الأرض لله..بديوي الوقداني

[rồ7 5ƠRдFϊa]

هذه القصيدة للشاعر الكبير بديوي الوقداني العتيبي ـــ رحمه الله ـــ ويقال أنها أفضل قصيدة نبطية​

أيامنـا والليالـي كـم نعاتبـهـا... شبنا وشابت وعفنا بعض الأحوالـي​

تاعد مواعيـد والجاهـل مكذبهـا... واللي عرف حدها من همهـا سالـي​

إن أقبلت يوم ما تصفـى مشاربهـا... تقفي وتقبل وما دامت علـى حالـي​

فـي كـل يـوم تورينـا عجايبهـا.... واليوم الأول تراه احسن من التالـي​

أيـام فـي غلبهـا وايـام نغلبهـا.... وايام فيهـا سـوا والدهـر ميالـي​

جربت الأيـام مثلـي مـن يجربهـا.... تجريب عاقـل وذاق المـر والحالـي​

نضحك مع الناس والدنيا نلاعبهـا.... نمشي مع الفي طوع حيث ما مالـى​

كم من علومٍ وكم آداب نكسبهـا.... والشعـر مـازون مثقـالٍ بمثقالـى​

اعرف حروف الهجاء بالرمز واكتبها.... عاقل ومجنون حاوى كل الاشكالـى​

لكن حظي ردي والـروح متعبهـا.... ما فادني حسن تاديبي مـع أمثالـي​

إن جيت ابي حاجةٍ عـزت مطالبهـا.... العفو ما واحدٍ في الناس يـا والـى​

قومٍ الـى جيتهـم رفـت شواربهـا.... بالضحك واقلوبها فيها الردا كالـى​

وقومٍ الى جيتها صكـت حواجبهـا.... وابد ت لي البغض في مقفاي واقبالي​

مـا كنـي إلا حــال مغضبـهـا.... والكل في عشرتـه ماكـر ودجالـي​

يا حيف تخفي أموراً كنت حاسبهـا.... واللي على بالهم كلـه علـى بالـي​

الجار جافـي وكـم قـومٍ محاربهـا.... والأهل وأصحابنا والدون والعالـي​

والروح ويش عذرها في ترك واجبها.... راح الحسب والنسب في جمع الأموالي​

نفسي تبى العز والحاجـات تغصبهـا.... ترمي بهـا بيـن أجاويـد وانذالـي​

المال يحـي رجـالاً لا حيـاة ابهـا.... كالسيل يحي الهشيم الدمـدم البالـي​

عفت المنازل وروحي يـوم اجنبهـا.... منها غنيمه وعنهـا البعـد أولا لـي​

لا خير في ديرةٍ يشقى العزيـز ابهـا.... يمشي مع الناس فـي هـمٍ وإذلالـي​

دارٍ بها الخـوف دومٍ مـا يغايبهـا.... والجوع فيها ومعها بعض الاحوالـي​

جوعى سراحينهـا شبعـى ثعالبهـا.... الكلب والهر يقـدم كـل ريبالـي​

عز الفتى راس ماله مـن مكاسبهـا.... يا مرتضي الهـون لا عـزٍّ ولا مالـي​

دللت بالروح لين ارخصت جانبهـا.... وانا عتيبي عريـب الجـد والخالـي​

قومٍ تدوس الافاعـي مـع عقاربهـا.... ولها عزايـم تهـد الشامـخ العالـي​

خل المنـازل وقـل للبيـن يندبهـا.... يبكي عليها بدمـع العيـن هطالـي​

لا تعمر الـدار والقـالات تخربهـا.... بيع الردي بالخساره واشتـر الغالـي​

ما ضاقت الأرض وانسدت مذاهبها.... فيها السعـه والمراجـل والتفتـالِ​

دارٍ بــدار وجـيـرانٍ نقاربـهـا.... وارضٍ بـأرض وأطـلالٍ بأطلالـي​

والناس اجانيب لين إنك تصاحبهـا.... تكون منهم كمـا قالـوا بالأمثالـي​

الأرض لله نمشـي فـي مناكبـهـا.... والله قـدر لنـا أرزاق وآجـالـي​

حـث المطايـا وشرِّقهـا وغرِّبهـا.... واقطع بها كـل فـجٍّ دارسٍ خالـي​

واطعن انحور الفيافـي فـي ترايبهـا.... وابعد عن الهم تمسي خالـي البالـي​

من كـل عمليـةٍ تقطـع براكبهـا.... فدافـد البيـد درهـامٍ وزرفالـي​

تبعدك عـن دار قـومٍ ودار تقربهـا.... واختر لنفسـك للمنـزال منزالـي​

لو متّ فـي ديـرةٍ قفـراً جوانبهـا.... فيها لوطى السباع الغبـس مدهالـي​

اخير مـن ديـرةٍ يجفـاك صاحبهـا.... كم ذا الجفـا والتجافـي والتعلالـي​

دوس المخاطر ولا تخشـى عواقبهـا.... الموت واحد وبعـد العـز يجلالـي​

إن المنايـا إذا مــدت مخالبـهـا.... تدركك لو كنت في جو السما العالي​

ما قرَّت الأسد فـي عالـي مراقبهـا.... تسعى على الرزق ما حنت للاشبالـي​

والشمس في برجها والغيم يحجبهـا.... تقفي وتقبل لها في العـرش مجدالـي​

رب السماوات يا محصي كواكبهـا.... يا مجري السفن في لجـات الأهوالـي​

ضاقت بنا الأرض واشتبت شبايبهـا.... والغيث محبوس يا معبود يـا والـي​

يا الله مـن مزنـةٍ هبـت هبايبهـا.... رعَّادها بات له في البحـر زلزالـي​

ريح العوالـي مـن المنشـا تجاذبهـا.... جذب الدلي من جباء مطوية الجالـي​

ديمومةٍ سبلـت وأرخـت ذوايبهـا.... وانهل منهـا غزيـر الوبـل همالـي​

تسقي ديارًا شديد الوقـت حاربهـا.... ما عاد فيها لبعـض النـاس منزالـي​

يا جاهـل اسمـع تماثيـلاً مرتبهـا.... فيها معاني جميـع القيـل والقالـي​

مثل المحابيـب زادت فـي قوالبهـا.... في صرفها زايده عن قرش واريالـي​

يا ربـي توبـه وروحـي لا تعذبهـا.... يوم القيامه إذا ما ضاقـت أعمالـي​

وازكى صلاةٍ على المختـار نوهبهـا.... شفيعنا يوم حشـرٍ فيـه الأهوالـي​

وللإستماع للأبيات التي أنشدها الشيخ / مشاري العفاسي​

[youtube]http://www.youtube.com/watch?v=ndIvqBX-PYE[/youtube]​

الكــ ح ــلآآويــهـ​

 

[بقايا جروح]

صح لسآن الشاعر بديوي الوقداني على القصيده واللحن والصوت الجميل
ولله روعه ومن اجمل الابيات اللي سمعتها وآجمل لالحان والشيلات .

كحيل .~
تسسلم يدينك ويسلم ذوقك العالي
راقيه بطرحك وجمال إحساسك العذب
مشكوره من قلبي وتستاهلي التقييم
كلك ذوق وإبداعك بكل جديد
تحياتي العطرهـ
بقـــآيا

 

[شذى الورد]

صح لسانه قصيده اكثر من رائعه

كحلاويه ابدعتي باختيارك المختلف والمميز

ماننحرم جديد يالغلا

 

[™ Ǎţ3Ьήê•Ĝļάķ ~]

صح لسان شاعرنا يالبى قلبه والله :icon26::icon26:

كحول ..~~

تسلمين على طرحك :40a02cc016:
​

 

[rồ7 5ƠRдFϊa]

بقايا جروح - شذى الورد - اتعبني غلاك..

نورتوا الموضوع والله..وصحت أبدانكم<~ ترد نيابتن عن الشاعر هههههه

تسلمون عالمرور..

 

[وَفْايَ اكْبرَ خَطْايَ|~]

إن أقبلت يوم ما تصفـى مشاربهـا... تقفي وتقبل وما دامت علـى حالـي




فـي كـل يـوم تورينـا عجايبهـا.... واليوم الأول تراه احسن من التالـي




أيـام فـي غلبهـا وايـام نغلبهـا.... وايام فيهـا سـوا والدهـر ميالـي




جربت الأيـام مثلـي مـن يجربهـا.... تجريب عاقـل وذاق المـر والحالـي







صح لسانه وتسلم يمينك ع النقل

شكرا ..​

 

[rồ7 5ƠRдFϊa]

تسلمين وفاي عالمرور..

صح بدنج

 

[@ رسيم القاف @]

قصيدة رائعه .. ما شاء اللهـ..

تذكرني بقصيدة لـ الداهية سعد بن جدلان

إستفتح القصيدة بـ تهليل وتحميد وثناء عظيم على رب العزة ,.,

وتضل القصائد المشابه لهذا الطرق هي الأسمى في الساحه الشعرية

نتمنى أن نقراء مثل هذة القصائد ونستمع لها أكثر من المجون والغزل

شكراً وبإنتظـآر جديدك / والله يرحم شاعرها وونعم في عيبه

 

[rồ7 5ƠRдFϊa]

النعم فيك طال عمرك

تسلم طال عمرك على تواجدك الرائع...

 

[همس الورد]

عوآفي على آحسآسك آلذوق

جل آحترآمي لكـ