصي واسف عالاطالة لا تقولو ذا وش عنده

ههههههههههههههههه

انا بصراحة ما اشوف اني شاعر لاني بصراحة اول ما اخلص لكن بنزل لي قصيدة وحدة بالمنتدى واشوف اني اشعر من هذا الشاعر بكل صراحة مع ان كل قصايدي ما تعجبني


اختي اميرة البحر مشكورة عالمعلومات الحلوة

 

[@ رسيم القاف @]

بسم الله الرحمن الرحيم ..

القصيدة هذي نزلت في الموقع في العام المآضي ..

وايضاً .. الحدث .. ليس بجديد .. ولله الحمد أنها فتنهـ لم تؤثر إلا في القليل القليل من الناس ,,

فلا عتب على أهل الجنوب .. إن ردو على ياسر ... لـ شخصهـ .. وليس لـ نسبهـ ...

ولا أخفيكم أن قبائل الوائلية .. إبتعدة عن الخوض في هذا الغمار مع ياسر ..

بالرغم من أن بعض قصائد الرد .. قد نالت منهم كما نالت من ياسر ,,

كـ .. ابسط الشواهد قول إبن حوقان ...


رح لدراك قبلما موج البحر ياطنه
دري انه في مهب الريح والخسراني

دارنا في ضل شيخ يوم ياقف كنه
من جبال طويق والا هضبة الصماني

طبعأً .. الكل يعلم أن دار ياسر ,, هي بني وائل والبيت الذي ترعرع فيهـ ..

والشيخ المنسوب لـ أهل الجنوب .. ابو متعب .. هو بالأصل وائلي ,..

فـ ... من باب .. الأخوه في الوطن .. وكون أبو متعب هو الأب والحاكم والأمر سواء .. غضو البصر عن الفتنهـ ..

هذا من باب فضل قبيلة بني وائل في إخماد اللفتنه ,.. وفروعها التي ينحدر منها ياسر كـ العنزي أو التويجري ..


وأيضاً ....... لم تصل ردود كثيرة من أهل الجنوب .. على ياسر .. بالرغم من ان شعراء الجنوب بـ الألاف ..

على إعتبار قحطان ويام وبني مالك وبني مروان والشهري والقرني والعسري قد مسهم الضر من طيش ياسر ,.,

فـــ كأنت الردود .. لا تتجاوز ثلاثة .. أو أقل .. ولا تعبر عن دخول أهل الجنوب في هذة الفتنهـ ..





لست بصدد الحديث عن الشعر الجزل .. وإن كان هذا الأمر يروق لي في بعض الموضع .. ولكن

لا أملك إلا أن أقول .. أحسن الله إلى .. بني وائل واهل الجنوب .. فـ كلاهما إخوهـ في الدين ,.. والوطن ..


\
/
\


((( .. عندما تعود إلى قائمة الشهداء في أرض الوطن في الدفاع عن أرض الحرمين .. لوجد أنهم من كل حدب ينسلون .. )))
وما دليل هذا إلى أن هناك هرطقات .. جرى خلفها من جرى ولم يعدو أو يحسن إستثمارها في تفرقة المسلمين ..




خلاصة القول يا إخواني .. قوله جل جلاله (( وَأَطِيعُوا اللَّهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّهَ مَعَ الصَّابِرِينَ )) الأنفال 46 ...

\
/
\






وشكراً لكل من ساهم في هذا الموضوع ولا أخفيكم أني أعجبت في شطر من بيت شعر .. لـ ياسر التويجري


في طريق مظلم ما للموبايل رنه =

وأنا اقوووول وشـ به جوالي لا طفيت النور ما يرن .. اثرك راعي إكتشافات خطيرة يا ياسر
بالله ذكروني أخلي النور شغال لا جيت أنام عشان .. يدق جوالي ...








يشهد الله إني أحب ياسر التويجري ... وانا جنوبي .. وأحب عائض القرني واشوفه قدوتي .. وقلبي شمالي ..

 

[بقايا جروح]

الكاسر

مشكور على الموضوع والابيات المطروحه

سيدة البحر .. رسيم القاف

سعدة باضافاتكمومشكورين عالتوضيح

لا اود ان اعلق اكثر مما ذكر هنا .. واتمنى الا تكن فتنه بين الاخوان
فالموضوع اخذ اكبر من حجمه بين الاطراف والسبب بسيط وقد اصبح في خبر كان
تقبلو وجودي ولروحكم

بقــايا

 

[نعَـوُمْـه]

No Comment

للأسف يالكاسر تطاولت بالسب ياليت احتفظت برأيك لنفسك
وبلاش التجريح والسب..ما اقول ياليتني ماشفت الموضوع :|
خصوصاً إنكم تتكلموا عن شاعر من عائلتي