تعالـي ننهـي الماضـي ... ويكفينـا نكـون اخـوان

[طبعي حنون]

بسم الله الرحمن الرحيم

اتمنى تقرون هالقصيده صحيح طويله بس اقروها بتمعن تجدون انهاا قريبه من القلب


وتاليهـا مـع قلبـك؟ انـا ناقـص وجـع وجــدان!!
دخيلـك فضـي السيـره... تعبـت انـزف معانـاتـي

تعالـي ننهـي الماضـي ... ويكفينـا نكـون اخـوان
ابطوي صفحة العاشـق... واعيـد احسـب حساباتـي

انا المذنب وانا المخطي وانا الاااااسـف وانـا الغلطـان
ويا ليتك يا الزمن ترجـع ... واكفـر عـن خطيئاتـي

وانا الجاني وانا المجـرم وانـا الغـادر وانـا الخـوان
وانـا اكبـر غبـي شافـك حديقـه فـي مساحـاتـي

ما عاد اقوى علـى الظلمـه ولا اقـدر علـى الكتمـان
احـس انـك خنقتينـي !! وجـت ساعـة نهايـاتـي

يا وجه الله يا وجه الله .... يا وجه الله بشر!! انسان!!
على بالك حجر جامد ؟؟ ...... اجل وشهـي كتاباتـي؟

نسيتـي ساعـة اللقيـا ؟ نسيتـي لمـة الاحـضـان!
نسيتـي وشكثـر كنتـي ... تموتـي فـي لقاءاتـي !


نسيتي دفتـر اشعـاري... نسيتـي اعـذب القيفـان !
نسيتي كـل قلـم يكتـب ... قصايـد مـن عذاباتـي !

نسيتي من رفع قدرك ... وخلـى لـك مكـان وشـان !
وعزيتـك وعليتـك .... عـلـى كــل الاميـراتـي !

نسيتـي ذلـك البرقـع؟ نسيتـي ذلــك الفسـتـان؟
نسيتـي ذلـك الخاتـم .... نسيتـي كـل هديـاتـي!!

نسيتي من عجف شعـرك... جدايـل كنهـا شرطـان !
وزينتـك وبخرتـك وقلـت امــرك يــا مـولاتـي

نسيتي من ربط خصرك... وهـو عينـه علـى الرمـان
ومـدن صـدرك تنادينـي ... تبـي اعلـن فتوحاتـي

ولـولا خوفـي الخالـق ... حبيبـي ربـي الرحـمـن
لكنـت بساعتـي هـذي اعـض اصـبـع حماقـاتـي

تغيرتـي ولاعدتـي ... مثـل اول زهــر عطـشـان
وحنانـي للأسـف كنـه ... بقايـا مــن خرافـاتـي

تكبرتـي وتجبرتـي ... وصـارت شوفتـك سلـطـان
وانا اهبل على النيـه ... مـا غيـر ارسـل جواباتـي

اقـول بخاطـري يمكـن ... تغيـر عندهـا العـنـوان
يا شيخ اسكت متى تفهـم! صحيـح انـي وهـم ذاتـي

حسبتك منـي وفينـي ... واهمـك لـو اجـي فرحـان
ولكـن شفتـك بعيـنـي ... تصـديـن ابتسامـاتـي

حسبتـك تفتحـي قلبـك ... اذا كـان الوجـد زعـلان
ولكن مـا كـذب خـدي ... وهـو يشهـد بكاءاتـي !

فراقـك اصبـح الغايـه ... ولانـي عالهجـر ندمـان
قـراري بالبعـد عنـك ... تـرى اسـهـل قـراراتـي

وداع الـذل يـا ذلـي ... وداع الـمـوت والأكـفـان
عطيتـك قلبـي وروحـي ... ولا صنـتـي امانـاتـي

وش الحيلـه اذا فكـر... قتيلـك يهـجـر الأوطــان
طلبتـك زيـدي الطعنـه ... ابـي اشعـر بنوبـاتـي

وعلى شانـي اذا باقـي ... بداخـل حضرتـك ايمـان
ابيهـا مـن ورى ظهـري .... وانـا اتلـو صلاواتـي

وخنجر طعنتك يصرخ ... ضحيـه مـن بنـي قحطـان
وانا اخـر حكـي عنـدي ... فمـان الله يـا طعناتـي

يا من تقدر تعوضني ... عن الضيقـه وعـن الاحـزان
بشـرط انـي انـا الكوكـب وهـي ابعـد مجـراتـي

يا من تقدر تخلينـي .... كبيـر اعظـم ملـوك الجـان
لجـل يصعـب تحضرنـي ... قبـل تطلـب قريناتـي

سجى مولخ شرو سادو ... وزنديـب الجـدي طوسـان
طلاسم وحدهـا تعـرف.... نسيمـي مـن عجاجاتـي

سمعتوا من قبل عنها ... سمعتـوا معشـر النسـوان؟
بعيـده للأسـف عنكـم ... مثـل قلـبـي ودقـاتـي

نبيله..ساميه..عليا.. فضيلـه ..سوسـن ... وأشجـان
اسامـي تحيـي الميـت ... ولكـن اهلهـا امـواتـي

يجوني في صور شتـا .... ومعظمهـا صـور غربـان
وانا عذري مثل ماهـو .... صديقاتـي ... صديقاتـي

خلاص بذمتي والله ... ما عـاد ارجـع الـى الادمـان
عرفت ان الغـدر انثـى ..... وانـا اجمـع علاماتـي

صفر طيبي.. صفر صدقي ... صفر حتى مع الاحسـان
صفر شعـري .... وأقلامـي ... وممحاتـي ومبراتـي

صفر ليلي... صفر ويلي .. صفر خافق نطـر سهـران
صفر دمعي ... صفر شمعي ... صفر بوحـي ونبراتـي

صفر شوقي.. صفر عشقي ... صفر مغرم.. صفر ولهان
صفر وجدي .. صفر شهدي .. صفر نوحـي وزفراتـي

بعد كل العمـر هـذا ... عرفـت انـي انـا الكسـلان
حسافـه جتنـي متـاخـر ... مـراحـل اكتشافـاتـي

لكـن مـا اقـول الا ... خـذوا خالـد بعـد قـربـان
حقيقـه مالهـا معنـى .... اسولـف عـن حكاياتـي

فمـان الله ... فمـان الله ... فمـان الله انـا ذبــلان
وحسافـه تنوجـد عـذرا تشـوف احـرف معانـاتـي

قصيـدي لا تواخذنـي ... مسيـري ابعـد الشيـطـان
يكفـي اذكـر اسـم الله ... وجنـب عـن تفاهـاتـي


م/ن

 

[~غـٍفـوةَ ح ـٌلُــَم}~]

طبعي حنوون


صح لسان شاعرهاا وتسلم يدينكـ على النقل الرآآآآآئع

لا حرمنآآآكـ


ودي لكـ

 

[رحيل]

[align=right]صح لسااان قايلها ..

وتسلم على هالنقل المميز ..

ود [/align]

 

[عواطف]

صح لسانكـ طبعي ولسان من قالها.

الله يعطيكـ العافية على منقولكـ الرائع.

مشكور.

 

[بقايا جروح]

[align=center]فراقـك اصبـح الغايـه ... ولانـي عالهجـر ندمـان
قـراري بالبعـد عنـك ... تـرى اسـهـل قـراراتـي

وداع الـذل يـا ذلـي ... وداع الـمـوت والأكـفـان
عطيتـك قلبـي وروحـي ... ولا صنـتـي امانـاتـي



طبعي حنون


قصيدتك جميلة كجمالك اخوي طبعي جميلة قصيدتك في معانيها وجمال قوافيها ووزنها .

لا انكر اني استمتعت بما قرات وتلذذت بكل كلمه وكل حرف قراته هنا .

وصف رائع رغم الوم والعتاب والحزن والم ولكنها جميله بصورها وروعت احساسها

صح لسانك اخوي ولسان الشاعر الكبير صاحب القصيدة الرائعة

الف شكرا لك ولذوق احساسك وهمس مشاعرك بوسط هذه القصيده التي اخترتها

اهنيك اخوي على احساسك ومشاعرك المرهفة . واهني نفسي انا ايضا بتواجدي هنا .

عسى لا عدمنا احساسك ومشاعرك الشجية


تقبل مروري وتواضع حضوري


دمت بود


بقاياا[/align]

 

[طبعي حنون]

مشـاكــس ,,, رحــيل ,,, يســتاهل البرد ,,, بقــايا

اسعدني وجودكم

اطلالكتم تنير متصفحي

لكم مني كل الشكر والتقدير على حضوركم الرائع والجميل

دمتم بود

 

[™ Ǎţ3Ьήê•Ĝļάķ ~]

[align=center]
طبعي حنون

قصيدتك رائعه وكلمااااااااااااتك اروع يسلموا[/align]