مدلل الروح
عضو جديد
لبيـه يـا صـوتٍ ينـادي عليّـه
ولبى خفوقٍ زاد نبضـه عشانـي
لبيـه قالتهـا الجـوارح سـويّـه
منها يفز القلـب وطاعـه لسانـي
أهـلا هلابـك والمشاعـر نديّـه
أرحب بلهفة شوق هـزت كيانـي
عانقت صوتـك والأمانـي خفيّـه
بين الرجاء واليأس وحلم الثوانـي
أشعلت ليلي يـوم طريّـت جيّـه
ومن القصايد جبت عذب المعانـي
دلة غـلاك تفـوح والنـار حيّـه
وصبيت فنجالك من أقصى المحاني
يومك قلطت اليـوم عنـدي هديّـه
ما مثلهـا قدمـت لانسـان ثانـي
قدمـت لـك قلـبٍ تشيلـه ايديّـه
فيه الوفاء والصدق طول الزمانـي
ياللي شبيه البـدر مـدري سميّـه
عطيتنـي كلـك وربـي عطانـي
لبيـه أرددهـا مسـاء وضحويّـه
ولبيه يـا حـظٍ لدربـك خذانـي
_________________
