@» مسرا ومعراج «@

[هَـ-ђāŵĩ-ـَاوِي]

الشاعر- علي قيسي
المعروف -رسيم القاف
@» مسرا ومعراج «@

يا شعر ياللي غايتك لطم الامواج
وش حيلتك في اللي تعكر مزاجه

ياشعر جيتك من الفوضى والازعاج
ولقيت نفسي وسط موج وعجاجه

بعض القصايد نضمها دورة ابراج
والفكر بها دواج ما يلقى خراجه

وعيب الفلك لا صار مابه توهاج
ومدح القمر بالضيء يصبح سماجه

ضف الحكي اللي راح وسط الادراج
ما يستوي عذب النهر مع هماجه

واخذ الخبر طازج وقلبي كما الصاج
عن صاحب(ن) غايب .. واحنا بحاجه

ياما سريت الليل أشعل به سراج
وضيء الضنين اليوم مطفي سراجه

تكفى تقله الوفا يبقى كما التاج
وكسر الخواطر مثل كسر الزجاجه

وهجر الحبايب والجفا ماله علاج
وجرح الخوي بالجفا وش هو علاجه

قله يعجل بالوصل .. ويفيض هداج
تعبت في مخاوا المساء لين امبلاجه

ساعات اقول انساه ولاني بمحتاج
وساعات افز على ضحكة حجاجه

أشل جوالي وفي يدي رعشة احراج
وادق محتاج والله يلعن ابو الحاجه

عليه يدفعني من لاهب الشوق افواج
واليه يعرج بصدري من الود افواجه

في احتياجي له الليل مسرا ومعراج
والغضي مرتاح والليل مابه ولا حاجه

:
:
رسيم القاف
علي قيسي
25-10-2010