~غـٍفـوةَ ح ـٌلُــَم}~
المستشار
مسآئكمْ محبة وآنغآمْ شعرية ..
قصًيدة لـ الشآعر عبدالله بن زنآنْ
( ~~ بعض طين .. بعض لهفة ..! ~~ )
آتمنى آنْ ترتقي لـ شموُخ ذآئقتكمْ ..
.
.
هات روحك ..!!
هات شماعة جروحك ..
ماتشوفين الحزن
يسرق لسان المدينة
ماتشوفين الحطب ..
يبني ويبني ..
فالبحر صاير سفينة ..!!
هات روحك ..!!
هات بعضك لجل بعضي
طفي الجمر المعتق
في عيوني ..في عيونك
لجل ينبت في مسانا
طفل شوق .. وعاشق يداعب جنونك ..!!
يابعد عمر المسافر ..
رتبي فوضاك فيني ..
باحتويك وباحتويني ..
أدري أني ..
جيت لك ماني برايق ..
بس جيت ..!!
جيت أمرغ أنف حزني
في تراب الطهر ..
في رمل الدقايق ..
جيت اسدد لليالي بعض
همي .. نزف دمي ..
جيت لك فوضى حقايق ..
جيت .. والدمعه على شباك قلبي
همها أبقى قريب ..
وهمي أغني واطير ..
أيه اطير ..
ودي أتعلا كثير ..
في رياحك ..
من رماحك .. ودي يسموني أهلي ..
طير طاير بس ..أسير ..!!
تعالي .. واسهريني
ليل هادي ..
كفوف وأرواح وهنادي ..
غردي للعمر ليله
دوري للكسر حيله
يوم انا والحلم عشنا
بعضنا كسراعتيادي ..!!
عشت عمري ..
كل عمري ..
همّ جاي وهمّ غادي ..!!
والغريب اللي لفاني ..
هزني .. بكفوف ربعي
حطم آمالي بقوه ..
يوم كان العمر بادي ..!!
كم وجع يتنفس الما ..؟
بالشوارع .. بالمدارس
داخل احضاني ينادي ..!!
كم سقيت الحلم نبض
ولا ظميت إلا ودادي ..!!
كم صباح آعيش فيهم
واشفق بروحي عليهم
وصوتي المبحوح فيني
قال .. فيني
آآآآه ياغربة بلادي ..!!
هذا سيلك باختصار ..
هذا هو طعمي .. وذوقي
بعض طين ..
وبعض لهفه ..
بينهم كل اغترابي
بينهم ضايع ترابي
بينهم تعريف رجفه ..!!
هذا انا ..
وهذا هو .. كل اللي صار ..
هذا سيلك باختصار
غربته صوت انتصار ..
دوزني موته .. بموته
أشربي من نبض توته
شددي عنف الحصار ..!!
،،
،
هذا تصنيف الليالي ..
هذا تصنيفي لحالي ..
ماشربت المرّ مره
وماشربت السكر إلا ..
يوم كان الملح حالي ..!!
.
.
وٌدي ومحًبتي للجمًيعْ
