تكبرت .. وتكبرت .. وتحديت .. وتحديتك ..!

[طبعي حنون]

مسائكم / صباحكم ورد

/
رحلت ومقصدي كله.. عشان انساك

نسيتك ؟ لاحشى واللي خلق راسي تناسيتك


تناسيتك نعم لكن بقت في داخلي ذكراك

بقى في داخلي زولك بقى في داخلي بيتك


ألا ياكيف أنا بآسلى ليالي غربتي واسلاك ؟

مدام اني ليا جيت لمرآية غرفتي جيتك


أشوفك في وسط عيني وأغمضها عشان امحاك

واشووفك داخل جفوني إذا غمّضت [ ضمّيتك ]


[أضمّك] واشتكي طيفك على طيفك بدون إدراك

وانا في غربتي ليتك تحس بحالتي ليتك


ورى عوج الضلوع ألقى بقايا ضحكتك والقاك

وأسافر لك وانا حيّك واسافر لك وانا ميتك


نقشت [أسمك] على عرق الخفوق اللي فقد يمناك

واذا مرّ النفس صدري تذكرتك وحيّيتك


شهور مرّت وانا قلبي يعيش بضيعته بحماك

بدون أسباب لاتسأل ليا منّي تمنيتك


أهذري بك واغني بك ( أنا اهواك أنا أهواك )

وأمرّك تايهٍ .. واذكرك لامني تعديتك


حبيبي طالبك تكفى سألتك بالذي سواك

وش اللي يمنع عيوني ليا جيتك وراعيتك ؟


تحاكمنا على الفرقى بدون اسباب يامقساك

تخالفنا .. تعدينا الحدود .. ورحت خليتك ..


كذا مامن سبب يشرح نهاية قصتي وياك

تكبرت .. وتكبرت .. وتحديت .. وتحديتك ..!


تفارقنا ودمعات [القهر] تخشع على فرقاك

وبلاي اني من دموع الوداع المرّ واسيتك


حبيبي والفضا كله مساحات وسما وافلاك

يضيق وغيبتك قشرا .. وانا جيتك وناجيتك


مدام ان الغياب اللي يداعب غربتي فتاك

أمانه لاتجاهلني .. وانا للوصل ناديتك


صحيح اني تجاهلتك وخليتك عشان [انساك]

ولكن والذي سوى عروقي .. بس تناسيتك


تناسيتك نعم لكن بقت في داخلي ذكراك

بقى في داخلي [حبك] .. بقى في داخلي بيتك

/
مما راق لي

 

[~غـٍفـوةَ ح ـٌلُــَم}~]

.

.



طبعي حنوون

تسلم يدينكـ يالغالي وصح لسآآن شآآعرهآ,,,

قصيدهـ روووعه,,,

بإنتظآر جديدكـ,,

ودي لكـ




.

.

 

[وَفْايَ اكْبرَ خَطْايَ|~]

تحاكمنا على الفرقى بدون اسباب يامقساك

تخالفنا .. تعدينا الحدود .. ورحت خليتك ..


كذا مامن سبب يشرح نهاية قصتي وياك

تكبرت .. وتكبرت .. وتحديت .. وتحديتك ..!





تسلم اخوي ع هالقصيده الرائعه
يعطيك العافيه ..

 

[بقايا جروح]

[align=center]صحيح اني تجاهلتك وخليتك عشان [انساك]

ولكن والذي سوى عروقي .. بس تناسيتك


تناسيتك نعم لكن بقت في داخلي ذكراك

بقى في داخلي [حبك] .. بقى في داخلي بيتك



طبعي حنون


سلمت يالغالي وسلمت ذائق احساسك

احييك اخي الكريم على احساسك ومشاعرك

دائما تحضى باختيار شاعري مميز ذو ذوقِ رفيع

قصيدتك جميله واستمتعة بقرائتها

عسى لاعدمنا احساسك ومشاعرك العذبه

لكي ودي وشكري


بقايااا[/align]