صدى عبرتها

[صعوط المجانين]

بسم الله الرحمن الرحيم

صدى عبرتها راعني باول الليل
وفكيت الازاريرثم اطلقت تنهيده
من صدى العبره غدا حالي عليل
وصرت انا وهمي قناص وطريده
يا صاحبي ياللي ترد المراسيل
وترد لي القاف على وزن القصيده
الملوح وعامريته شالو الهم شيل
لكن خلدو للحب قصه مجيده
باجتهد للقاك لو انهد لي حيل
والروح وحده مالي اخرى جديده
ولايهمونك هل القال والقيل
تراهم يا شوق اهل شر ومكيده
وشرعم مردود بليالين مقابيل
ومن الندم بيعض اطراف يده
و مباديي رفيعه ما بها تبديل
والموت اهون علي من النقيده
وشجاعتنا والظفر مالها تاويل
اطباعنا يا شوق ووروثن تليده
يا ذيب الفيافي يومك لي زميل
لا تشل بقلبك لليالي حقيده
حتى ولو كثرت عليك الغرابيل
مخلابك مكتوب قسمه وصيده
وحظوظنا بتعتدل لو كانت تميل
وربك بييسرها على ما نريده
والخوافي يبينها العزيز الجليل
وجعل مقابيل الليالي سعيده


وسلامتكم

واعذرونا على القصور

14/12/1431هـ

الساعه خمس وخمس دقايق

 

[rồ7 5ƠRдFϊa]

وحظوظنا بتعتدل لو كانت تميل
وربك بييسرها على ما نريده
والخوافي يبينها العزيز الجليل
وجعل مقابيل الليالي سعيده

الله يجعلها سعيده دوم أخوي..

ماشاء الله قصائد راائعه طال عمرك..

قبل شوي كنت بـ حقوق محفوظه ..والحين بهالقصيده ..


ما اقول غير صح لسانك و يامال العافيه..

تقبل مروري..

 

[اميرة الذوق]

عن جد روعهـ
تسلمووو

 

[عيونكـ آخر أماليـ]

صعوط

 

[همس الحنين]

 

[بقايا جروح]

صعوط ...~
صح لسآنك وتسلم يديمنك ع لابيآت الجميله
رآقت لي قصيدتك والصور ولاحآسيس المرسومه
لي تعليق بسيط جداً على هذي القآفيه ....
وشرعم مردود بليالين مقابيل
ومن الندم بيعض اطراف يده
في نظري غير مقصود نقص حرف ( إيده ) لجل تتوآفق الكلمه مع القآفيه
مشكور يالغالي على سطورك الجميله وبالفعل آنت شآعر ومميز
آعذرني على التعليق البسيط وآتمنالك التوفيق وإلى آلآمام ..

 

[صعوط المجانين]

اشكركم على المرور العطر

 

[@ رسيم القاف @]

[SIZE=+0]

شـآعر الشموخ

[/SIZE]​

هلابك والله يعطيك العافية
وصح لسـآنك عن كل شطر وبيت بالقصيدة
قصيدة وافيه من الوافي ولا خلا ولا عدم من جديدك
من يومين كنت في زيارة لجلس بقايا جروح ونسولف عن المنتدى
وطرينا السفر وغيابي عن المنتدى وقلة الشعراء الموجودين
وبقايا جروح وللأمانه مدح فيك والله وأعجب بقصيدك وكتاباتك
نـتمنى تكمل المشوار مع بقايا في هذا القسم وإنتم كفو
يا صاحبي ياللي ترد المراسيل
وترد لي القاف على وزن القصيده​

للأسف اليوم بالتحديد ماني صاحبك اللي يرد عليك القاف
لأني خلصت من كتابة قصيدة قبل ربع سآعه
وطفيت من حيث المشاعر والشعور
ولا فيني جهد مجاراة​

~​

سمعنا تبي تغير نك نيمك ..
أرسل لـ بقايا جروح الإسم وأبشر باللي يرضيك
أو أدخل موضوع طلبات تغيير الأسامي
http://mon.shomoo5.com/showthread.php?t=2611

​

​