أول تعليق من شيرين عبد الوهاب بعد سقوطها على خشبة المسرح

[انين الصمت]

أعربت الفنانة شيرين عبد الوهاب، عن سعادتها الشديدة لنجاح حفلتها بدبي، كما علقت على سقوطها على خشبة المسرح.

وقالت الفنانة شيرين عبد الوهاب، بعد سقوطها على المسرح، خلال مؤتمر صحفي، إنها اعتادت على هذا النوع من الإصابات، وسيتم نشر فيديوهات سقوطها على مواقع التواصل الاجتماعي على الفور، أو إنه تم نشرها بالفعل بالتصوير البطيء، وإنها ستذهب إلى المستشفى من أجل الاطمئنان، مضيفة: «إحنا واخدين على الإصابات، في ناس هتجودها على السوشيال ميديا، وهتعملها سلو موشن، وهطمن على نفسي في المستشفى دلوقتي».

تحدثت شيرين عبد الوهاب عن اختفائها الفترة الأخيرة، قائلة: «أنا دوبلير قدامك دلوقتي، أوعد الجمهور بالاستمرار على ده وفي فنانين مسابتنيش أبدًا، وناس كتير جدًا أثروني باحترامهم ليا، الأستاذ عبد المجيد عبد الله، وأحلام، والعديد من الفنانين، ربنا يخليهملي، ويخليهم نجوم ساطعين».

تعثرت شيرين عبد الوهاب على خشبة مسرح كوكاكولا أرينا بدبي، أثناء إحيائها لحفلًا جماهيريًا، وبعد سقوطها وجهت رسالة قوية للمنظمين، إذ قالت: « بصوا رجلي ازرقت إزاي، هرفع قضية، اكتب كده هرفع قضية، لإن اللي بيحصل مع الفنان ده قلة ذوق والله العظيم حرام، شوف اللي صار مع عبد الله، بعدين ليا تصرف تاني، شيرين رجعت تاني، هطلب تعويض كبير، يالا خلينا نأمن مستقبل العيال».

وأردفت شيرين عبد الوهاب بعد سقوطها على الفور بسبب السماعات: «شوفوا والله.. بجد شوفوا كل فنان حصل معاه موقف زي ده بسبب السماعات ديه، المفروض تتدفن في المسرح عشان المطرب ميقعش، ولكن للأسف المنظمين عمرهم ما بيتعلموا، لكن عادي ما يقع إلا الشاطر، بجد حاجة صعبة، ودلوقتي بكرة على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا».

قد يهمك أيضــــــــــــــــًا :

أول تصريح من شيرين عبد الوهاب قبل حفل دبي​

شيرين عبدالوهاب تُبرر غيابها الطويل بسبب معاناتها من أزمة نفسية كبيرة​