• عزيزي العضو

    إذا كنت تواجه مشكلة في تسجيل الدخول الى عضويتك فضلا قم بطلب تغيير كلمة المرور عبر (نسيت كلمة المرور) أو التواصل معنا عبر أيقونة التواصل في الأسفل او البريد [email protected] او من خلال المحادثات على الواتساب عبر الرابط التالي https://wa.link/bluuun او مسح الباركود في الصوره

    إدارة الموقع

كلمات سعوديه ومعانيها خخخخخخخخخ

جـــودي

مشرفة قسم
إنضم
17 يناير 2008
المشاركات
4,237
مستوى التفاعل
6
النقاط
38
العمر
39
الإقامة
بين يدي ربي
--------------------------------------------------------------------------------

كلمات عامية ..ومعانيها..

الدلخ :

وهذاا إنسان غبي جداااا.ويرفع الضغط ....وينرفز ....

واكثر من يعااني منه المدرسين ....واهله.


المنسم :

ذلك راجع إلى تهريب الهواء من رأسه و السبب

في ذلك هو أن في رأسه فتق لذلك تلقاه دايم يغطس رأسه

في سطل موية عشان يعرف من وين التنسيم .


المهوي :

هو مرحلة متأخرة من التنسيم و المهوي وصل لمرحلة متأخرة جدا

بحيث يفقد أهله الرجاء منه ...


الشخر المخر أو أبو مشخر ! :

من نفس فصيلة المنسم !


السلنتح :

قليل الأدب


جحلط ( بتشديد اللام ) :

وهم مرحلة متقدمة للسلنتح


مزّلب :

يعني بايعها بتراب !


مسفّح :

يعني طاير في العجّة وهو ما عنده ما عندي جدتي

يعني بالعربي الفصيح من جنب العارضة


الصتيمة :

وهو الشخص اللي ماعنده ماعند جدة جدتي ...!!...

ويصدق أي شيء يقال له


المسبة أو المسبوة :

هو الشخص اللي يكون مروع في صغره لدرجة أنه يصبح شبه فاقد للعقل ...


الفاهي :

هذا الله يخلف مهما تقول له أو تصارخ عليه تلقاه فاتح فمه و بس

و إذا كلف عمره و تفاعل معك رد عليك و قالك : هه ...


الحقنة :

هو الشخص الغثيث اللي ما يفكك لين تعطيه اللي يبيه منك

و مهما تسوي له عشان تصرفه عن الموضوع حقه ينشب في حلقك

لين يأخذ منك اللي يبيه , وهذا يفسر قول العرب : أغث من حقنة !!....


العلة :

هذا اللي ما تأخذ أنت منه أي شيء و لا عنده استعداد

انه يسمع منك مهما حاولت وهو كالمرض يعلك لين تنفقع مرارتك منه......


العربجي :

يظن معظم الناس أن العربجي هو الشخص الشديد

حق المشاكل و اللي ما يمشي إلا وهو مشخص ببنت البكار

( أسم لطريقة لبس الشماغ عند العرابجة )

و حاط مفاتيحه في سلسلة و لا بس نعال سجاديه و يسحبها تسحيب

لين جاء يمشي و دايم فاتح صدره و رازه على فوق

و كانك ولد أبوك قله شيء بس .

لكن في الآونه الأخيرة ظهرت إشاعات تقول

بأن العربجي هو اللي يسوق ال....(الله يعزكم)

لكن صرح مصدر موثوق من عائلة العرابجة

بأن هذه إشاعة مغرضة أطلقها عليهم أحد الخكاري...


الكحلي :

يطلق مسمى الكحلي على ذوي البشرة السمراء

و لأن ذوي البشرة البيضاء مساكين ما عندهم لقب احتجوا

عند الأمم المتحدة مطالبين باللون الفضي ....


المرجوج :

هذا ما عمره صلح شيء صح في حياته ما يمديك تفتح فمك

إلا و طار في العجة بدون ما يفهم وش السالفة

و الارتجاج الحاصل له يختلف تماما عن مشكلة المسبة أو المسبوة

حيث يكون الارتجاج هنا نتيجة صدمة و ليس نتيجة روعة .


المطفوق :

من فصيلة المرجوج ...

إلا أن مايميزه هو انه اذا مر من عند كاس أو جيك أو ابريق أو أي شيء

فيه سائل لازم يكبه ( أي يسكبه ) برجله وهو مايدري ،،

ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!!

أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....


السربوت :

هذا اللي ما يخلي مكان ما يروح له

و قد كان الأولين يطلقون لقب السربوت على من يشرب الدخان

لكن الحين الله يخلف الناس تدخن بيديها و رجليها و لحد يقول لهم شيء.


السمرمدي :

وهو من نفس فصيلة السربوت.


الداشر :

هذا قليل الأدب و لا يحب يماشي إلا السرابيت

و إذا قيل فلان دشر فلان أي خرب أخلاقه لكن في الأردن

الشقيق كلمه دشره تعني أتركه..


الملكع :

أما هذا فيعرف حتى السكني (اي الجن )

و مقطع السمكة و ذيلها و مهما تحاول تلف و تدور معه تراه

فاهم و عارف وش تبي بالضبط فلا تتعب نفسك .


زعّيط :

مسوي نفسه يفهم في كل شيء وهو من جنب العارضة.


المصرقع :

هو كل شخص ما يهمه شيء و اللي يطري على باله بيسويه

لأنه ماخذ الدعوة سعة صدر و هبال ...


المفلت :

هو كل شخص ما تقدر أنك تأمنه على شيء

لأنه مهوب تكانة و يتميز بكل أنواع الإهمال و التطنيش....


الخكري :

ببساطة الخكري = نعومة + دلع الله لايبلانا...



اللزقه:

هذا الشخص اللي على طول معك وقدامك ووراك وكل شي

وتطلع مع الباب تلقاه تركب في السياره تلقاه يطق القزازه وهاكذا.



الزنقّبي :

(بتسكين النون وضم القاف ) يعني العزوبي.



الصديع :

اي كلمه في راسه يطلعها ولا يتنباء بأفعاله سواء كانت صح ام خطء .


الجنط :

من فصيلت الدلخ.



المريوح:

هذا اللي نفسه شينه .


ايش ريكم بس كلمات روعة
منقول
 

مزاجك اليوم

[align=center]
الجنط :

من فصيلت الدلخ.

<< ذكرتيني بمدرس ايام الإبتدائي
كان كل ما يبي ينادي واحد على شان ينتب يقله يا جنط ههههههه


مشكورة جود موضوع رائع جدا

تسلم اديك

تم النقل إلى المنتدى المناسب

almaistru
هــــــــ hawiــــاوي
[/align]
 
<< ذكرتيني بمدرس ايام الإبتدائي
كان كل ما يبي ينادي واحد على شان ينتب يقله يا جنط ههههههه

هههههههههههههههههههههههاي

انا ماضحكني الا المصرقع والمطفوق مثل اختي الصغيره

لازم تكب شئ هههههههههههههههههههههه




مشكوره جودي على هالكلماات هههههههههههههه
 
يسلموو مايستروو على النقل
>> من طفاقتي ماانتبهت

خخخخخخخخخ

مايستروو - وفاي
دووم هالضحكات يارب
ودووم مروركم

لكم ودي
جودي
 
ايه من الصرقعه
ههههههههههههههههههههاي

اجل تنطبق عليك وحده من هالكلمات هههههه
 
جووودي هههههههههههههههههههه روووعة الموضوع علينا كلمات والله في السعودية تحفه

تصدقو إنو انا في ماليزيا طبعا في شباب عرب من دول تانية لمن نجلس نتكلم معاهم احيانا ننزل الكلمات حقتنا .... يقولو إنتو اهل السعودية من وين تجيبو الكلمات هذي كل لمن نحفظ وحدة تتطلعو وحده تانية هههههههههههههههههههه

بس ياعيني عليكِ يالسعودية فنانة ومبدعة بكل الاشكال ... وحشتيني مووووت وصلولها سلامي ياللي هناك :)

وتسلمي ياجودي

تقبلي تحياتي ،،شامخ،،
 
هلا شامخ
الله يسلمك وترجع سالم يارب
حياك و نورتنا
عساك شامخ دوووم يارب
واكيد انك وحشتها زي ماوحشتك
وعلى فكرة لهجة السعوديه اصعب لهجه ومفرداتها ماتخلص
خخخخخخخخخخ

وسلم على اصحابك و قولهم تموتوا وماتعرفوا لهجتنا
ههههههههههه

>> فديت السعوديه واهلها
 
جوودي مشكوور على الكلمااااااااااات


بس فيه يااخي كلمات جديده هههههههههههههههههههه


اول مره اسمع بها


على العموووم ثآنكــــــــــــس


وآحلى تحيــــــه
 
بس فيه يااخي كلمات جديده هههههههههههههههههههه

<< بققت عيونها

غلاي انا بنوته زي العسل

>> حطمتني خخخخخخخ

يسلموو على مرورك
و لا تطوول الغيبات

جودي
 
صح شموخه
حتى في كلمات اول مره اسمعها
بس لما سألت عرفت انها صح

يسلمووو عالمرور
جودي
 
أعلى