طفولة عضو / هـ

[سيدة البحر]

​

نختار عضو / هـ​

نتساءل نحن والذكريات دوما عن سرٍ ..!!
هل كنا أطفالا نلعب / نضحك / ونلهو ...؟؟
أم كنا طيورا .. فوق الشمس نحلق /نُغني /ونطير ..؟؟
هل كانت أيامنا أسراب حمام وهديل ..؟!
أم كانت أوهاما .. وسرابٍ في الأرض يسيل ؟!
يسكننا فرحٌ وحب كثير
يجهلنا حزنٌ وهم كثير
نجري كالنهر ونرقص كنسمات عليل !!​

تلكـ هي الطفولهـ
تحمل الكثير من المواقف والذكريات
ويخالطها الحزن تاره والفرح تارة أخرى ​

ولكـن ؟؟
تبقى الذكريات هي سيدة الموقفـ ؟؟​

..!!..!!..!!..!!..!!..​

الاسئلهـ ​

نشيد كنت تحبه أيامم الطفوله ؟؟
::::
شخصيه كرتونيه كنت تحبها ؟؟
::::
كيف كنت ايام طفولتك شيطاني ولامؤدب ؟؟
::::
ماهي الموقف اللي عرضت فيها اهلك للاحراج؟؟
::::
هل كنت شخص ذو شخصيه قويه أم مغلوب عليه ؟؟
::::
موقف حصل في طفولتك كان له دور في تغيير مجرى حياتك؟؟
::::
اكبر عيديه جمعتها كم ؟؟ ومن مين ؟؟
::::
يوم كنتي صغيره تسوين جدايل والا كاريه ؟؟ (( للبنات فقط ))<< لاوالله؟؟​

(( للأولاد )) يوم كنت صغير هل شعرك تحلقه قريب للقرعه والا تطوله ؟؟
::::
يوم كنت طفل تلعب بكمبيوتر العائله ؟؟
::::
يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟ (( للبنات فقط ))
::::
من كـان يدلعك أكثر أبوكِ او أمك ؟؟
::::
اســم دلعك بالطفوله لحد الان ينادونك فيـه ؟؟ وماهو ؟؟
::::
بطفولتك كنت تبكي إذا ماجلست بالاول بالطابور اوالفصل ؟؟
::::
عندك لعبه موجوده من صغرك إلى الآلآن ؟ وماهي ؟؟
::::
وش اكـثـر حلاوة كنـت تحـبها ..؟
::::
وش اسم اول مـدرسه درستك ..؟
::::
هـل كـنت تـعانـي مـن اخـطاء فـي مخـارج الحـروف ..؟ ​

اعجني ونقلته لتنشيط المنتدى والاعضاء وكسر الروتين ​

وسلااااامتكم​

الحين انا بختار عضو يجاوب اول شي على هالاسئلة ويجلس 3 ايام أسألوه ونشفوه تنشيف وبعدين هو يختار عضو بعده​

اختاااااااااااار​

اممممممم​

اممممممم​

8​

8​

8​

8​

8​

8 ​

[glint]

رسيم القاف​

[/glint]

 

[@ رسيم القاف @]

يالـ ســـ ع ـــآدتي هذا المساء .

فمن لهـ كشموخي حين أدعى لـ لإرتشاف رحيق البراءهـ ..

سأعــــود حتـــ م ــآً ..!

 

[شذى الورد]

سيده البحر

موضوع يعجز لساني عن وصفه فايام الطفولة والبراءه رائعه بكل

مافيها من شقاوه وطيش بري

بانتظار رسيمووو لتنشيفه<<<الله يعينك دائمآ انت بوجه المدفع خخخخخخ

يعطيك العافيه

لك خالص احترامي ووافر ودي

 

[عواطف]

يعطيكـ العافية سيدة البح ـــر على موضوعكـ المميز ..
مشكـورة .
ينقل إلى القسم المناسب ..

 

[@ رسيم القاف @]

..!!..!!..!!..!!..!!..​

الاسئلهـ ​

نشيد كنت تحبه أيامم الطفوله ؟؟
::لا تخافي .. لا خافي .. نحن ابطال المطافي::​

شخصيه كرتونيه كنت تحبها ؟؟
: وداعاً مآركو) ,و, روبن هود ::

كيف كنت ايام طفولتك شيطاني ولامؤدب ؟؟
::مؤدب كثير:: بالإبتدائيهـ ماكنت أغادر طاولتي وكرسيي
لما صرت في المتوسط بداء العبط يزداد ,

ماهي الموقف اللي عرضت فيها اهلك للاحراج؟؟
::كتبت رسالة ورميتها على بنت الجيران::
وجاء أبوها يهاوش أبوي .. قام أبوي وطلعني لهـ
لما شآفني صغيرون مـآآآآت من كثير الضحك ...!

هل كنت شخص ذو شخصيه قويه أم مغلوب عليه ؟؟
::مغلوب عليهـ::وكل شييء أحلة بهدنه أو سلام

موقف حصل في طفولتك كان له دور في تغيير مجرى حياتك؟؟
::مواقف كثير .. عززت من ثقتي بنفسي::
إلى إن صرت قيادي في أغلب الأحوال ولله الحمد
بـ ع ـد أن كنت أحتاج المساعدهـ في أبسط الأشياء

اكبر عيديه جمعتها كم ؟؟ ومن مين ؟؟
::عيديه ؛؛<< يسمع فيها ::
سلمك الله عيديتنا زمان حلاااوو .. أو طراطيع .. فلوس مافي .

يوم كنتي صغيره تسوين جدايل والا كاريه ؟؟ (( للبنات فقط ))<< لاوالله؟؟
:: أفرقه موضهـ ::<< ياحظرة المدير هذا للبنات .. شوف غيرهـ

هل شعرك تحلقه قريب للقرعه والا تطوله ؟؟
::قريب للقرعه::

يوم كنت طفل تلعب بكمبيوتر العائله ؟؟
::إي الكابتن ماجد .. وسوبر ماريو ::

يوم كنتي تلبسين مريول المدرسه هل تحطين شباصات ميكي ماوس وشرايط بيض ؟؟ (( للبنات فقط ))
::::

من كـان يدلعك أكثر أبوكِ او أمك ؟؟
::إخواني دلعوني أكثر .. لا بوي ولا أموي .. الله يخليهم كلهم

اســم دلعك بالطفوله لحد الان ينادونك فيـه ؟؟ وماهو ؟؟
::قصدك عيارهـ .. دلع ماحد مدلعني :: << يسموني ( علي فتهـ )

بطفولتك كنت تبكي إذا ماجلست بالاول بالطابور اوالفصل ؟؟
::لا والله بصغري ما عندي ثقه بنفسي ::
درجة إني دائماً أخش وسط الطابور وما أضهر

عندك لعبه موجوده من صغرك إلى الآلآن ؟ وماهي ؟؟
::جزمة مشقوقة مرميها على السطح وعجزان أنزلها::
ما عندي ألعاب والله .. يادوب سيكل وراح قطع تشليح

وش اكـثـر حلاوة كنـت تحـبها ..؟
::<< تنهد و إبتسم ::
(( حلقوم )) مع القهوة العربية

وش اسم اول مـدرسه درستك ..؟
::إبتدائية اليرموك بالخرج::

هـل كـنت تـعانـي مـن اخـطاء فـي مخـارج الحـروف ..؟
:: إي حرف ( الراء ) هههههههه ​

مشكورة ألف شكر على إختيارك لي ... و أتوقع راحت 3 أيام << شرير هالولد ههه

يلا ... الدور على (( غربة مشاعر )) ... إخترتها .. وأبيها تجاوب على نفس الأسئلة ..

 

[سيدة البحر]

مشكووور رسيم

بس وين باااقي دوورك مانتهى راح تكون فرصه للاعضاء يسئلوونك اسئله

حتى ينشفووونك تنشيف <<<<< انا الي شريرة ههههههه

برب ورااااجعه بأسئله معتبرعه

 

[@ رسيم القاف @]

مأكو .. فكة .. :001:







:sad:أنا بإنتضارك ..

 

[شذى الورد]

نشيد كنت تحبه أيامم الطفوله ؟؟
::لا تخافي .. لا خافي .. نحن ابطال المطافي::<<<< رسيم مالقيت الا هالانشوده اموت انا <<وش دخلك هههه
اســم دلعك بالطفوله لحد الان ينادونك فيـه ؟؟ وماهو ؟؟
::قصدك عيارهـ .. دلع ماحد مدلعني :: << يسموني ( علي فتهـ ) والله انك صادقه ماعند البدو الا العياره هههههه

بس حلوه <<<<ناويه على شر

تعاااااااااااااااااااااال لاتروح ابي انشفك ابسالك سؤال واحد بس

هل .................... << تفكر

هل ضربت شخص ما وفتحت له راسه اعترف <<<< تقصد من عيال الحارره

 

[سيدة البحر]

باك ​

جيت رسيم وعندي مجموعة من الاسئلة المنشفة .. قصدي المحترمة هههههههه​

وطبعا راااح يكون لك مدة ثلاثة ايااام تجاااوب على الاسئلة المطروووحه من الاعضاااء ​

الله الله يالاعضاااء بالاسئاة الزيييينة <<<< مسوية دعااااية ههههههههه

​

والان الاسئلة ..​

* مدرس شرير عندكم ايام الطفوله ايش كان يدرس وصار لك موقف معاه ؟؟ :strongsad:​

* مواد تحبها ؟؟ ومواد ماتطيقها بعيشة الله ؟؟​

* ايش يعايرونك فيه وانت صغير ؟؟ ​

* وجبتك المفضله ايام الطفوله ؟؟ ​

* من هي حبيبة الطفولة ؟؟ :icon26::in_love: ههههههههههههه​

* ماعمرك طلعت تتمشى مع اهلك وضيعت .. إذا حصل ها الشي اذكر لنا القصة بالتفصيل ؟؟​

وبسسس هذا الي بجعبتي لك يمكن تطلع غيرها من الاسئلة :nosweat:​

في انتظااارك​

 

[عواطف]

هههههههههههههههههههه ياحرام ليش الإحراج //أموت على الحنية ..
هي علي فته :1:ههههههههههههههههههههههههههههههههههههههههههههه // تستهبلين يابنت تعايرين المدير:cf6755dedb: ..
أقول ودي بعد أنشفك وأعصرك عصر بس رحمة لكـ بعطيكـ راحة اليوم يكفيكـ ملاذ وسيدة البحــر
الوعد بكرة ..
أقول لحظة سؤال:ggg: ويش كتبت لبنت الجيران في الرسالة//عبيط وداهية أتريكـ:4: ههههههههههه.

 

[~غـٍفـوةَ ح ـٌلُــَم}~]

.






الصرآحه موضوع مآآآرهـ روووعه

تسلم يدينك سيدة البحر فكرهـ ولا آروع؛.,

ولي عودهـ ان شاء الله بكذا سؤآل لرسيم؛؛
بـــــــربـ








.

 

[@ رسيم القاف @]

(((هل ضربت شخص ما وفتحت له راسه اعترف <<<< تقصد من عيال الحارره ))))

(( ملاذ ))

في بنت غير اللي قلت عليها ...
وبالعلامه إسمها العنود << يا فديتها ..
هذي كلـه تحب تلعب عندنا ..
وعندها ولد عم لو جاء بيتهم ..
هي خلاص ما تطلع .. تقعد تلعب معه بالبيت .
أنا كنت أنتظر متى تجي هالبنت وتلعب مع .. إختي ..
إختي الأن صارت زوجت العضو (( لذيذ الهمس )) << قديم هالسالفه
ما علينا من طول الحكي .. المهم إنو طلع ولد عمها لشارع ..
وأكيد الولد سمع عني كلام كثير من بنت عمهـ وأخذ بخاطره مني ....
الولد سألني ( إنت جيزاني ))
رديت عليه (( إيه جيزاني .. تعال نلعب ألعاب جديده ..
رد .. ألعب مع جيزاني ؟؟ << قامت شياطيني ,,,
خذيت حصاء مسطحه كنها قطعت سراميك
وصيتكيته ما بين عنونه .. وطلع الدم ..
وهذيك أول جريمهـ ... أعملها ...
والحمدلله ماجت بعين الولد
واللي يدلعونه عبودي ..

​

​

 

[@ رسيم القاف @]

((سيدة البحر ))​

* مدرس شرير عندكم ايام الطفوله ايش كان يدرس وصار لك موقف معاه ؟؟ :strongsad:
أوووه .. جينا للمواجع ...
المدرس ... سرحان .. الله لا يوفقه ..
علموني عنه البزران إنو للحين يدرس بالإبتدائيه وبنفس الأسلوب الوقح
يجي لم الطالب .. ويضربه على ظهره .. براحة اليد .. حتى يلزق الطالب بالماصه ..
وبيني وبينكم .. أحيان البزر ما يتحمل يعملها على روحه << لا تقول هههههه
المعلم : ليش ما تبع زميلك يقراء .؟؟....الطالب: أتبع بعيوني أشوف وين واصل مو لازم أحط أصبعي
<<<<<< هذا الولد يبغى ينتقم بعد 17 عام من الحدث​

* مواد تحبها ؟؟ ومواد ماتطيقها بعيشة الله ؟؟
أحب الأناشيد زمان .. اللي يسمونه الحين ( الأدب ) بس متطور حبتين ..
وأكره الرياضايات ... وأدعي على فيثاغورس كثير . ​

* ايش يعايرونك فيه وانت صغير ؟؟
علي فتهـ <<< ياكرهي لهـ .. بشغل الباند اليوم .. ​

* وجبتك المفضله ايام الطفوله ؟؟
أيام الطفرة .. أو سنوات العجاف .. قبل ( التمدن والتطور )
كنت أحب (( صلصة الطماطم .. وجنبها قرص من العيش ))
وفجأه .. لما صرنا بالمدينه عرفت ( الكورن فلكس )​

* من هي حبيبة الطفولة ؟؟ :icon26::in_love: ههههههههههههه
حبيبت الطفوله .... بنت الخال ..
وحنو .. بنت الجيران المصريهـ < تلبس مناظر هههه
والعنود .. بنت الشيخ اللي يصلي بمسجد حارتنا
كثير .. والله ما ينعدون ..
عاطفي .. من صغري .. ينقال عني روميو الحاره .. هههههههههه​

* ماعمرك طلعت تتمشى مع اهلك وضيعت .. إذا حصل ها الشي اذكر لنا القصة بالتفصيل ؟؟
لا .. ما ضعـــت ...
صحيح أضيع الحذين وإنتي بكرامه والسامعين ..
ولكني شخصياً ما ضعت ..
ولله الحمد ​

 

[@ رسيم القاف @]

((يستاهل البرد من ضيع دفاهـ ))

أقول لحظة سؤال:ggg: ويش كتبت لبنت الجيران في الرسالة//عبيط وداهية أتريكـ:4: ههههههههههه.


كتبت لها أغنية عبدالله الرويشد (( أكيد أنا أحبك أكيد .. لا تروح بأفكارك بعيد ))
والعلامه طويت الورقه صغيرونه .. وعليها طابعات ورود وقلوب ماخذهم من دفتر الواجبات ..

 

[سيدة البحر]

عاطفي .. من صغري .. ينقال عني روميو الحاره .. هههههههههه


هههههههههههههههه خنطييير منذ نعومة اظاااافرك

وانا اقووول من وين جايب ها الشعر والاحاسيس الزيييينة

اجل اثاااريك روميوووو الحااارة ههههههههههههههههه


كنت أحب (( صلصة الطماطم .. وجنبها قرص من العيش ))


وه ياااربي نفسي فيهااا ذكرتني بالذي مضى ههههههههههههه

طيب وش رااايك تفتح مطعم بالشموخ وتوزع مجانا للاعضاااء ههههههههه

رسيم بما ان شخصية طفولتك فيها من طفووولتي برجع لك بأسئلة خنطيييييييرة

برب

 

[™ Ǎţ3Ьήê•Ĝļάķ ~]

معليش رسيمو على التاخير

بس كنت بسألك

ماهي الانشوده اللي كنت تقولها دائما ؟

 

[عواطف]

هههههههههههههههههههههههههه زين ما سويت فيه //ولد عم العنود ..
كيف يعنى ما يلعب مع الجوازنه ههههههههه ملسون هالولد..
علي فتهـ <<< ياكرهي لهـ .. بشغل الباند اليوم ..
:shutup:

حبيبت الطفوله .... بنت الخال ..
وحنو .. بنت الجيران المصريهـ < تلبس مناظر هههه
والعنود .. بنت الشيخ اللي يصلي بمسجد حارتنا
كثير .. والله ما ينعدون ..
عاطفي .. من صغري .. ينقال عني روميو الحاره .. هههههههههه

بل بل بل عليكـ :cf6755dedb:كل هذولا ياروميو زمانكـ ..
سؤالي أنا؟؟؟
من الي كنت تلجأ له لاحاشكـ كم باكور؟؟ علشان يفتككـ؟؟
لما كنت صغير كنت تعذب البساس //قطوهـ لغير الناطقين بلهجتي وتجننهم ولا لا؟؟
وبثـ بعود ترى ..:fr7an436:

 

[عجزتـ أنساكـ]

وااااااو يارسيمـ طفولة رائعه

البدلة المفضلة اللي كنت تحب تلبسها دوووومـ ؟

كنت تكتب على الكورة اللي تلعب فيها ؟؟

تتهاوش مع أخواتكـ البنات ؟؟

وبث رسيمو

 

[بقايا جروح]

اهااااااااا رسيموح الحين طلعت فزايحك يالدب ههههههههههه

طيب ابي اسالك سوال على الطــــــاااااااااااااااااير

بس ابيك كمان تجاوب عليه على الطاااااااااااااااااااااير ههههههههههههه

سؤالي لك يقول . << ركز معي


سؤالي يقول / ايش موقفك اول ما قابلت الحبيبه بعد الخطبه وكيف كانت شعورك ؟


شوف تراني ما خلصت اساله راجعلك يعني راجع بس ما حبيت اجمعها عليك مره وحده

هههههههههههههههههههههههه


سيدة البحر


مرسي مرسي على الموضوع والله روعه وراقي فعلا

انشالله يكتمل بتفاعل الجميع ويستمر على كل الاعضاء

<< بس مسكين رسيم اهو دايم يكون اول الضحايا

<< محكمة مشاكس . وهالموضوع وكثير قبل ههههههههههه


تعالو بقولكم اعلان جديد


بتعرفو ايش يقول

كل برسيم . تصير زي رسيم

<< شكله بيتكفخ هههههههههههههههههه

 

[@ رسيم القاف @]

(( غربة مشآعر )) .. سؤالك ..


ماهي الانشوده اللي كنت تقولها دائما ؟

إجاني هذا السؤال في الأسئلة الأولى ,

وإجابتي كانت (( لا تخافي .. لا تخافي . نحن أبطال المطافي ))

كمان في أغاني كنت أرددها (( أقول اللي يبي القمرهـ )) << راشد الماجد قديم .

راجع .. للأسألة المتبقية ..