شذى الورد
مراقبة عام
[ALIGN=CENTER][TABLETEXT="width:70%;background-color:silver;"][CELL="filter:;"][ALIGN=center]
حبيت .. ورب السماء حبيت ..
حبيت .. ورب السماء حبيت ..
ألحين أنا في سكة سفر .. ويمكن تطول ..
الله .. يا حلو السفر .. بالذات إذا هو في هواه ..
الله .. على دموع البنات إذا عشقوا ..
أحسها ما هي دموع ..
أحسها حبة مطر .. كلها طهر ..
حتى سوا ليفهم غير ..
ويبدون في يوم جديد .. وحلم جديد ..
ونظراتهم من جد تتغير كثير ..
تصير مره جارحه .. وأحيان تبقى سارحة ..
يا ربي وش حلو البنات .. يجننون ..
فيهم غلا .. وملح .. وحلا ..
ما حطه الله في أحد غيرهم ..
إذا ضحكوا .. وإذا بكوا ..
وإذا عشقوا .. وإذا مشوا ..
وإذا وقفوا .. وإذا زعلوا .. وإذا رضوا ..
وحتى إذا انقهروا بعد يا ربي عليهم ..
سبحان من سوى البنات ..
وياااااااااه.. لو تدرون عن حلم حلمته البارحة ..
والله خطير .. والبارحة ما هي مجرد حلم ..
البارحة ميلاد .. والبارحة سكة سفر ..ودرب طويل ..
شوفوا فديت عيونكم ..
وش رأيكم في غرتي ..؟!
وفستاني .. ؟! وعطري .. ؟!
كله جديد .. كله ..
كل شيء تغير في عهود ..
كل القديم اللي أحبه ..اليوم أنا صرت أكرهه ..
اليوم أنا ما ني عهد ..
اليوم أنا فيني هوى وعشق جديد ..
حتى اسمي غيرته بعد ..
اليوم أنا اسمي وعد ..
وقطعت لعيون الهوى وعد .. وعهد ..
إني ما أخون .. وأبقى على دربي الجديد ..
وعشقي الجديد .. وعطري وفساتيني الجديدة ..
وأنتم .. وش آخر سواليف الهوى معكم .. ؟!
تدرون ..؟؟!!
أنا عشقت البارحة .. والبارحة يا صار شيء ..
البارحة بس أنا ضحكت ..
والبارحة بس أنا بكيت ..
والبارحة بس سهرت لين الصبح ..
أثر الهوى مجنون ..
سمعت من وحدة تقول ..
( إن الهوى مثل الربيع ينبت على شفاه البنات .. وإذا ضحكوا طاح الكرز ..)
وسمعت من وحدة تقول ..
( إن الهوى مثل العطر .. يفوح بأنفاس البنات وإذا حكوا فاح العطر ..)
وسمعت من وحدة تقول ..
( إن الهوى ملعون أبو وهو سبب موت البنات وإذا عشقوا ماتوا قهر ..)
ووحدة تقول .. وأخرى تقول ..
وألحين أنا فعلاً عشقت ..
وأنا اللي خلوني أقول ..
تدرون وش معنى الهوى ..؟!
( موت وحياة .. وأنا عمري القديم .. وقلبي القديم ..
ماتوا جميع البارحة .. والبارحة أنا حبيت ..
بعمر جديد .. وقلب جديد ..
وعشق مثل طعم العسل ..
وأثر الهوى عين العقل ..
وهم يقولون الهوى دايم جنون..
وحتى إذا عشقي جنون .. يبقى الجنون عين العقل ..
وأثر الهوى كله عبث .. لكن يجي منه فنون .. )
الله على العشق النظيف .. !!
عشقت لي قطعة قمر ..!!
رجال .. ومو رجال بس ..
وربي يـــ هو كل الرجال ..!!
كله أحاسيس وغلا .. كله وله ..
زرع على شفاهي الدلال ..
إذا ضحكت يبكي .. يا ربي عليه ..
وإذا بكيت .. يموت ..
وعساي أنا قبله أموت ..
وإذا لمس كفي بعض كفه .. شهق..
بسم الله عليه ..
وقام يهذي .. ويقول لي أحلى قصيد ..
وإذا انتهى يرجع يعيد ..
اليييييييييييييين أنام ..
تدرون البارحة وش قال لي ..؟!
البارحة قال ..
( تكفين ودي تزعلين .. وإذا أنا غالي عليك .. لعيوني تكفين ازعلي..
تدرين ليش .. ؟! )
بصراحة خفت .. وقلت ..
( ليش .. ؟؟!! )
يقول ..
( أبي أتلذذ وأنا أطلب رضاك .. وربي لسوي كل شيء ..
الين ما ترضين علي ..
وحتى إذا صار ورضيتي .. بـــ ارجع بعد وأزاعلك ..
وأعود أطلب لك رضاك..
وأسوي كل اللي تبين .. بس ازعلي ..
وخليني أنعم بالزعل .. وأنعم إذا ترضين .. )
وربي جنون .. !! شفتوا الهوى وشلون .. ؟!
حتى في وقت الزعل يحلى الهوى ..
ويحلى بعد إذا رضيت ..
يا ربي وش هالحظ الحلو ..
أحس أنا فعلاً حبيت ..
وكان الزهر أسود ..والليل هم ..
وكانت سواليفي حكي .. وأحلامي شتات ..
الله على عشق البنات .. موت وحياة .. !!
ياالله ناموا يابنات .. بروح أنا غرفتي ..
أجلس أنا وقلبي جميع .. لحالنا ..
نقرأ دواوين الشعر .. ونضحك سوى .. ونبكي سوى ..
وننام ونتغطى بأحاسيس البنات إذا عشقوا .. !!
ونذوق لو مره دفى ..
................
..مما راق لي ..
..دمتم أحبتي بسعادة وتفاؤل ..
..محبتي لكم ..
..
..
[/ALIGN][/CELL][/TABLETEXT][/ALIGN]
