انين الصمت
مراقبة عام
كشف الفنان أحمد السقا عن أسباب ظهوره بملامح مرهَقة خلال مشاركته في مسلسل “حرب” وقبلها في مسلسل “الكبير أوي”.
وقال السقا خلال حواره مع المذيعة فاطمة مصطفى في برنامج “الراديو بيضحك ليه”: “بالنسبة لشكلي المرهق في المسلسل كان لأني خسيت ونزلت وزني الفترة اللي فاتت؛ لأني كنت بآخد كورتيزون ولما وقفته بعناية الأطباء بقيت فرحان بشكلي في المسلسل”.
وأضاف: “وخدت قرار إني مش هشتغل دور الإرهابي بالشكل التقليدي اللي بيكشّر ويزعّق ويتكلم بلغة الدين ديماً أنا هعمله إنسان عادي وجاحد عشان يوصل للناس. أنا بشتغل مع فريق عمل قعدنا نشوف هنعمل فرق السن إزاي، والدقن اللي كنت بعملها في الأول كان تركيبها بياخد ساعة ونص لأنها بتترسم شعرة تلو الأخرى عشان تبان طبيعية، أما في ما يخص هدوء الشخصية لما تشوفوا النهاية هتعرفوا إن الراجل ده مش صاحب مبدأ ومش عايز أحرق الأحداث، واللي كان بيحرّكه حاجة تانية خالص”.
وعن شعوره بالخوف من تجسيد شخصية شرير عكس الانطباع الراسخ في أذهان الجمهور عنه، قال السقا: “بعد ما قعدنا ووافقت وطلبت التأجيل الكام يوم دول وكلّمت فراج ولعب دور جميل وساندني وبريقه منعكس عليّ، كل الناس كانت مستغربة إني وافقت، وكان هدفي إني اتكره؛ لأني لو اتحبيت وأنا إرهابي تبقى مصيبة سودا، الحمد لله ربنا وفقني في تحضير الشخصية مع فريق العمل ووصلنا لشكل خارجي كويس”.
واستطرد أحمد السقا قائلاً: “اشتغلت من طبقة صوت لحد دلوقتي تعباني… الطبقة عريضة… لحد دلوقتي باخد أدوية، وقولت مش هعمله بالشكل التقليدي وأجري على الله، والحمد لله لاقى استحسان الناس”.
قد يهمك أيضــــــــــــــــًا :
الفنان أحمد السقا يعود للمسرح بـ سيدتي الجميلة 6 ديسمبر
أحمد السقا يعلن عودته الى المسرح بـ"سيدتي الجميلة"