(¯`·._) ( بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامي ) (¯`·._)

[~غـٍفـوةَ ح ـٌلُــَم}~]

،،
،​

​

يُبَه شِفْنِيْ .. عَلَىْ كَفّ الغِيُوْم أَنْقِشْ تَفَاصِيْلِيْ
ـــ حِكَايَات الكِبَرْ .. بِيْت العُمُرْ .. مَعْزُوفَة أَحْلامِيْ​

أَغَانِيْ شُوْق .. تَنْهِيْدَة شِقَايْ .. وفَلْسَفَةْ لِيْلِيْ
ـــ طَرِيْق التِّيْه .. نَبْضَات القِصِيْد .. وُمُعْجَمْ أَوْهَامِيْ ​

تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ
ـــ وَأَثَارِيْ هـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ​

بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ
ـــ سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ​

أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ
ـــ يِطِيْر غبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ​

شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ
ـــ بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ​

عَلَىْ أَطْرَافِ الشِّفَاة اليُوم .. غَنَّتْنِيْ .. مَوَاوِيْلِيْ
ـــ تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ​

وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ
ـــ عَنْ أَشْوَاكِ القَهَرْ وشْلُوْنْ تنَامَتْ .. تَحْت أَقْدَامِيْ​

تِهِبّ الرِّيْح .. وِيِتْرَامَىْ حَنِيْنْ .. وَاَلْتَحِفْ وِيْلِيْ
ـــ وَأَخَبِّيْنِِيْ .. وَرَىْ ذَاكْ الجِدَارْ بِسَلَّة .. أَعْوَامِيْ​

يُبَهْ قَبْل الشَّهَرْ زِرْتَهْ .. طَرِيْقٍ كَانْ يِضْوِيْ لِيْ
ـــ قَهَرْ ذَابَتْ لِيْ شُمُوْعَه .. وَسَاحَتْ ضِيْم قِدَّامِيْ​

عَدَدهَا كَانْ عِشْرِيْنٍ تِهَذْرِيْ مُوْت .. تِبْكِيْ لِيْ
ـــ هِنَا طِحْتِيْ .. هِنَا صِحْتِيْ .. هِنَا كَانْ الجُرُحْ دَامِيْ ​

هِنَا خَانْ الصِّدقْ كِلِّكْ .. هِنَا كِنْتِي تِنَادِيْ لِيْ
ـــ هِنَا طَاحْ الوَرَقْ .. " مِحْتَارْ " .. نَادَىْ حِبْر أَقْلامِيْ​

حَكَىْ لِيْ كَمْ سَنَة مَرَّتْ .. وَأَنَا أَطْلِقْ بِالدُّجَىْ خِيْلِيْ
ـــ أَدَوِّرْ مِنْهُوْ يِسْمَعْنِيْ .. وَأَرِدّ بْسَرْج أَثَامِيْ ​

بَذَرْتْ الحُبّ بِدْرُوبِيْ .. وِقَفْتْ أَنْطِرْ .. مَحَاصِيْلِيْ
ـــ نِبَتْ قَمْحِيْ .. سَنَابِلْ طَعْنْ .. وَأَعْلَنْ حَزَّةْ إِعْدَامِيْ​

خَشَعْ .. قَلْبْ الحِزِنْ .. فِيْنِيْ بَعْدْ هَمْسَاتْ تَرْتِيْلِيْ
ـــ وِكَثَّفْ آهَتِيْ عَبْرَة .. وِبَلَّلْ شِيْلَة لِثَامِيْ ​

يُبَهْ .. شُوْفْ الغِيُوْم الّلِيْ عَلَىْ كَفَّهَا .. تَفَاصِيْلِيْ
ـــ تلاشت .. بَعْدِمَا سِمْعِتْ .. خَبَايَا مُوْجَزْ أَحْلامِيْ​

،،
،​

تَلاشِيْ },..​

وَأَحَاوِلْ أَخْتِبِيْ فِيْنِيْ .. وَأَضِيْع ومَا أَلاقِيْنِيْ ..
وِيِصْرِخْ بِيْ حَنِيْنِيْ لِيشْ ..!
وَأَجَاوِبْ [ تَاهَتْ سِنِيْنِيْ ] ..
وَأَسْمَعْ صُوْتْ يِشْبَهْ لِيْ .. يِنَادِيْنِيْ .. يِنَادِيْنِيْ ..
" تَعَالِيْ .. حِيْلْ مِحْتَاجِكْ ! " ..
وَأَلَبِّيْ لَهْ .. [ هَذَانِيْ جِيْتْ ] ..
تَعَالْ ولِمِّنِيْ فِيْنِيْ .. ضَيَاعِيْ مَلْ تَرْتِيْبِيْ .. وَأَصَوِّتْ لَهْ ..
" يَاهَذَا الصّوْتْ !
... تِعِبْتْ سكُوْتْ !
.... أَمَانَة لِمِّنِيْ فِيْنِيْ !
..... [ أوْ إِنِّيْ أَسْكِنِكْ وَأمُوْتْ ] "​

​

بِنبَض النَقَيه / رزان العتيبي​

​

 

[بقايا جروح]

اعجب بقلم هذه الشاعره الراقيه
فهذه ليست اول قصيده لها استمتع بقرائتها

غفوة حلم

دائما ما تتلذذ الابداع بطرحك
تمتعنا وترسم التميز على واجهت صفحاتك
فتاكد انني استمتعت بهذه القصيده الجميله
فلا يسعني الا ان اشكرك من القلب
واتمنى التوفيق لك والابداع الدائم
شكرا لك ولاحساس قلبك

خالص الود

بقــايا

 

[~غـٍفـوةَ ح ـٌلُــَم}~]

بقآيآ جروح~}

آسعدني مرورك وبهآء حروفك~
من القلب شكرآ لمرورك يالغالي..

مودتي~}

 

[™ Ǎţ3Ьήê•Ĝļάķ ~]

غفوة حـلم
رائع مانقلته ونثرته هنا يعطيك العافيه

 

[~غـٍفـوةَ ح ـٌلُــَم}~]

غٌربَة مَشٍآعِر~}

خمـائـلٌ من الـشـكـــر
والإمتـنـان لـ حضوركْ

وطِبتْ ~}

 

[@ رسيم القاف @]

يا الله ههههههههه

وربي يا غفوة حلم .. سهيت مع القصيدهـ ,,
ولا إنتبهت إلا وأنا أكتب (( السلام ,, متواجد ))
<< والله قمت سجل حظور نسيت باي موضوع ,,


غفوة حلم ...


صح لسان الشاعرهـ ,,
ولسانك ويسلم بنانك ولا تعبت بالنقل الراقي ,,
شكراً للإبداع حين يجمع .. الحرف والإختيار ,,
يعطيك الف عافيهـ ,, ولا هنتـ ,,

 

[~غـٍفـوةَ ح ـٌلُــَم}~]

.. { رَسِيِم آلَقًآفٌ .. }

,, لنقآآئكْ ورقةْ حضــوركْ زهر ْالتوليبْ الفوآحْ ,,
همســكْ النقيْ .. يضفيْ لي ْالكثيرْ ,,
فرحْ مهجتيْ .. يزدادْ بكمْ ’’
كون بخيرْ ,,

مودَتِي~}

 

[عواطف]

ههههههههههههه بركة ماسوت إضافة للرد يارسيم ههههههههه ..

غفوة حلم .. ~

ونعم والله صح لسانها ولسانك ..

يعطيك العافية ..

شكراً ..

 

[~غـٍفـوةَ ح ـٌلُــَم}~]

يستآهِل آلًبًرُد~}

أنَّ الأحرفَ تخجلُ من كرمِ
إطرائـك .. فـ تـفـلتُ مني !!
وأيقـنـت أنَّ لا حرف يفي لـِ شكرك ..

مَوًدًتِي~}