~غـٍفـوةَ ح ـٌلُــَم}~
المستشار
آلسـلآمــ عليكمــ ..
ح ـبيت آخذكـم معآي جولـه لمتآبعه مقتطفآت ..
و نبـذه صغيـره عـن آلشآعـر آلكبيـر / فهـد مسـآعـد ..
:: فهـــد مســآعــد ::
أسم لمـع واحتل مكانة مميـزه لما تتحلى به كتاباتـه من الصدق و الشفافيـه
لا تصنـع ولا مبالغـه و لا مجاملة فيها ..
نشعـر [ بعظيـم الحزن ] الذي استوطـن اعمـاقه من خلال نظرة بسيطة لعينيـه ..!!
و قراءة ما يخط قلمة بكل عفويه ..
تناسـب حروفه بلا استـأذن لــ داخلنا و تنقلنا من عالـم لأخر ..!!
قد يهطل المطـر المالـح من اعيننـا لعذوبة و كّم الشجـن اللي تبـوح به قصائده
و قد نحلق بعيدا ً من السعـادة اللي ترسمها قصـائده لنـا ..
:: حيـــآتـــه ::
ولد الشـاعر فهد المساعد عـام 1398هـ
في مدينـة الريـاض وعـاش أربع سنـوات من طفولتـه في الريـاض
لــ يعـود بعدهـا إلى مسقط رأسه مدينة الرمحيـة
ودرس فيهـا المرحـلة الابتدائيـة ، ثم تركهـا بعد
ذلك متوجهـاً إلى ( رمـاح )
لــ إكمـال دراستـه وفي ذلك العـام توفي والده رحمـه الـلـه ،
وأكمـل فهد 6 سنـوات في هذه القرية ليغـادرهـا
بعد انتهـاء المرحـلة الثـانوية ..
بدأ فهـد كتـابة الشعر وهو في سن الثـانية عشرة من
عمره وكـانت أول قصيدة كتبهـا هي قصيدة مرتبكـة
الوزن كـانت عبـارة عن اعتـذار لوالدته [ بسبب شمّها لرائحة الدخـان
في فهـد ، وكتب فهـد لهـا ليوضح أن الرائحة كـانت
بسبب صديقه المدّخن ]
أول قصيدة سليمـة كتبهـا الشـاعر كـانت : -
:: يـا صاحبي ::
ياصـاحـبـي بالله خـــل التـغـلـي
وقـت التغلـي والدلـع ذاك ولــى
ماعـاد معنـا وقـت تربـط واحلـي
دامه عـدو الحـب بالصـوت علّـى
خذها صريحه حط نفسك محلي
ادمح لك الـزلات قـدر وتغلـى ؟؟
ولـي حيـاة جـابـت الــذل ولــي
لابـو حيـاة صـرت فيـهـا تسـلـى
:: روآئـع آلشـآعــر ::
جـا يشـوف الحـال كيـفـه بـعـد مـاهـزه حنيـنـه
وقبل يسألني سألتـه : كيـف حالـك يالحبيـب ؟
قـال : انـا كـنـي غـريـب ضـيـع دروب المديـنـه
قلـت : انـا كنـي مدينـة تنتـظـر رجـعـة غـريـب
قال : اجل وش فيك تكره سيرة الحب وسنينه
قلت : أجل وش لون ما اكره سيرته دامك تغيب
انـت لا مـن غبـت حتـى مرايتـك صـارت حزينـه
كيف ما تبغاني أحزن وانت لي حـظ ونصيـب !؟
الـهـدايـا و الـرسـايـل و المـكـاتـيـب الثـمـيـنـه
والليالـي و القمـر و الـريـح و الـكـون الرحـيـب
كـل مـا تبعـد .. تجيـب الشعـر ليـه مـن يدينـه
و تقعـد جـروحـي تــودي فالطـواريـق و تجـيـب
يــا بـعـد كــل القصـيـد و نــزوة حــداه و انيـنـه
لا ذكرتك لاح بيـت .. و طـاح ورد .. و فـاح طيـب
و ان نسيتك ما نساني صوتك المبحـوح لينـه..
.. ياخـذ لجرحـي بثـاره مـن خطـايـاك و يطـيـب
و بعـد هـذا جـاي ترمـي ذنبـك بوجـه المديـنـه
مــا دريــت ان المديـنـه كلـهـا شمـعـة غـريـب
قبـل اسافـر كنـت جالـس فـي زمـان الأنتظـار
ارتشـف هـم المكـان .. و كـل همـي حاجتيـن
كنت خايف من يباس .. و كنت خايف من خضار
كنت اخاف انك تجيـن و كنـت خايـف مـا تجيـن
ليـن شفتـك مــن ورا بيـبـان صــالات المـطـار
مقبله من كثر شوقك .. كنت اشوفـك تركضيـن
مــرةٍٍ ركـضـك يمـيـن و نـظـرة عيـونـك يـســار
و مـرةٍٍ ركضـك يـسـار و نـظـرة عيـونـك يمـيـن
تايهـة .. مـا كنـك الا ضحـكـةٍ وســط انكـسـار
ساكـتـه .. مـاكـنـك الا دمـعــةٍ فـيـهـا حـنـيـن
خايفة .. وجلة .. حزينة .. يعني كنتي بأختصـار
تشرحين لكل جاهل معنى كلمة ( عاشقيـن )
بـعـدهـا جـيـتـك ولـــدّت عـيـنـك و دار الـحــوار
مـن كفوفـي دمعتيـن و مـن كفوفـك دمعتـيـن
كنـت اصـد و كنتـي انتـي ثايـره مثـل الـشـرار
ماعلى لتغة لسانك غير كلمة ( وين .. وين ؟ )
واذكـر انـي رحـت قبـل ابـدي لـك ايّـة اعـتـذار..!!
رحت حتى قبـل اطيّـب خاطـرك فـي كلمتيـن
لكـن انتـي عارفتنـي زيـن والـلـي صــار صــار
سامحيـنـي واذكريـنـي قــدّ ماانـتـي تـقـدريـن
اذكرينـي لاانتهـت للشمـس رحلـه مــع نـهـار
واذكريـنـي لاصـحـى للـصـبـح ورد الياسـمـيـن
واذكرينـي لا لمحتـي فــي ليـالـي الـبـرد نــار
واذكرينـي لا سمعتـي للمـطـر صــوت ٍ حـزيـن
اذكريـنـي واذكـريـنـي واذكـريـنـي .. بأخـتـصـار
..اذكري فهـد المساعـد قـدّ ماانتـي تقدريـن !
يـا رفـيـف الـمـاء .. وفـجـر العـيـد .. وأحــزان المـوانـي
يـا أكـثـر أهــل الأرض طيـبـة قـلـب .. وأســرار دفيـنـه
المـكـان الـلـي هـنـا .. مـلـيـان ضـحـكـات ، وأغـانــي
والـكـلام الـلـي بغـيـت أقــول .. يحـتـاج ل سكيـنـه !
شوفـي الركـن البعـيـد هـنـاك .. كـنـه صــدر حـانـي
هــذا هــو الـلـي يلـيـق بــ شـاعــر وبـنــت حـزيـنـه!
أنـســي الـشــارع ، وعـتـمـات الــزوايــا ، والـمـبـانـي
هـاتــي يـديـنـك نـلــف الـغـيـم ونـشـكــل مـديـنــه !!
عـنـدي الليـلـة كـــلام وصـمــت .. وأخـــاف الـثـوانـي
تظلمـه .. أو تظلـم الـلـي فـيـه كــم ضـاعـت سنيـنـه
بـس لازم تسـمـعـيـن الــلــي أبــــي ولا تــرانــي
لو بــ أعيده لـك .. نسيـت .. ورحـت أقـول اللـي تبينـه
شـي واحـد قبـل مـا أبـدأ .. مـا أبـي أي شـي ثانـي
يخطـر ف بالـك .. وأنـا أكشـف لـك شعـور تجهليـنـه !
إن أنــا .. وبـكـل مــا تحمـلـه "أحـبـك" مــن مـعـانـي
كنت،وراح أبقى أحبك .. لين .. مدري وش هـو لينـه !!
بــس والله مـاقـدرت أنـسـى .. ولا هـمـي نـسـانـي
لا ذكــرت إنـســان .. فـيــه أســـرار مابـيـنـك وبـيـنـه
كـــل مـــا تـطــري عـلــي فـكــرة هـــواك الأولانـــي
أشـعــر إنـــي أنـطـعـن مـلـيـون مـــره مـــن يـديـنـه!
أشـعــر إن عـيـونـك .. الله مـــا خلـقـهـا إلا عـشـانــي
كيـف كانـت تبتسـم لــه ؟!.. قـولـي إنــك تخدعيـنـه !!
صــورة إنــه كــان يمـسـح دمـعـك .. تـزلــزل كـيـانـي
وكـيـف كــان يـلـم شـعـرك .. ويتبـعـثـر فـــي يمـيـنـه
حـتـى اسـمـك يــوم رحــت أدلله .. حـظـي رمـانـي..
بنفس الاسم اللي يقـول .. بذمتـك ماهـي غبينـه !؟
وكـنـي الـلـي .. كــل مــا أنـاديـك بـالاسـم الـفـلانـي
أطـلـب النسـيـان .. يـتـرك مـنــه شـــي تذكـريـنـه !!
لا تظـنـيـنـي أنــانــي .. لا .. أنــــا مـانــيــب أنــانـــي
لو سلمت من الغـرق .. بـأمـوت فـي ظهـر السفينـه!
يـا إنـي مـا أكمـل وأعـانـي .. أو أكـمـل ثــم أعـانـي..
كل ما اسمع طاري اسمه .. أو تجي عيني في عينه!
أيـنـا كــان الضحـيـه ؟.. وأيـنـا الـلـي كـــان جـانــي ؟
مــــدري !.. ولــكــن قــــراري لازم إنــــك تقبـلـيـنـه:
مـثـل مــا أكــره فـكـرة إنـــه واحـــدٍ يـاخــذ مـكـانـي
ما أقدر أجلـس فـي مكـان إنسـان.. كنتـي تعشقينه ..!!
من بغـى الفرقـا لقـى لـه عـذر واسبـاب ودليـل
خـل عـنـك الـعـذر والاسـبـاب دام الـحـب ضــاع
كان ودك بالفراق .. ابشر عسـى عمـرك طويـل
لاتــردد وانــت لــك كـلـمـه ولـــك امـــر ٍ مـطــاع
لـي عليـك انّـك تبّـت بكلـمـة ٍ تشـفـي الغلـيـل
ولـك علـيّ انـي لأوّقـف وقـفـة الـرجـل الشـجـاع
لاتجاملني مخافـة ( قـال ) مـدري خـوف ( قيـل )
عمـر ( هـرج النـاس ) مايسمـن ولايغنـي جيـاع
كان قصدك ( سر حبك ) .. اوعدك لأصبـح بخيـل
واحمل اسرارك معـي للمـوووت قـدر المستطـاع
بس قلها .. قل ما احبك .. وابشر بصبرٍ جميـل
لاتحسـب أنـي مثـل مـن طبعهـم لـوي الـذراع !
صاحـبـك مـاهـو كــذا يـاصـاحـب الـقــد النـحـيـل
صاحـبـك طبـعـه غـريـب وغربـتـه غـربــه طـبــاع
فـي الهـوى مايقبـل الـحـل الـوسـط ولا القلـيـل
مثـل ماهـو لاشـرى يشـري .. ليـامـن بــاع بــاع
ثابـتٍ لـو هـي تمـيـل الارض حــدره .. مايمـيـل
يــدري ان الفـقـر مـاهـو عـيــب والـدنـيـا مـتــاع
ماعشـق لـذّة حياتـه كـثـر عـشـق المستحـيـل
ولا كــره حـتـى مـمـاتـه كـثــر كـــره الأنـصـيـاع
كـم تعلّـم مـن شديـد البـدو وش معنـى الرحيـل
وكم تعلّم من غروب الشمس وش معنى الـوداع
وكم تعلّم من سحاب الصيف وش معنى الحصيل
وكـم تعلّـم مـن ليـال البـرد وش معنـى الضـيـاع
ايه انا هذا طريقي ( موحش .. وصعب .. وطويل )
وانـت لامـنـك تعـبـت .. العـالـم فجـوجـه وســاع
اعتبـرنـي فــي بـدايــة سـكّـتـك عـابــر سـبـيـل
و رح وانـا قلبـي معـك مـن ويـن وجّهـت الشـراع
يكفي اني لاانذكرت في سالفة عشّـاق .. قيـل
:عاشـر احبابـه شجـاع .. وفـارق احبابـه شـجـاع
ياصغير السن قدرك طاحت ابراجه
الجرح خل الصخر ينطق ونطقني
خلاص ماعااد تعني لي ولاحاجه
رح جعل ربي يوفقك ويوفقني
من بعد ماكنت نور العمر وسراجه
اليوم صرت الظلام اللي يطوقني
عطيتك اكثر من اللي كنت تحتاجه
اسرفت في الحب لين الحب وهقني
خلاص مالي ومال الحب وازعاجه
مالي ومال الدروب اللي تضايقني
تعبت اضم البحر واهدي امواجه
تعبت اجامل واشوف الوقت يسرقني
شكواي للي عليه الضيق وافراجه
اللي اذا شاء يرحمني و يرزقني
اما انت يا بو جبين معقد حجاجه
لاعاد تسألني علامك منت طايقني
الناس كل على دربه ومن هاجه
وانا عن الناس مابه يشي يفرقني
الا اني احب الصدق واواجه
مخلوق والله على هالوضع خالقني
حتى رفيقي ضماد القلب وعلاجه
على كثر ماتمسكت فيه صدقني
لو ادري انه مرافقني على حاجه
لا امسكه حاجته واقول فارقني
:
:
يتبـع ..
