Follow along with the video below to see how to install our site as a web app on your home screen.
ملاحظة: This feature may not be available in some browsers.
عزيزي العضو
إذا كنت تواجه مشكلة في تسجيل الدخول الى عضويتك فضلا
قم بطلب تغيير كلمة المرور عبر (نسيت كلمة المرور) أو
التواصل معنا عبر أيقونة التواصل في الأسفل او البريد
[email protected]
او من خلال المحادثات على الواتساب عبر الرابط التالي
https://wa.link/bluuun
او مسح الباركود في الصوره
إرفع جروحك عن وصال الخناجر -نزفك عزيز ومثلك النجم لاطاح ولاتنحني للريح والذّل فاجر- والخوف ساس الذل والغبن ذبّاح مادام لك عن خفضة الهام زاجر - إمّا إنكسر ولا تعدّاك الارياح مانته بعشبٍ نابتٍ وسط حاجر-ولا إنت بشراع التيه والوقت ملاّح إنت الّذي باسمك تضيق الحناجر-لو إنطقوا بك همس سمعوا بك صياح تقفي وكن الحرف للحرف هاجر -وتقبل وقلب الصخر بالشعر بوّاح ولا من رمى صبحك عباة الدياجر -ثم إنتهى ظماه شع بالنور مصباح إرفع جروحك عن تراب الخناجر- نزفك عزيز ومثلك النجم لاطاح
الوعد باكر
الوعد باكر الوعد باكر .. و لو تأخرتي ... لا يجي باكر ما أبي باكر بدونك احبسي الفجر فـ عيونك و إن أشغل طيفي ظنونك واعديني بعد باكر ... أنا ظلي تحت شمسك و لو تغــيـــبي ما هو ظلي .. و انتي اسمك في حياتي يهمسه بعضي لكلي .. آه يا ضعفي و غروري اعدلي فيني و جوري و اصدقي .. راعي شعوري و واعديني بعد باكر .. هذا وجهك في عيوني ما رسمته لا وربي .. و اللي يصرخ في ضلوعي هذا صوتك ماهو قلبي .. آه يا شمعة وجودي .. اشعلي نارك في عودي.. اهجري قلبي و عودي و واعديني بعد باكر ..
شبيه الريح
صوتٍ شبيه الريح .. مشققٍ بأعواد شيح مرتّق بالدم .. معتّق بالهم زافر صوتٍ مثل خضر العروق اللي على ظهر الكفوف المبطيه نافر صوتٍ ذبيح .. يصرخ يصيح .. إبلك خذوه القوم بين الفزع والنوم .. أسرجت مهري ألف .. وسلّيت سيفي ألف .. وظهرت تحت الشلف .. ماكان في الشارع غير الرصيف والفجر .. وبواب جيراني من هالمدى راجع .. يحمل رغيفٍ حار .. زاد لثلاث صغار.. للمدرسه صحيوا ولبسوا مرايلهم .. سنين سنين .. هالصوت الجارح الزاجر.. يصيح بي وينك.. قطفت بساتينك .. وابلك خذته القوم.. خذته القوم هالابل.. أفـّز وفي أنفي ..عـجاجة الغـاره .. وأصحى وفي كفي ساعه ونظاره .. مالي إبل أرجـوك مـالي نخيل .. لانصل ولا حـافر
صوتك يناديني
صوتك يناديني .. يناديني تِذكَّر تِذكَّر الحلم الصَّغير .. و جدار مِن طين و حصير .. و قمرا ورا الَّليل الضَّرير .. عِند الغدير و إن هبَّت النِسمه .. تِكسَّر ..تِذكَّر .. جيتي مِن النَّسيان .. و مِن كلَّ الزَّمان الَّلي مضى .. و الَّلي تغيَّر صوتك يناديني .. يناديني تِذكَّر</B>
لـ عيونك
لو تغيبي
لو تغيبـي ولو رحـل وجهك حبيبـي في غيابـي عنك أشوفك .. وفي عذابـي منك أشوفك صـدقينـي مـا نـقـص هالليـل بعدك إلا قمـرا وما فـقـدت من النهـار إلا شعاع الشمس بكـرا واجمل الناس حبيبـي .. لو تغيبـي لو رحـل وجهك حبيبـي تصغر الدنيا وتضيـق كلّ مافي الدنيا أعرفه إلا بيتـي والطريق أنا أحبك ذا نصيبـي .. إبعدي عني وغيبـي صـدقينـي مـانـقـص هالليـل بعدك إلا قمـرا ومافـقـدت من النهـار إلا شعاع الشمس بكـرا لك ليـالي ما سألتـي .. ولي ليـالي ما سـألت ولو دريت إنك زعلتـي .. كان أفرح مـازعـلت بس داري مافي قلبـك إلا قلبـك واختياري إني أحبـك والا أحبـك ومن عذاب الحب يكفـي لو تجرّح قلب واحد وإنتي يا حبـي وضعفـي لا يهمك كله واحد لجل تتغير فصول .. ويبكي الغيـم في عيونـي وتزهر جبال وسهول .. اضحكي بيـّا وبدونـي وصدقينـي مـا نـقـص هالليـل بعدك إلا قمـرا ومافـقـدت من النهـار إلا شعاع الشمس بكـرا
نامت عيونك
وصحى الليل مظنونك أغاني قصّت جناح الثواني غيبتك وصارت الساعة أماني
أنا حروفي في غيابك لا هي حكي ولا هي قصيد أكتب الظلمة وأعيد وإنت يالفجر البعيد نامت عيونك
إسهر معي ليلة حاول تحس بلوعتي ليلة عد النجوم شكثرها ياللي بقلبي كثرها ونام .. القمر بوسادتك نام ليتك تغير عادتك خل القمر ليلة .. يسهر معي ليلة
أنا حروفي في غيابك لا هي حكي ولا هي قصيد أكتب الظلمة وأعيد وأنت يالفجر البعيد .. نامت عيونك
.هتف القلب ارحميني فاسعفيه وانقذيني بعثر البعد يقيني والى الوصل ارجعيني انت اغلا امنياتي انت بيت لحنيني انت غابات قصيد فوقها هيا انثريني غيري الأشياء حولي يا حياتي غيريني حطم الموج شراعي اغرق البحر سفيني إن شكوت اليوم ظلما من فراق فاسمعيني او طلبت العون جهرا يا ملاذي دثريني انت شمس في نهاري ونجوم في ظنوني ان شعرت الأن اني في سبات ايقظيني عنك يا عطر وجودي يا مرادي وشوشيني منك يا عمري قليلا قربيني واسعديني
فدوة عيونك
فدوة عيونك لو غدت روح مغليك وش عاد لو راحت لعينك عشاير ابيع ما يغلى على الكون و اشريك و اسوق لَى جتني علومك بشاير و ازعّل جميع الناس بالحيل و ارضيك و اصبر ولو دارت علَيّ الدّواير و آخذ من ايّامي لك ايام واعطيك وان راح عمري لك فلا هو خساير احب انا شوفك و صوتك و طاريك دايم وفكري فيك هايم وحاير بالصمت اهوجس بك و بالصوت اناديك و الله عليم البيّنه و السّراير انا و قلبي و الهوى بين اياديك عندك مفاتيح الهنا للضماير من روحي احبك ومن روحي افديك يامن غرامه و الحسن فيه ثاير
لاهنت
لاهنت ياراس الرجاجيل لاهنت" "لاهان راس فى ثرى العود مدفون والله ماحطك بالقبر لكن أمنت" "باللي جعل دفن المسلمين مسنون منزلك ياعز الشرف لو تمكنت" "فوق النجوم اللي تعلت على الكون سكنت دار المجد ياشيخ وأسكنت" "شعبك معك فى منزل العز ممنون صنت العهد ياوافى العهد ماخنت" "علمتهم وشلون الاشراف يوفون كم ظالم عاداك واعفيت واحسنت" "واخلفت ظن اجموع ناس يظنون شلت الامانه حافظ ما تهاونت" "شفنا بك رجال على النفس يقوون
يا وش بقى بعطيك يا وش بقى بعطيك مني ولا جاك ما باقيٍ إلا روحي أحيا بها لك أوصف جمالك كل من نشدت وأهواك وأزين أيامي بجلسة خيالك يا وش بقى بعطيك يا وش بقى بعطيك مني ولا جاك ما باقيِ إلا روحي أحيا بها لك أوصف جمالك كل من نشدت وأهواك وأزين أيامي بجلسة خيالك يا الغايب الحاضر قلبي ولا ألقاك أقرب من عروقي وصعبٍ منالك
يغار سمعي
يغار سمعي و يشره كل وجداني =لا غاب صوتك نهار(ن) ما بلغ سمعي ياللي لقيت بنواعس عينك أوطاني =هي ديرتي هي ملاذ القلب هي ربعي أملـي النّظر من جمالك يوم تلقاني =و احبس خيالك بعيني حبسي لدمعي لا شفتك اعيش في عيونك ازماني =وآخذ من نجومها وأشعل بها شمعي من نورها سالت الفرحه بـودياني =ومن سحرها قام يورق بالذهب زرعي يا واحد الحسن مالك بالعرب ثاني =عطني شرابك وخذ قرطوع من نبعي غريب الاطوار و الغربات ميداني =هي غربة العمر وافق طبعكم طبعي اصبحت تغريبتي و اصبحت عنواني
اجمع كلام وما أعرف الإجابه وعندي شعور صدق والوقت كذاب
كل النجوم اللي امطرت من سحابه حبيبتي دمعك جرح قلب واتراب
واللي وقف ما بين بابي وبابه قلبٍ ظلام .. ولابس ثوب الأصحاب
لا تلمس الجرح
لا تلمس الجرح يا معود وصبح عـزوم البرد فتق ضلوعي وانـت دوار صيـت ضيعت عمري اطاول في حزومي رجوم وايست اباقول كل الشعر في شطر بيت لا الوقت وقتي ولا حلومي تطيع وتنـوم ولا الركايب وحادي العيس ترضيه ليت ذهايب الذود راحت مع ذواهيـب قـوم لا صار لك الف قوماني فلك الف بيـت ترى اصعب الموت موت يذبحك كل يوم واصعب حياتك تعيش وانت جواك ميت اواه يا طول عمري لا حسبـت الهمـوم يا كني اكبر من الدنيـا ولا قـد شكيـت علمك دهاني يا لاقي خير خـل العلـوم اسرجت صفرا من همومي عليها حديت واطلقت للبيد راحلتـي وفـوق النجـوم راسي وانا كل راسي تيه فخر و هميت واقـول للـي يبـي كرامتـي لا تهـوم لا انته ولا الف مثلك يهدم اللـي بنيـت
ما قلت أحبك
ماقلت أحبك وما قد قلت مـا أحبـك أحب مالي عيوني وأنـت تسواهـا لو تدري شكثر تعني لي تعرف أنـك آخر أمل فـي حاتـي وأول مناهـا ياكثر أحسن إن بك مني وبي منـك روح وقسمها على شخصين مولاها لا تقول شتحب فيني؟؟ أعشقك كلـك من ليل شعرك لشمسك وآخر أقصاها سميتني نصفـك الثانـي وياشحـك أنا بسميـك كلّـي وأنـت معناهـا تعبت أوديـك لـه ياقلـب ويـردك لا خذا حلومي ولا خلانـي أنساهـا كل الحمام استراح ونام فـي ظلـك والورد الأصفر سقته الروح من ماها ليتك بعمري ثلاث أشخاص ما أملـك واحد معي دوم وواحد روحي يملاها والثالث بجفن عينـي لافقـد حسـك أو غمض الجفن جاني فيـك يتباهـا مو بس أحبك.. أنا والله مـن حبـك أحـب ثـرى الأرض اللـي تاطاهـا
مشتاق
مشتاق ومضنيني الفراق يا عيونها خذي من عيوني تعب واعطيني من جفنك فتور وابكي علي لو بالكـــذب مليت بك طبع الغرور يا عيونها مشتاق وللدمع مع جفني عناق
مشتاق ومضنيني الفراق يا اجمل الخود كنت الامل وانتي الوعود وهجرني من هجرتيني دفا بيتي وانا فبرد الشتا موعود ايا مسكين يا قلـبي انا ماشي وهو يلتفت لك عود ايا مسكينه يا روحي تحب اللي يعذبها و يزيد صدود وحشتيني .. كثر ما خانني هذا الزمن واكثر .. وحشتيني احبك حب اكبر حيل من كلمة احبك
عيونك آخر آمالي وليلي اطول من .. اليم كيف ألقى كلامٍ عذب يوصف دافي .. احساسي عشقتك قبل ما اشوفك وشفتك صرت كلي .. حلم ابي رمشك يغطيني وابيك اقرب من انفاسي يهمك تعرفي انك قتلتي في سنيني .. الهم
مليت
قالت لي مليت..ودي بحد غيرك جمع جروحك..لملم مشاويرك واذا قضى صبرك..جرب صبر غيرك لو اشغلك وعذبك طيفي..ابكي واذا بكيت اكتب بدمعك شعر اشكي لمراسيلك وبوعدك اذا صرخ جرحك ونادى..دمعتي تنزل عليك بضحك على ايامي معك..واخذ على قلبي عهد مايخلص لغيرك
/
عبدالرحمن بن عمير
لالا ماعاد فيكم يالعواذل حسوفه شبت النار تأخذ من ضلوعي حطبها
من سببكم غدا العاشق يصفق كفوفه حسبي الله على اللي زاد فيني لهبها
جعل من لامني نور الضحي مايشوفه يقضي العمر وعيونه تزايم سببها
يالله انك تعين اللي يجاهد ظروفه كل يوم تجي له حسبت ماحسبها
والله اني لسوق النفس لو هي كلوفه وآتعلا دروب الكايده مع صعبها
صاحبي لاوقف يازين حتى وقوفه وقفه الفارس اللي غزوته قد كسبها
لو رسمته تضيع المحبره في طيوفه ولو كتبته قصيده عاذلي مالعبها
خذها كاش
لابوك حبٍ مايجي فيه تقدير ولا بو غرامٍ ينتهي في ثواني عليت شانك لين حد المشاهير لين اصبح اسمك بين قاصي وداني لاتحسبني بنكر الحب تنكير اغليت حبك لين عشقك خذاني والحب مثل النفط يحتاج تكرير لابد يصفي من شوايب زماني حبك خيانه مايبي فك تشفير خنت الامانه والعهد يا أناني اسقيتني مرك بشين التدابير اكبر مصيبه تنكتب في كياني لاتذرف الدمعه علشان تبرير اقُسم بربي ماتثنى بثاني
صوت الغرام
/
عبدالرحمن بن مازن العطاوي
وقصيدة قوية جدا
جيت تسأل ياحبيبي بذمتك منهو تكون.؟ وقمت أضحك من سؤالك مبتسم يومك لفيت قلت أسمع ياوليفي خابرك شخصٍٍ تمون أنت فرحي وأنت حزني وانت دمعي لابكيت وأنت في جمله قصيره\\\"رمش عيني والعيون\\\" وأنت في كل الدقايق فكري لامني سهيت وإنت شعري والقصايد وأنت عزفي والفنون وانت حظي وأمنياتي يومي أتمنى وجيت وأنت لي نظرة وبسمه بإنطواءات الجفون وإنت لي خدٍ تطوى بإبتساماته حييت وأنت جوّي لاستوالي بالسحايب والمزون وأنت قطرة فوق صدري منها مره مارتويت خذني الطفل المدلّع وسط حضنك يالحنون وأخذك دربٍ طويل ماأتعبه مهما مشيت من غرامك ياغرامي أصل لحد الجنون وأنت تسأل إب/براءه مادريت إلا دريت تدري إني في غيابك أفقد أعصابي وأكون من غيابك ياأميري قد تكلمت وشكيت دمعتي سالت عشانك كني باأوساط السجون ناحلٍٍ جسمي بحبك فوق هذا ماأكتفيت لو يهون الكل عندي إنت شخصك مايهون لانك أغلا ماملكته في حياتي واحتويت ياسبب دائي /ودوايه /ياعلاجي /والطعون ياسبب شفة طعوني إبعلاجاتك شفيت البشر عندي ظلامٍ وأنت عندي نور كون والبعض عندي صباحٍ وأنت ليلٍ به سريت إنت عندي نبع صافي وغيرك نبوعه بدون وأنت عندي حكيي شيخٍ مانطق كلمة \\\"ياليت\\\" كل هذا ياحبيبي وجاي تسأل من تكون.؟ أنت فرحي وانت حزني وأنت دمعي لابكيت
احيان احسن انى وسط خافقت دبت واحيان اجى بالبال لو صرت فاضى يا صاحبى ليه اكره الناس اذا غبت واقول اخد قلبى معاك مانت راضى كم ضاقت الدنيا على.. وتعدبت وكم جيتلك قاضى وعودت قاضى لانت الى قدرت حالى وقربت وللا نت الى خليتنى لاافتراضى داخل عليك ان شفتنى ليلة السبت خليك عن الوجه الشحوب والتغاضى ولا تسال شلونى ترانى تقلبت حتى بياض الوجه ماهو بياضى لا تلوم كم شفت ناس وتغربت وكم دست باحساسى ديار وارضى وان كان حسيت انك بوصلك ادنبت فالله ولا حب شقوقه اعرضى وان سالوك اهل الشماته وجاوبت قول سيرته ما يسمعها غيرواضى بغيب احبك واذكرك وانت لا غبت غيب بسلامه رب العباد راضى
على .. من ودعتني .. وإتركت لي عطر ! أشمّـه لا طـرى موتـي علـى بالـي
قصايدنا الاخيره
من وثق بالهبايب.. يطلق الطير الفضاء.. ياسع الطرقي وطيره ما يزيد الحمول.. الا المشاوير يا عسى سكة الغالي قصيرة! ضاق صدري عليه بحزة عصير قلت يا الله عسى بالأمر خيرة من سمع للنسايم والعصافير ذاق طعم الحياة ومات غيرة كن نبض الخفوق إبل مغاتير هيجن البال وتساوى مسيره ضاع كل الكلام وما بقى غير مقطع من »قصايدنا الاخيرة « كان عندي سواليف ومعاذير خفت أسولف.. ويسمعني هجيره! لو يهز المحاني يبشر بخير بإتساقط مشاريه كثيرة ليت عيني تخف من التعابير دام دمعي عجز يحيي ضميره وإن نسى اني احبه خير يا طير مات قلب وحيا عشرين غيره قد نشف ريقي البارح وانا اسير وادعى بالعطش والماء ببيره يا هبوب الشمال احلامي تطير وانتي اللي نقل ريحة عبيره ما نبت في وسط صدري نواوير لأجل ابوح بسواليف السريرة رفقة الهم رفقة نافخ الكير لا حضر ذاقت ضلوعي سعيره لا تخليت بكره وش يبي يصير قلت ربي عسى يعطيه خيره جاء لقلبي وهو شيخ الغنادير
وإنتهينا !
قوية جدا
والزمن يضحك علينا لا بكينا ! والوداع اللي دريت إنه نصيبي .. ياحبيبي .. مو بيدينا !!
ماعلينا .. أدري ظروفك قوية ياحبيبي . يا حبيبي . يا حبيبي . وأكثر اللي بأفقده كلمة حبيبي !!
كانت شفاهك تهجاها علي كنها قصيدة مب جديدة بس مامرت علينا
الغدير مصدر هدير الماء .. نشف الزفير .. صوتي وأنا أتنفس .. وقف وضاعت أنفاسي مابين الريح واللي صار فينا
صرت قاسي صرت أصب أحلامي الحلوة بكاسي .. وأكسره ! صرت أخاف أتذكره وقبل ميلاد الظروف اللي احصلت لك بعت ناسي !
صرت مثلك صرت قاسي ! ما أحس برقة القمرا وهي تضوي جبينك أو أحس برقة القمرا ولا أدري إنت وينك !
ياحبيبي . ظنك الدنيا تنسينا بعضنا ! لك معي بأكثر تفاصيلي ملامح إمسح أبياتي من الدنيا وأنا والله مسامح !
اسمعك يالليي تناديني يابو قلب خلي بس انا ماني خلي القلب لجل اسكت واجيـــك الخلي ماهوب قلب من هيامك ممتلي الخلي قلب ادمي شافك ولا هام فيـــك انت زعلان لجفاي ومادريت ان زعلي يوم قلبك مايبيني قد ماقلبي يبيــك حتى لو عيت همومك في غيابي تنجلي كل هذا مايساوي لهفتي يوم احتريـــك وان كان ماصدقت هرجي طيب اسمع مايلي: ياحبيبي ياعسى ربـــــي يحفظــك ويهديــك جايز انك في غيابي تقلب الدنيــــا علي بس انا من قبل اعرفك قالب الدنيـــا عليـــك
ماقول غير انت لامن حطـوا وشالـوا تعـوذ برحمـه الله مــن اساميـهـم وذكرهم ان الاعمار ان طالت وطالـوا الخالـد الذكـر والا المـوت قافيهـم اما انت ياقلب لو صالوا بـك وجالـوا خلك مثل ماانت لاتشره علـى ايديهـم الناس مـن خلقـت الدنيـا ومازالـوا عيـال رجّـال لكـن فيهـم وفيـهـم وذولاك من عرض ناس ٍ مالي ان مالوا الا اني اسكت ,, واقول : الله يجازيهم
شكواي لـ(اللي) عليه الضيق وإفراجه اللي إذا شاء..يرحمني ويرزقني أما أنت يا أبو جبين عقد حجاجه لا عاد تسأل "علامك ما أنت طايقني؟" الناس كل على دربه ومنهاجه وأنا عن الناس ما به شي يفرقني ألا أني دايم أحب الصدق وأواجه مخلوق..والله على هـ(الوضع) خالقني حتى رفيقي ضماد القلب وعلاجه على كثر ما أتمسك فيه..صدقني لو أدري أنه مرافقني على حاجة لــ(أمسّكه" حاجته..وأقول"فارقني"
واذكر اني رحت قبل ابـدي لـك ايّـة اعتـذار رحت حتى قبل اطيّـب خاطـرك فـي كلمتيـن لكن انتي عارفتني زيـن واللـي صـار صـار سامحينـي واذكرينـي قـدّ ماانتـي تقـدريـن اذكريني لاانتهـت للشمـس رحلـه مـع نهـار واذكرينـي لاصحـى للصبـح ورد الياسمـيـن واذكريني لا لمحتـي فـي ليالـي البـرد نـار واذكريني لا سمعتـي للمطـر صـوت ٍ حزيـن اذكرينـي واذكرينـي واذكرينـي .. بأختصـار.. اذكري حبيبــكـ قـدّ ماانتـي تقدريـن
اللي تركني وأنا في عـز غربالـي بعد الشدايد وش اللي ذكـره فينـي يبغى زماني يعود ويرجـع الغالـي وشلون يرجع بعد ماطاح من عيني لا الوقت وقته ولا له شي في بالـي أنا نسيتـه مثـل ماكـان ناسينـي أنا تمنيت نظره منـه فـي حالـي ياما تمنيـت صوتـه لـو ينادينـي قولوا له إني ما أحبه كثر ترحالـي أو لا .. حرام يتضايق وإلا يبكيني؟؟ قولوا له إني أحبه .. بس من تالـي إن راح وإلا رجع ماعـاد يعنينـي
جا يشوف الحال كيفه بعد ماهزه حنينه قبل يسألني سألته كيف حالك يالحبيب؟ قال أنا كني غريب ضيع دروب المدينة قلت أنا كني مدينه تنتظر رجعة غريب. قال أجل وش فيك تلعن سيرة الحب وسنينه؟ قلت أنا وشلون ما العن سيرته دامك تغيب أنت لا من غبت حتى مرايتك صارت حزينه كيف ما تبغاني أحزن وانت لي حظ ونصيب
خذني افحضنك ابغفى يااااهـ مبطي ماغفيت وان لمحت دموع عيني سو نفسك ما لمحت خذني افحضنك وبعثر في جروحي وان قضيت هزّ لي كتفي وقل لي عيب تبكي لو سمحت إضحك وعلّم زماني من على ومن وين جيت طقّ باب الحزن واصرخ فيّ لامني فتحت وضمّني يمك وكمّل ضحكتك لامن بكيت ودّي اذكر كيف كانت ضحكتي لامن فرحت
صوّت حبيبي وقبـل أقـول ياعونـك شكى جروحه ورحت أشكي له طعوني يقول مقدر أعيش اليـوم مـن دونـك وأقول حتى ولو ماعشت مـن دونـي يمكن أنا اكون أعز إنسان ف عيونـك بس انت والله كل النـاس ف عيونـي لا صرت ربعي وداري فيّـة جفونـك وش دخّل الناس خل النـاس يجفونـي يكفيني إن انت لا من قلـت وشلونـك تطيب كل الجـروح ويختلـف لونـي
ضاعت احلامي وظل الحزن فيني واهتديت للطريق اللي يوديني على دمعي ورحت يالحزن ليتك مثل دمعي وتنزل لارقيت بس اعرفك لو مسحت الدمع تبقى ماانمسحت كان حلمي في وجود انسان يبكي لابكيت وصار حلمي في وجود انسان يفرح لافرحت كنت اشوف الناس مثلي كل ماجعت وظميت مادريت ان الاوادم ناس فوق وناس تحت
في عز ما كنت اهوجس فيك وافتحلـك ابواب قلبـي خذتنـي رجلـي لبابـك وجيتك وانا ما اذكر اني كنت رايحلك بس اذكر اني كـذا لاطـول غيابـك ياما ترددت مـدري كيـف اشرحلـك اجيك وارجع ابيك تقـول وش جابـك يابـن الاوادم تـرى مليـت المحلـك انا اعزك واحبـك واعشـق ترابـك لا ضقت اضيق ومتى ما تفرح افرحلك ولاغبت اموت ومتى ما شفتك احيابك ان كان ودك ترسينـي علـى كحلـك لميت عمري وخاويتك علـى اهدابـك
قلبي لـه اليـوم .. ثالـث يـوم موجعنـي وعيني لها اليوم ثالـث .. تجمـع طيوفـك والبـال كنّـه علـى دربــك يوزعـنـي ولسانـي ماكنـه الا خـلـق لحـروفـك لاالنـوم نافـع .. ولا التفكـيـر نافعـنـي انام واصحى على الباقـي مـن وصوفـك بالله قلي .. شعـوري هـذا وش يعنـي !؟ طمنّـي .. الله يطمـن هـمّـك وخـوفـك بيني وبينك .. ترى اللي صدق ضيعنـي .... ان انت في اخر لقا .. شارح لي ظروفك مدري وش اقول .. لكن تدري .. اسمعنـي خابرك وافـي .. و أبيـك تتـم معروفـك ان كنـت نـاوي تسافـر .. لاتودّعـنـي بـس انتبـه .. لا تسافـر قبـل مااشوفـك
نويت دمر الزمان إلي نوا دمري بايعك يا طيبتي شاريك يا طيبي و الدانه إلي أتغنج كنها القمري أمنتكم بلغوها يا مناديبي لا عاد تشفق على نخلي ولا تمري ولا عاد تشره على قل ترحيبي إن كان ربي عطاها لونها الخمري الله بنفسي معوضني فقر جيبي أمنتكم بلغوها تحتري جمري إن كان ما فاد معها حسن تهذيبي إن عشت والله لمشيها تحت أمري وأحس فيها تعذب كثر تعذيبي هذريت فيها ثلاث سنين من عمري وإن قالها الله لخليها تهذريبي
زايد ح لاها شكر خاص مني لكي على هالطرح الرائع واكثر من رائع بمدبعين كبار وشعار واهبين الشعر في مبدأ هوايتهم له وكتابة معانيه وأقدمتي لنا بقصائدهم الرائعه والجميله والشيقه في خروجها للأحاسيس / ] { أختي يعطيكي ألف عافيه على هالمجهود الطيب
زايد ح لاها شكر خاص مني لكي على هالطرح الرائع واكثر من رائع بمدبعين كبار وشعار واهبين الشعر في مبدأ هوايتهم له وكتابة معانيه وأقدمتي لنا بقصائدهم الرائعه والجميله والشيقه في خروجها للأحاسيس / ] { أختي يعطيكي ألف عافيه على هالمجهود الطيب
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
