صمت هالمينا مثل صمت القبور

[بقايا جروح]

ياوسيع البال ضيّقت الصدور
رحت ماعلّمتنى وين أنت سارى
.
فى غيابك مال خلق الله حضور
وفى حضورك مالهم بالبال طارى
.
ليه ماتختال يابدر البدور
والقصايد لك وصيفات وجوارى
.
لك بنات الفكر ربات الخدور
يكشفن لثامهن والجرح عارى
.
جعل قلبٍ ماملاه الصدق نور
عند وجه الريح مايلقى مزارى
.
التغاضى عجز لاطال القصور
ليه أدارى وأنت بالوضع دارى
.
الزمان (ا ) قصير والدنيا تدور
كل يوم يضيق فى عينى مدارى
.
صاحبى محتاج لك شعر وشعور
وإحتياجى شى ماكان إختيارى
.
من متى والغصن يختار الطيور
من متى والبال يختار الطوارى
.
لاتسمى صمتى البارح غرور
انكسارى خلف هالصمت متوارى
.
فى غياب الشمس وش ذنب الزهور ؟
والمطر لاشح وش ذنب الصحارى ؟
.
اللقا لحظات والغيبه شهور
تقصر الخطوات ويطول إنتظارى
.
لو قريت المنكتب وسط السطور
ماكتبت لغلطة العمر إعتذارى
.
صمت هالمينا مثل صمت القبور
ما رسى مركب ولا لاحت صوارى



راقت لي ..​

هبوب الجنوب ,اسير الذكريات ,جوجو العجمي و 5 آخرون معجبون بهذا