فمــانـ الجرحـ .. شعر محمد الشهريـ ..

[وَفْايَ اكْبرَ خَطْايَ|~]

فمان الجرح .. لا والله فمـان احزانـي الكُبـرى​

​

​

فمان اغلى ثلاث سنين مِتّ بْهـا عشـان اعيـش​

​

​

فمان الحب واحلام القلـوب البيـض والخضـرا​

​

​

فمان الآه من كثر الزعـل والشـوق والتطنيـش​

​

​

فمان عيونك اللي مالها بيـن العيـون .. اُخـرى​

​

​

فمان غرورك اللي علّم الطاووس نفْـش الريـش​

​

​

فمان عطورك اللي تسكن انفاسـي .. وبالأحـرى​

​

​

فمان انفاسك اللي تسكن عطوري ومدري ليـش؟​

​

​

فمان الليل .. واحضان الدفا .. ومْصافـح القمـرا​

​

​

فمان البـاب والشبّـاك يـوم اواعـدك ونطيـش​

​

​

فمان التوت .. والرمان .. واحلى فاكهـه حمـرا​

​

​

فمان الضحكه اللي كنّها مـن مبسمـك بخشيـش​

​

​

فمان غيابك اللي ماتـرك لمواصلـك .. بُشـرى​

​

​

فمان الشك وظنون الخطـا والكـذب والتشويـش​

​

​

فمان العيد .. كنّي بـه يجينـي وحالتـي تـزرى​

​

​

يطبْطبْ فوق أكتافي حزن ويقـول لـي: معليـش​

​

​

فمان الجوع واحساس العطش .. ومفارقك صحرا​

​

​

تعبـت افتـش لْواحاتهـا واضنانـي التفتـيـش​

​

​

فمان ضلوع مكتـوبٍ علـى أنحاءهـا اليُسـرى​

​

​

"هُنا توجد جروحي" لو تكرّمتـي: بـلا تنبيـش​

​

​

فمان دموع لا تُسمـن ولا تُغنـي مـن الذكـرى​

​

​

وانا اللي ماقدرت اطلع من اجوائي معك بشويـش​

​

​

فمان الشارع اللـي كلمـا جيتـه .. وانـا أقـرا​

​

​

معاناتي من اول يوم في وصلـك إلـى التهميـش​

​

​

فمان الشاعر اللـي يجمـع بتجربْتـه الصغـرى​

​

​

فكر بدر .. ورومنسيّة نزار .. وفلسفة درويـش​

​

​

فمان العاشق المجنـي عليـه .. بتسليـة عـذرا​

​

​

من اول "بعشقك" حتى نهايـة "مـا تصبّرنيـش"​

​

​

فمان الخوف ويدينـك جنـود وأضلعـي أسـرى​

​

​

وانا فيني من الإحباط .. مايكفي هزيمة جيـش=​

​

​

فمـان اشيـاء ماتنقـال للعالـم .. ولا تطـرى​

​

​

ممالك حُب .. دمّرها اللعـب وسْياسـة التطفيـش​

​

​

فمان الإيش؟ مـا أدري .. ولكـن الزمـان ادرى​

​

​

وانا اللي ضاع مايدري .. حبيبه ضيّعه لجل ايش؟​

​

​

فمان الله ياقلبـي مـع انـك جـرح مـا يبـرى​

​

​

كتب ربي عليّ اعيش من دونك .. وانا ما اعيـش​

​

​

كتب ربي عليّ اعيش من دونك .. وانا ما اعيـش​

​

​

​

​

​

​

​

 

[@ رسيم القاف @]

الله .. الله ... للمرهـ الثانيه .. وقد تتكرر وتتوألى المرآت تلو المرآت ..
قصيدة . ما يملها قلب .. ولا يسهوا أو يفكر بشيء ثاني وهو يقراء ..
من أجمل القصائد اللي قرآتها .. وستضل في المقدمهـ ..
في كل مرهـ .. أقراها .. ما تنقص حلاوتها قدر شعرهـ .
ولها تأثير كبير ... بحة صوت .. وعبرة .. وإحسآس ..
غصب عنك تعيش بدأخلها وتتقمص حزنها ثوب ..

\
/
\

قصيدة .. أقدر أساميها مملكة قصيد ...
معأنيها شعب .. كل حرف لبنه في تعمير أساسها القوي ..

\
/
\

فمآن الجرح ... <<< شأعر أخر يقول ..
فمأن الجرح يا ذيك السوالف
......... بعد ما خانت ظنوني ظنوني
عرفت الغدر وكذب الولايف
.......... جروحك علموك وعلموني
نزل دمع وبعض الدمع واقف
....... سأل عن باقي طيوفك عيوني

ولكن محمد الشهري تغنى بأجمل عبارهـ مؤثرهـ ..
وفي أجمل قصائد هذا الجيل والاي ما أنساها أبد ..

(( فمان الجرح )) كلمة بأبعاد حزينة وعميقهـ ..
من يودع .. يودع غاليه قائلاً (( أستودعك الله .. أو بمعنى القصيدة في أمان الله .. ))
لكن لعلمه التأم ان الجرح هو ما سيبقى في قلب غاليه بعد الفراق ..
فقد (( إستودعهـ الجرح )) .. أو قد أمن الجرح رعايته ..
(( أمان الجرح )) .. أي أمان يمكن أن يمنحك الجرح .!؟
من هنا .. تعرف إن القادم أصعب من المآضي ..
وصآغ الشاعر معنى المفردة ( فمآن الجرح )) في قصيدة ..

\
/
\

من جماليات القصيدة .. منح ماليس له روح .. [ روح ] ..
العيد { .. يشعر بضعف الشأعر وأحزأنه ويواسيه ويقول (( معليش )) ..

\
/
\

أول قصيدة سمعتها تكتب على القافية الأخيرة (( بشويش .. تشويش .. معليش .. إلخ ))
هي قصيدة محمد بن ساقان القحطآني في شاعر المليون (( نبض الشوارع )) .. وهي ألأجمل ..

\
/
\

فأمان عطورك {{ .. هذا البيت مشبع بالجنأس .. ما بين العطر يسكنه .. ومرهـ .. هو يسكن العطر .. )))

\
/
\

فكر بدر ..و رومنسية نزار .. وفلسفة درويش .. >> كل شخصية بكنايتها أيضاً ..
وتوجه من الشعر إلى الفن ( بعشقك ) .. ولست أدري إن كان يقصد بها ( أنا بعشقك / لميآدة الحنأوي .. )
( بعشقك ) هي البداية .. والنهاية ( متصبرنيش ) >> متصبرنيش وتقول بكرى ..
وضف معنى الأغاني بما يخدم الحالة اللي يبغى يعبر عنها ..

\
/
\

القصيدة بشكل عام .. والله بحر .. وصح لسان شاعرها محمد الشهري ..
وماراح تملوا منها .. ولا ابغى أحرق الفلم عليكم ...
وفاي أكبر خطاي صح لسانك وبدنك وكلك ..
قصيدة .. فوق كلمات الشكر ..
إحترااامي لك ..

 

[عواطف]

يعطيك العافيه وفاي وصح لسان كاتبها ..

يسلمك ربي على هالنقل ..

شكراً ..

 

[بقايا جروح]

فمان الله ياقلبـي مـع انـك جـــــــــــرح مـا يبـرى ... كتب ربي عليّ اعيش من دونك .. وانا ما اعيـش​

وفاي اكبر خطاي

اختيار ذوق وراقي للقصيده
معاني جميله وصور خياليه في قمة الذوق
استمتعت وانا بين سطور القصيده والاحساس اللذي سكنها بصدق
مشكوره وتسلم يدينك على الاختيار

تحياتي الورديه

بقـــايا

​

 

[شذى الورد]

بالفعل قصيده لاتملى منها

وفاي ,,,

احسنتي الاختيار جدآ

يعطيك الف عافيه

ماننحرم منك ولا من جديدك

 

[™ Ǎţ3Ьήê•Ĝļάķ ~]

قصيده رائعه

يعطيك العافيه وفاي على ذوقك المميز

 

[سيدة البحر]

وفاي

قصيدة راااائعة ومعاني جميلة

ذائقتك جميلة

لك ودي

 

[وَفْايَ اكْبرَ خَطْايَ|~]

رسيم القاف اخجلتني بعبراتك الرائعه
الشكر ع وجودك العذب ..

يعطيكم جميعا الف عافيه ..

 

[~غـٍفـوةَ ح ـٌلُــَم}~]

وفآي ,~}
}كلمآت لآمست الجمآل
و تسللت إلى الآعمآق لــ تسقينآ من روعتها مآ يكفي
أبدآع في كل نآحية
شآكرةلكِ من القلب
و بنتظآر المزيد من هذآ الفيض
فلآ تبخلي علينآ أبدآع نسج من روعة ذآئقتكِ
بـــ ود كنت هنآ

 

[وَفْايَ اكْبرَ خَطْايَ|~]

الروعه حظورك النقي
يعطيك العافيه .. وماننحرم وجودك

 

[بقايا انثى]

فمان دموع لا تُسمـن ولا تُغنـي مـن الذكـرى​

وانا اللي ماقدرت اطلع من اجوائي معك بشويـش

ــــــــــــــــــــــــــــــــــــــــــــــ

اخيارك موفق اختي وفااي وصراحه قصيده جميله جدا يعطيك العافيه ولا ننحرم من جديدك....



بقايا انثى ..
​

 

[وَفْايَ اكْبرَ خَطْايَ|~]

تسلمي بقايا ع المرور

 

[صمت المشاعر]

وفاي اكبر خطاي

اختيار في غاية الروعه كلمات راقيه

بما حملت من معنى استمتعت

بأختيارك دمتي باحترام.

 

[وَفْايَ اكْبرَ خَطْايَ|~]

صمت المشاعر ..

الف شكر ع وجودك ..

 

[بقايا جروح]

فمان الجرح .. لا والله فمـان احزانـي الكُبـرى​

فمان اغلى ثلاث سنين مِتّ بْهـا عشـان اعيـش

فمان الحب واحلام القلـوب البيـض والخضـرا​

فمان الآه من كثر الزعـل والشـوق والتطنيـش

وفاي ..

شكرا لك على القصيده
من اول بيت لاخر بيت . وكلها ترانيم على القلب

تحياتي وعطري

بقـــايا