تبي تنساني ؟ انساني .. فداك اللي مضى كله

[رقة الندى]

تراني كنت متوقـع تصـدق هـرج خلـق الله
ولكن مـا توقعتـك تسولـف بـي لعذالـك ..!


تبي تنساني ؟! انساني .. فداك اللي مضـى كلـه
يجوز أحيا من فراقك مدامي ميِت بوصالـك ..!


ترى ما يجحد الواقع سوى خـلٍ نسـى خلـه
مثل ما تجحد عيونـي حنيـنٍ حيـل يظما لـك


مع أني عارف ما أحدٍ يـداوي غيـرك العلـه
أسج بحالي لحالي لجل مـا ينبـري حالـك ..


وأكابر من خطا نفسي وأزيـد الجـرح و أبلـه
وأتحاول في عبث مضحك أدور غير همالـك ..


حبيبي حتى لو زولي من غيابـك فقـد ظلـه
كفاية شمسك الين اليوم تنسـج حولـي ظلالـك


تبيني اعتذر ؟ ( آسف )، لكن وش هـي الزلـه ؟؟
تبيني أجرحك ؟ حاضر أنا همـك وغربالـك


مدام أني سبـب دمـع حزيـن ناظـرك هلـه
فعساني يا بعد عيني اجل ما اطري على بالك !!


وإذا قالوا لك إن قلبي من فراقك نـزف غلـه
قل إن: مابه بلا ! عسـى درب السعـد فالـك


وأنـا والله وثـم والله وثـم والله وثــم والله
لا سوي ما تبي من شان بـس تحقـق آمالـك


ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك ..؟!


مما اعجبني ​

رقة الندى


​

 

[~غـٍفـوةَ ح ـٌلُــَم}~]

رقة آلندى~}
حروف من ذهب
وكلمات إختلط فيها الجمال والرقه والقسوه والحنان والانين والحب ..
ألف شكر يارقه على هذا الجمال الفارق ..

مودتي~}


​

 

[رقة الندى]

شكوسي
تسلمل عالمروور الرائع
الله لا يحرمني هادا التواجد

 

[شذى الورد]

قصيده قمه بالروعه

احسنتي الاختيار يالغلا

يعطيك الف عافيه

 

[@ رسيم القاف @]

تبي تنساني ؟! انساني .. فداك اللي مضـى كلـه
يجوز أحيا من فراقك مدامي ميِت بوصالـك ..!


ترى ما يجحد الواقع سوى خـلٍ نسـى خلـه
مثل ما تجحد عيونـي حنيـنٍ حيـل يظما لـك


رقــــة النـــــــدى~

صح لسانك ولسان شاعرها ,.,
قصيدة ذوق من حالي الذوق
تسلمي ع الإختيااار المووفق
وربي يعطيك الف عافيهـ
شكراً لك ..~