جـــودي
مشرفة قسم
وقت الوداع قلت صبرك ثواني
خلك بحضني هالثواني الاخيره
والله قلبي من فراقك بيعاني
والعين تشكي من دموع غزيره
خطت دموعي فوق خدي معاني
في وسط قلبي هالمعاني اسيره
القلب صندوق لحزن ملاني
مزحوم من حمل المهموم الكبيره
حتى ضلوعي من همومي شكاني
قالت انا منها ضلوع كسيره
والقلب لاحزان خصب المكاني
يسقيه وابل من دموع حسيره
وشوك الحزن للقلب نبت غزاني
ينغز بقلبي كل نغزه عسيره
يازين لا غمضت طيفك لفاني
وقامت تخالجني ذكرى مريره
عقبك حبيبي كل شيء جفاني
حتى القلم يجفى البيوت اليسيره
وحتى قصيدي لا زهمته عصاني
يقول ببعد عن دموع كثيره
قالت حبيبي لاتذكر تراني
من كثر دمعي حال عيني ضريره
والهم بعدك فوق جسمي كساني
وصار الحزن بعدك زاد و ذخيره
والله ياعالم خافي المحاني
تجعل هموم القلب دايم يسيره
وسلامتكم
م ن ق و ل لعيونكم
جودي
