ودي اراضيك

[بقايا جروح]

ضاقت مساحات الرجا فى كلامي
قلي أجيك امنين ودي أراضيك

أربكتنى ألهيتني عن سلامي
مدري وشاللي باخذه منك و أعطيك

حاولت أداري فى سكوتي هيامي
أثرى نسيت و طحت كلي بياديك

أخاف صمتي لا يبوح انهزامي
وتاخذني العزه بنفسي و أخليك

مليون حاجه بك تزيد احترامي
خلتني أترك كل شي لمعاليك

الله يعلم كم تثير اهتمامي
يخلف عليه الله ما أطيع أنا فيك

قلي بربك هو يهمك غرامي
والا أنا مالي مكان بأراضيك

على كثر ما ذكر وجيه و أسامي
معهم نسيت اسمي عسا الله يجازيك

يحق لك تضحك وتقطع كلامي
يسعد لي هالضحكة منايه أراضيك​