شموخ في زمن الانكسار
: لَـآيَهُمًنّــي
أما بعد
<- ضيعت المقدمات
من فتره حسيت بحنين غريب مع نفسي وحبيت أنزل موضوع بالمنتدى
وانا ادور واشوف هالمواضيع شدني موضوع اعجبني وقررت ان انزله لكم هنا لاني اشوفه كثيييير بحيآتي واكيد الكل مر بهالشي
عموما ًحبيت أنوّه أني قررت أصير ( مع نفسي ) بما أني وياها متفاهمين جدا و دايم
مع نفسناا .. وبما أنها الشخص الوحيد اللي حتى لو ذبيت عليها ونتفتها .. و نمت
وسحبت عليها .. ترجع تكلمني ولا كأن شي صار
طبعا ب غض النظر عن الصراعات الداخليه بيني وبينها .. لكن يعجبني الأنسجام
اللي بيننا !
حتى اني بديت أوطد علاقتي معي .. لأني أن رحت وأن جيت
مب لاقيه مثلني ..
التنويه عشان ماتستغربون مستقبلاً .. لا نزلت موضوع لنفسي ورديت عليني وقفلته
بعدي .. و عشان محد يتشره ليه أزلته من قائمه الصداقات وأضفت نفسي لحالي !
وليه أقيم نفسي بس !
ألا ع طاريه .. أوجه أحتجاج ل الإداره .. ليش الواحد مايقدر يقيّم نفسه ؟
من أبسط حقوقنا الشخصيه أننا نبدي رأينا لأنفسنا .. يعني عجبني ردي طيب
بأقيمني , ليه أنتظر تقييم ورأي الأخرين
ناقصني عقل وألا منطق وألا تحت السن القانوني ؟
( الحزن في أنفصام شخصيه مؤقت )
أيه أيه .. أنفصام شخصيه ليه مستغربين ؟ أساسا كل شخص فيكم مُعرض
أنه يكون منفصم شخصيا ب هالزمن .. كيف لأ ؟ و ( مع نفسك ) تتكرر على مسامعنا
كل يوم , حتى البزارين أبثرو أووم جونا فيها !
الصراحه أني أحترت أخذها ب معناها الحقيقي و أصير مع نفسي ؟ وألا بمعناها
المجازي يعني أقلب وجهي ؟ وبما أني أحبني ولا أحب أقلب وجهي .. ب أخذ المعنى
الأول وعليه صرت مع نفسي !
من المتسببين بذلك أخوي البثر العزيز .. أكبر مستهلك ل كلمة ( مع نفسك ) مع أنها
بعيد كل البُعد عن وجهه الأشهب .. ب العامي : أنسان ماهو مع نفسه أبد !
عادي جداً يجي يسولف معك بالغصب , وعادي وأنت تمشي ب سيب البيت
تلقاه جنبك يقلد مشيتك وحركاتك .. وعادي يجي يلاحقك و يسبب لك قلق نفسي
ب المغاط وهو يمططه بوجهك .. ياناس تقولون له وخر مايوخر ؟
أخوي هذا يخليكم بكل بساطه تعرفون أن العقول البشريه درجات .. وأن الشيب
مو شرط يطلع من كبر في السن ! ( فيس يعاني )
مع نفسك مُجرد أداه أستخدمتها عشان أوصل موضوعي ب طريقه أخرى
طبعا الكلمه هذي منتشره بيننا .. مع أنه شتان بينها وبين تصرفاتنا الفعليه !
يعني ينقال ( مع نفسك ) من هناا .. و يتدخلون الشعب ب خصوصياتك من هناا
طيب مع نفسكم يا أعزائي ؟
بيتك , لبسك , أكلك , دراستك .. تلقى عشرين ألف شخص قاط فيها .. لدرجة
من قو وساعة الوجه ب البعض أحياناً ودك تضيفهم ب كرت العايله .. عالأقل
تهون على نفسك أنت
كل شخص له خصوصيه و ب حياته خطوط حمراء محد له الحق يتعداها .. لكن ب مجتمعنا
عادي جدا تسمع فلانه بالمجلس تنتقد : أهل فلانه ليه يزوجونها ل واحد من برا العايله
و ولدكم صك الـ 30 وشوله ماتزوج
وليه مخلين بنتكم تدخل طب ؟
و ولدكم وشوله مسافر برا ؟ وشوله مايخطب فلانه ؟ <
البعض ماخذ الميانه أنه خلاص يمديك تتدخل و تحشر نفسك ب مواضيع مالك علاقه فيها
والنوع الأبشع منهم اللي يتدخل ب أسلوب ( أمر ) و يعيش جوه بالأنتقاد المُغلف ب صيغة أمر ونهي !
محد يقولهم ( مع نفسكم ) شوي ؟
نقاط أخيره :
1/ الخصوصيه ممكن تكون ب مفهومكم خصوصياتكم أنتم فقط , وممكن تكون ب مفهوم البعض
خصوصيته وأهله في آن واحد أي " العائله " .. ف كل شخص فيكم يوضح إلى أي مدى توصل خصوصية
حياته مع الاشخاص
2/ خط أحمر بالعريض < مو البرنامج ذاك لأ ؟ , خط ثاني أعرفه <-
3/ أكيد مريتو ب مثل هالنوعيات ب حياتكم .. أو أنهم موجودين دايم أساسا
ومدى تقبلكم بهالمواقف ؟ بالعاامي : أحد لسانه طويل مثلي ويذبها بالوجه " أحيانا " ؟
منقول
nesmiley1:لانها خاصة فينا واحنا احرار فيهااا وتدخلهم فيها لاينفعهم بشي ولايضرهم بشي والله اعلم بالنوايا